Мемлекеттік Жекешелендірілген

Сондай-ақ, халықтың емдеу орнын таңдауды жүзеге асы­рылу шаралары жүргізіледі. Халықты тіркеумен айналысатын емханалардың тізімі Әлеуметтік медициналық сақ­тандыру қорының fms.kz сай­тын­дағы «Клиника таңдау» бө­лі­мінде орналасқан. Биылғы тір­кеу науқанына бастапқы меди­­циналық-санитарлық көмек көр­сететін 580 ұйым қатысып, ел тұр­ғындарына дәрігерлік көмек көр­сетеді деп күтілуде. Тұрғындардың Қазақстанның қай облысында орналасуына байланысты мемлекеттік немесе жеке меншік емдік орнына баруға мүмкіндігі бар. Мысалы, сайт арқылы Батыс Қазақстан облысының тұрғындары әлеуметтік медициналық сақтандыру қорында тіркелген 64 емхананың біреуін таңдай алады. Әлеуметтік медициналық сақтандыру қоры емделіп жүрген емханаға көңілі толмайтын немесе медициналық мекемені таңдауда қиналып жүрген азаматтарға емдеу мекемесін ауыстыруға, қалауынша тіркелуіне мүмкіндік береді. Мәселен, былтырғы тіркеу науқаны барысында 300 мыңнан астам қазақстандық азамат емхана таңдау құқығын пайдаланған көрінеді. Бұл тіркеу кампаниясына деген жұртшылықтың қызығушылығының артқанын, азаматтардың аталған науқан туралы ғана емес, емхананы еркін таңдау құқығы жайлы да біле бастағанын білдіреді. Ең бас­­тысы – емдеу мекемесінің Әлеу­мет­­тік медициналық сақтандыру қоры түзетін базада болуы және емхананың белгілі бір тіркелген тұрғындар қатары болуы шарт.

Халыққа сапалы медициналық көмекті қамту үшін «Қазақстан-2050» стратегиясына негізделген «100 нақты қадам» жоспары нақты мақсаттарды қамтиды. 80-82 қадамдар жекеменшік медицинаны дамытуға, медициналық мекемелерге корпоративтік басқаруды енгізуге бағытталған. Бәсекелестік есебінен қызметтің қолжетімділігі мен сапасын көтеру мақсатында әлеуметтік медициналық сақтандыру жағдайындағы бастапқы медициналық әлеуметтік көмекті қаржыландыру – бәсеке есебінен медициналық ұйымдардың корпоративтік басқару қағидаттарына көшуін қамтамасыз етеді. Мемлекеттік медициналық ұйымдарды жекешелендіруді ынталандыру арқылы мемлекеттік емес ұйымдар тегін медициналық көмектің кепілдендірілген көлемін береді. Сонымен қатар, 2016-2020 жылдарға есептелген бағдарлама 2 кезеңді қамтиды. Денсаулық сақтауды жоғары ғылыми технологиялар, генетикалық, тұлғаландырылған, регенеративті және наномедицина бағытында дамыту. Әрі алғашқы медициналық көмек көрсету саласындағы жеке меншік секторды, кіші және орта бизнесті дамытуға мемлекеттік қолдау қамтылады.