Итоги социально-экономического развития Абайского района

1. 
   ӨНЕРКӘСІП
   

2007 жылдың қаңтар – желтоқсан айларында өндіріс орындары қазіргі бағамен 47922,0 мың тенгенің тауарлық өнімдерін өндірген, бұл былтырғы жылдың осы уақытымен салыстырғанда 139,2 пайыз.

Үстіміздегі жылдың 12 айы ішінде «ВК РЭК» АҚ Семей филиалы 18289,0 мың теңгенің өнімін өндірген, бұл былтырғы жылдың осы мерзімімен салыстырғанда 183,8 % құрайды.

Қосалқы кәсіпорын 12 айда 27779,0 мың теңгенің өнімін өндірген, былтырғы жылмен салыстырғанда өнім көлемі 132,3 % болды.

2. 
   АУЫЛ ШАРУАШЫЛЫҒЫ
   

Аудан бойынша биылғы жылдың 12 айында ауылшаруашылық өнімдерін өндірумен 589 шаруа қожалығы және 4500 жеке меншік қосалқы шаруашылық айналысуда. Өндірілген мал өнімдерінің көлемі: ет – 9371 тонна (былтырғы жылдың осы мерзімімен салыстырғанда 113,1%), сүт – 17992 тонна (былтырғы жылмен 105,0%), жұмыртқа – 919 мың дана (102,6%).

Ауылшаруашылық құрылымдарында мал шаруашылығы өнімдерінің өскені байқалады. Мал басының өсуіне байланысты мал өнімдерін өндіру өсті. Қой, ешкі малы 238575 бас болды немесе былтырғы жылдың осы уақытымен салыстырғанда 6,6% өсті, мүйізді ірі қара 35962 бас немесе 5,5%, жылқы 12393 бас немесе 3,4% өсті.

Ауданда қой малының тұқымын асылдандыру жұмысымен 9 шаруашылық: «Қасқабұлақ» жауапкершілігі шектеулі серіктестігі, «Мағжан», «Ұлан», «Дәурен», «Жанабай», «Қарашоқы», «Айтуған» және кейіннен «Қабанбай», «Нұрсұлтан» шаруа қожалықтары айналысып келеді. Бұлардың иелігінде 30123 бас қазақтың қылшық жүнді асыл тұқымды қой малы өсіріледі. Осы малдардың 9014 басы элита класына, 13330 басы І класқа жатқызылды. Мемлекеттік тапсырыс уақытымен орындалып отыр. Бүгінгі күні 330 тонна мемлекеттік тапсырыс бойынша толығымен орындалып, 27720,0 мың тенге субсидия алынды. Сондай-ақ, «Ильяс и К» шаруа қожалығы жылқы малын асылдандыру бағытында ашылды. Болашақта МІҚ малдарын асылдандыру жоспарлануда. «Шалипан» шаруа қожалығы Коростылевское асыл тұқымды шаруа қожалығынан 293 бас қазақтың ақ бас сиырын сатып алды. Бордақылау мәртебесін алуға құжаттарын дайындау үстінде. Жаңа типтегі мал қораларын салып, келесі жылы асыл тұқымды шаруашылық мәртебесін алу жоспарланып отыр.

Ауылдық округтерде қолдан ұрықтандыру пункттерін ашу мақсатында ауылдардан арнайы ғимараттар бөлініп, күрделі жөндеуден өтті. Бүгінгі таңда Медеу, Көкбай ауылдарында мал бордақылау алаңы жұмыс жасайды. Мүйізді ірі қараны қолдан ұрықтандыратын 5 пункт бар. Болашақта қосымша тағы 4 пункт ашылады.

Аудан бойынша: «Қасқабұлақ» ЖШС-гі негізінде машина-трактор жөндеу шеберханасы жұмыс жасауда. Қазіргі уақытта шаруа қожалықтарымен, ауыл тұрғындарымен келісім шартқа отырып, тапсырыс бойынша қызмет көрсетуде.

Қарауыл ауылында да машина-трактор жөндеу шеберханасы МТС «Дерикар» ЖШС-гі негізінде ашылып, халыққа қызмет жасауда. Сондай-ақ, ауылдық округтерде жеке кәсіпкерлердің халыққа техникалық қызмет көрсету орындары жұмыс істейді. Олар халыққа аппаратура жөндеу, сваркалық жұмыс, токарлық жұмыс, шөп дайындап тасымалдау жұмыстары, қысқы отынмен қамтамасыз ету, т.б. қызмет түрлерін көрсетуде.

«Қарғалы» шаруа қожалығы негізінде жұмыс істеп отырған қымыз цехы күніне 250 литр жоғары сапалы қымыз өндіріп, аудан көлемінде, Семей қаласының дүкендерінде литрі 120 теңгеден саудалануда.

2006 жылдан бастап «Шыңғыстау несие» серіктестігі 31 шаруа қожалығы негізінде жарғылық қоры 13 337 000 теңге болып құрылып, әділет басқармасына тіркелген. Қазіргі уақытта несие желісі ашылып, Аграрлық несие коорпорациясымен 53 348 000 теңгеге 5 жылға №458 келісім шартқа отырды. Үстіміздегі жылы 27 шаруа қожалығының бизнес-жоспары қорғалып, 51948,0 мың теңге тиісті несиелері шаруа қожалықтарының есеп шотына аударылды.

2006 жылы “Ауылшаруашылығын қаржылай қорғау” АҚ арқылы ауданның 55 тұрғындарына 6,5 млн. теңге несие берілсе, 2007 жылы несие көлемі көбейіп, 65 адамға 10790,0 мың теңге несие берілді.

Шаруа қожалықтарының өсу қарқыны