Жазғы демалыс кезінде студенттік құрылыс және «Жасыл ел» жастар еңбек жасақтарында еңбек еткен студенттік жасақтар волейбол және шағын футбол ойындары бойынша 3 қыркүйек күні өзара жолдастық кездесулерін ұйымдастырды

жүктеу 423,55 Kb.

бет	1/2
Дата	01.01.2018
өлшемі	423,55 Kb.
	#6562

1 2

«Дін, саясат және жастар»

2011 жылдың 31 тамызы күні облыстық жас көшбасшылар мен студенттік жастар ұйымдары жетекшілерінің, «Нұр Отан» Халықтық – Демократиялық партиясының, дін өкілдерінің және еңбек ардагерлерінің қатысуымен жастар арасында рухани келісімді нығайту мақсатында «Дін, саясат және жастар» тақырыбындағы дөңгелек үстел оздырылды. Дөңгелек үстелге «Нұр Отан» Халықтық – Демократиялық партиясы Батыс Қазақстан облыстық филиалы төрағасының орынбасары А.А. Шыныбеков төрағалық етті. Университет атынан аталмыш дөңгелек үстелге тәрбие жұмысы жөніндегі бөлім жетекшісі М.И.Исатаев қатысып, оқу ордамыздағы студент жастармен жүргізілетін тәрбие жұмысының негізгі бағыттары мен іс-шараларын атап өтті. Жастар қоғамдық бірлестіктері мен жас көшбасшылардың тарапынан осы тақырыптағы ой-пікірлер айтылып, ұсыныс-тілектері жолданды. Дөңгелек үстелдің қорытындысы ретінде барлық қатысушылардың тарапынан арнайы үндеу қабылданды.

2011 жылдың 7 қыркүйегінде М.Өтемісов атындағы Батыс Қазақстан мемлекеттік университеті студенттік жатақханасының тұрғындарымен арнайы жиналыс өткізілді.

Күн тәртібінде студенттерді толеранттылыққа тәрбиелеу, деструктивтік діни ағымдардан қорғау, алдын-алу мәселесі бойынша және университет жатақханасының ішкі тәртіп ережелері қаралды.

Жиналыс ұл балаларға және қыз балаларға арналып, екі жерде оздырылды. Жиынға университеттің тәрбие жұмысы жөніндегі бөлім қызметкерлері, БҚО дін істер департаментінің маманы Ғ. Мажиев, БҚО Ішкі саясат басқармасы жастармен жұмыс бөлімінің бастығы Б.М. Хайруллин, «Жайық» деструктивтік діни ағымдардан жапа шеккендерге көмек көрсету орталығының жетекшісі Л. Шағатай қатысты.

Тәрбие жұмысы және әлеуметтік мәселелер жөніндегі проректор Т.М. Даришева студентерді жаңа оқу жылының басталуымен құттықтап, Қазақстан Республикасы Тәуелсіздігінің 20 жылдық жоспарына сәйкес студенттерге рухани, толеранттылық бағытта тәрбие беру мақсатында аталмыш жиналыстың ұйымдастырылып отырғандығын және университеттің ішкі тәртіп ережелеріне сай білім алушылардың дұрыс жетіліп, дамуына арналған тәрбие жұмысының бағыттарын түсіндіріп, арнайы шақырылған қонақтарды таныстырып өтті.

БҚО дін істері департаментінің маманы Ғ. Мажиев – Қазақстанның Атырау, Ақтөбе, Қарағанды қалаларында діни экстримистік бағыттағы адамдардың ұсталғандығын, солардың көпшілігі 17-18 жастағы жастар екендігін атап көрсетті. Сонымен қатар өз болашағына балта шапқан жастардың өмірінен мысалдар келтірді. Республикада орын алып жатқан қыздардың қара жамылып кетуі, оқудан шығуы, ата-анасынан теріс айналып кетуі дұрыс еместігін, Батыс Қазақстан облысы Республика бойынша діни мәселе бойынша 4-ші орында тұрғанын және бұл жағдайдың қауіпті екенін анық айтты. Сөз соңында студенттердің біреудің қолындағы ойыншығына, ермегіне айналып кетпеулеріне тілегін білдірді.

«Жайық» деструктивтік діни ағымдардан жапа шеккендерге көмек көрсету орталығының жетекшісі Л. Шағатай студенттерді жаңа оқу жылымен құттықтай отырып, негізгі сұрақ бүгінгі қоғамдағы дін мәселесі екендігін айтты. «Секта», «джихат», «вахабит» ұғымдары туралы анықтамалар мен олардың негізгі қызметтері туралы ақпарат беріп, аталған діни ұйымдардан қорғанудың жолдарын көрсетті.

жүктеу 423,55 Kb.

Достарыңызбен бөлісу:

1 2