Мұхтархан Жансая Бөкеннқызы
1 курс. Дот. колледжден кейін.
Пән: Бастауыш сынып оқушыларының жаңартылған математикалық білім негіздері
Жауап қалыбы: Аралас жауап
Сипаты: Силлабустағы бірінші аптаның практикалық және СӨЖ тапсырмаларын орындап жібересіздер
Практикалық сабақ 1. Бастауыш мектеп математикасының негіздері – ғылым және оқу пәні (мән-маңызы, құрылымы, мақсаты, міндеті) - әңгімелесу
Болашақ бастауыш сыныптар мүғалімінің кәсіби даярлығы психологиялық-педагогикалық, пәндік-теориялық және дербес-әдістемелік дайындық сияқты құраушыларды қамтитын әртүрлі пәндерді, соның ішінде математикалық ұғымдар, заңдар, қасиеттер, фактілер, әрекет тәсілдері, логикалық амалдар мен ақыл-ой операцияларын қарастыратын «Кіші мектеп жасындағы балалардың жаңартылған математикалық білім негіздері» оқу пәнін оқып-үйрену барысында жүзеге асырылады
«Кіші мектеп жасындағы балалардың жаңартылған математикалық білім негіздері» оқу пәнінің мақсаты: кіші мектеп жасындағыларға математиканы оқыту үдерісінің үстінде туындайтын нақты оқу-танымдық міндеттерді кәсіби тұрғыдан шешуге қажетті теориялық біліммен және практикалық біліктермен қаруландыру арқылы «Бастауышта оқыту педагогикасы мен әдістемесі» мамандығы студенттерінің теориялық-математикалық даярлығын қамтамасыз ету. Бастауыш мектеп математикасының теориялық негіздерінен алған білім бастауыш мектеп математика курсы нақты мәселелерін оқытып-үйретудің әртүрлі нұсқадағы моделдерін жасау үшін қажет болатын алғышарт іспеттес.
«Кіші мектеп жасындағы балалардың жаңартылған математикалық білім негіздері» оқу пәнін оқытып-үйретудің міндеті:«Математикалық теорияның элементтері» және «Сандардың жиындары мен шамалар. Алгебраның және геометрияның элементтері» сияқты екі тақырып бойынша топтастырылған материалдар мазмұнына барабар қажетті білім, білік және дағдылармен қаруландыру.
«Кіші мектеп жасындағы балалардың жаңартылған математикалық білім негіздері» оқу пәні екі бөлімнен тұрады. Бірінші тақырыпта: математикалық құрылым және оның типтері; жиын және оларға қолданылатын амалдар; графтар теориясының элементтері; сәйкестік, оның түрлері және қасиеттері; комбинаториканың, ықтималдықтардың және математикалық статистиканың элементтері; математикалық тұжырым (сөйлем), оның құрылымы және түрлері; алгоритм, оның түрлері және қасиеттері қарастырылады. Екінші тақырып: сандардың жиындарына және шамаларға, алгебра мен геометрияның элементтеріне арналған да, мұнда теріс емес бүтін сандар жиынын құрудың және сандар жиынын кеңейтудің (N, N0=Z0, Z, Q, R,C) әртүрлі жолдары қарастырылады, алгебралық және геометриялық ұғымдар мен әрекет тәсілдері жалпыланады және жүйеленеді, қарапайым шамалар және оларды өлшеу ортақ көзқарас тұрғысынан оқытылып-үйретіледі.
Оқу пәнінің мазмұны бір кездері адамның әртүрлі саладағы практикалық қызметі қажеттіліктерінен туындаған және қазіргі уақытта көптеген ғылым салаларына дендеп еніп, абстракциялық сипатқа ие болған көне ғылымдардың бірі болып табылытын математика ғылымының әралуан салалары мен бөлімдері ақпараттарын қамтиды.
Қазіргі кезде математика ғылымы туралы екі түрлі пікір қалыптасқан.
1. Математика, басқа ғылымдар сияқты бізді қоршаған әлемді зерттейді. Сондықтан да математика - зерттеу объектісі кеңістіктік формалар, саңдық қатынастар және логикалық конструкциялар болатын ғылым.
2. Математика - құрылымдар және олардың модельдері жайлы ғылым. Математика ғылымына «құрылым» терминін енгізген - Н.Бурбаки, барлық математиканың іргетасын құрайтын негізгі (тудырушы) құрылымдардың соншалықты көп емес, нақтырақ айтқанда үш типін: алгебралық құрылымдарды, реттік құрылымдарды, топологиялық құрылымдарды анықтады. Дегенмен, Н.Бурбакилердің өздері негізгі құрылымдардың саны түпкілікті анықталды деп есептемейді.
Іргетасын жоғарыда аталған негізгі құрылымдар құрайтын математиканы әрі қарай түзу( конструкциялау) екі негізгі тәсілмен іске асады:
* бірімен-бірі сәйкес аксиомалар көмегімен табиғи түрде байланысқан бірнеше негізгі құрылымдардан (немесе, жалпы алғанда әртүрлі құрылымдардан) түзілген күрделі құрылым жасау арқылы;
* қаңдай да негізгі құрылымның аксиомаларына бір немесе бірнеше толықтама аксиомалар қосу барысыңда пайда болатын арнайы құрылым жасау арқылы.
Математиканың қандай да бөлімін аксиоматикалық жолмен құру былайша жүзеге асырылады:
1. Қарастыратын теорияның шеңберінде анықталмайтын алғашқы терминдер деп аталатын, саны ақырлы ұғымдар мен олардың арасындағы қатынастар іріктеледі;
2. Бастапқы ұғымдар мен қатынастардың өзара байланысын тағайындайтын (және оларды жанама түрде анықтайтын), ақиқаттығы дәлелдеусіз қабыданатын бірнеше бастапқы тұжырымдар - аксиомалар сұрыпталады;
3. Қарастыратын теорияға енгізілетін барлық жаңа ұғымдар бастапқы терминдер немесе бұрын анықталған ұғымдар мен қатынастар арқылы анықталады;
4. Теорияның барлық жаңа тұжырымдары (теоремалары) алғашқы терминдердің немесе аксиомалардың (немесе алдыңғы теоремалардың) негізінде дәлелденуі тиіс және де қорытып шығару ережесі (ақиқат сөйлемнің бірі екінші бір ақиқат сөйлемнен туындайды) беріледі және ол математикалық логикада зерттеледі;
5. Аксиоматикалық теорияны нақты объектілер жиынында жүзеге асыру үшін аксиоматикалық теорияның көрнекі көрсетіліп берілуі (немесе моделі) пайдаланылады.
«Кіші мектеп жасындағы балалардың жаңартылған математикалық білім негіздері» пәнінің тақырыптары материалдарын оқытып-үйрету барысында, әдетте алдымен бастапқы терминдер мен ұғымдар ажыратылады, әрі қарай енгізілетін жаңа ұғымдарға формальды-логикалық анықтамалар беріледі және теорияның жаңа тұжырымдары (теоремалары) дәлелденеді. Содан кейін практикалық сабақтарға, студенттердің оқытушымен өзіндік жұмысына (СОӨЖ) және студенттердің өзіндік жұмысына (СӨЖ) арналған жаттығулар орындалады да, білімді практикада қолдану біліктері мен дағдылары қалыптастырылады. Соңына қарай бақылау сұрақтары, глоссарий және тестік тапсырмалар бойынша өзін-өзі бақылау іске асырылады.
Достарыңызбен бөлісу: |
