Жүйелер ансамблі үшін ықтималдықтың үлестірімділік заңы, бір жүйенің күйлерінің ықтималдығындай болады.»

Сонымен, жоғарыдағы айтылған анықтамаларды тағы бір қорытындылап алайық.

Статистикалық ансамбль дегеніміз – көп бөлшектерден құралатын бірдей физикалық жүйелердің жиынтығы. Олар бірдей макроскопиялық күйде орналасқанмен, бірақ микроскопиялық күйлері бірдей болмауы мүмкін. Бірақ жүйенің тұтасымен алғандағы күйі макроскопиялық параметрлердің берілген мәндеріне сәйкес болуы керек

Статистикалық ансамбль мысалдары.

1.Ансамбьдің толық энергиясы өзгермейтін, сыртқы ортамен, бір-бірімен энергия алмасу болмайтын жүйелер. Бұндай жүйелер жиынтығын- Гиббстің микроканондық ансамблі деп атайды.

2.Температурасы тұрақты термостатпен жанасатын жүйелер жиыны -(Гиббстің канондық ансамблі.)

3.Термостатпен және бөлшектер резервуарымен жанасатын жүйелер жиыны. (Гиббстің үлкен канондық ансамблі.) Статистикалық ансамбль ұғымы физикалық есептерді шешу мақсатында ықтималдық теориясының әдістерін қолдануға мүмкіндік береді.

Эргодикалық гипотеза басқа сөзбен былайша айтылуы мүмкін:

«Жүйені сипаттайтын физикалық шамалардың уақыт бойынша орташа мәні осы шамалардың орташа статистикалық мәніне тең.»

Сонымен статистикалық физиканың негізгі зерттейтін объектісі: статистикалық ансамбль. Статистикалық ансамбль- физикалық жүйенің теориялық моделі болып табылады. Оны сипаттайтын негізгі шама- статистикалық үлестрімдік функциясы. Статистикалық физиканың негізгі есебі үлестрімдік функциясының көмегімен статистикалық заңдылықтарды зерттеу және жүйені сипаттайтын физикалық шамалардың өзара байланыстарын, мәндерін анықтау болып табылады.