ҚҰЖАТТАРДЫ ТАПСЫРУ ЖӘНЕ ЖЕҢІМПАЗДАРДЫ АНЫҚТАУ ТӘРТІБІ

5.3. Конкурстық өтінімдер екі кезеңде қарастырылады:

5.3.1. Бірінші кезеңде Ұйымдастырушы Конкурсқа Қатысушылардың өтінімдерін қабылдау аяқталған күннен бастап www.halyqumiti.kz бірыңғай онлайн-платформасында ашық онлайн-дауыс беруді өткізеді. Онлайн-дауыс беру нәтижелері бойынша бірыңғай онлайн-платформада санаттар шеңберінде кему тәртібімен дауыс саны бар Қатысушылардың тізімі орналастырылады.
5.3.2. Екінші кезеңде онлайн - дауыс беру аяқталғаннан кейін Ұйымдастырушы әлеуметтік идеяларды бағалау Критерийлеріне сәйкес финалистердің өтінімдерін бағалайды және әр номинация бойынша жеңімпаздарды анықтайды. Жобаларды бағалау жөніндегі отырыс әлеуметтік желілердегі Қор аккаунттарында тікелей трансляциямен offline және online форматында да өтуі мүмкін. Бірыңғай онлайн-платформада ашық дауыс беру нәтижелерін Ұйымдастырушы назарға алады, бірақ жеңімпаздарды таңдауда айқындаушы фактор болып табылмайды. Екінші кезеңнің қорытындылары бойынша Ұйымдастырушының ең көп дауыс санын жинаған 10 (он) жеңімпаздан артық емес айқындалады, дауыстар тең болған кезде екі үміткер де өтеді.
5.4. Конкурс жеңімпаздарын «Халық» Қайырымдылық қорының Қамқоршылық кеңесі бекітеді. «Халық» Қайырымдылық қорының Қамқоршылық кеңесінің шешімі хаттамамен рәсімделеді, оған Комиссия төрағасы мен мүшелері қол қояды және www.halyqymiti.kz бірыңғай онлайн-платформасында орналастырылады.
5.5. Жеңімпаздар жобаны іске асыру үшін ақшалай баламада грант алады
5.6. Егер Ұйымдастырушы және/немесе Комиссия мүшелері Конкурсты өткізу барысында немесе Конкурс аяқталғаннан кейін кез келген уақытта Қатысушының жалған деректерді немесе Қазақстан Республикасының заңнамасын (авторлық және сабақтас құқықтар туралы заңнама нормаларын қоса алғанда) және/немесе үшінші тұлғалардың қандай да бір құқықтарын бұза отырып алынған деректерді бергені анықталса, онда мұндай Қатысушы дисквалификациялануға тиіс, ал Конкурс нәтижелері жойылуға жатады.