Жоба «Медициналық көмек көрсетумен байланысты инфекциялық аурулардың алдын алу бойынша санитариялық-эпидемияға қарсы, санитариялық-профилактикалық іс-шараларды ұйымдастыруға және жүргізуге қойылатын санитариялық-эпидемиологиялық талаптар»

15. 
    Буын және сүйек инфекцияларына остеомиелит, буын немесе буынқап инфекциялары, медициналық көмек көрсетумен байланысты омыртқааралық дискілердің инфекциялары жатады.
    
16. 
    Остеомиелитті анықтау критерийі пациентте келесі жағдайлардың бірінің болуы:
    

1. 
   сүйек тіндерінің себіндісінде микроорганизмді бөлу;
   
2. 
   хирургиялық араласу кезінде байқалатын немесе гистопатологиялық деректермен расталатын остеомиелит белгілері;
   
3. 
   басқа ешқандай себептер болмаған жағдайда келесілердің екеуінің: қызбаның (38 ° С-тан жоғары), локальды ісіну, ауырсыну, қызу, болжамды инфекция ошағынан бөліндінің бөлінуі және келесі жағдайлардың бірінің болуы:
   

қанды зерттеу кезінде оң нәтиженің алынуы;

инфекцияның болуын растайтын рентгенологиялық деректер болып табылады.

17. 
    Буын немесе буынқап инфекцияларын анықтау критерийі пациентте келесі жағдайлардың біреуінің болуы:
    

1. 
   синовиальды сұйықтық себіндісінде немесе синовиальды тін биоптатында микроорганизмді бөлу;
   
2. 
   хирургиялық араласу кезінде байқалатын немесе гистопатологиялық зерттеу деректерімен расталатын буын немесе буынқап инфекцияларының белгілері;
   
3. 
   басқа ешқандай себептер болмаған жағдайда келесілердің екеуінің: буынның ауыруы, ісінуі, ауырсыну, қызу, буыннан сұйықтықтың немесе қимыл-қозғалыс амплитудасының шектелуі және келесі жағдайлардың бірінің болуы:
   

қанды, несепті немесе синовиальды сұйықтықты антигендерге зерттеу кезінде оң нәтиженің алынуы;

синовиальды сұйықтықтың инфекцияға тән және негізгі ревматикалық аурудың белгілері болып табылмайтын жасушалық және биохимиялық сипаттамалары;

инфекцияның болуын растайтын рентгенологиялық деректер болып табылады.

18. 
    Омыртқааралық дискілердің инфекцияларын анықтау критерийі пациентте келесі жағдайлардың бірінің болуы:
    

1. 
   инфекцияланған жерден хирургиялық араласу кезінде немесе пункциялық биопсия арқылы алынған тін үлгілерінің себінділерінде микроорганизм бөлу;
   
2. 
   зақымдалған жердегі инфекцияның хирургиялық араласу кезінде байқалатын немесе гистопатологиялық деректермен расталатын белгілері;
   
3. 
   басқа ешқандай себептермен түсіндірілмейтін қызба (38 ° С-тан жоғары) немесе зақымдалған жердің ауыруы және инфекцияның болуын растайтын рентгенологиялық деректер;
   
4. 
   басқа ешқандай себептермен түсіндірілмейтін қызба (38 ° С-тан жоғары) немесе зақымдалған жердің ауыруы және қанды, немесе несепті антигендерге зерттеу кезінде оң нәтиженің алынуы болып табылады.