I бөлім. Delphi бағдарламалау ортасымен танысу delphi объектiлi-бағытталған бағдарламалау тілі туралы қысқаша мағлұмат

Delphi-дің даму тарихы 1971 жылы Никлаус Вирт (Niclaus Wirth) жасаған Pascal тілінен басталады. Алғашқы кезде Pascal тілі тек оқу процесінде пайдаланылды, ал уақыт өте келе функционалдық мүмкіндігіне байланысты коммерциялық мақсатта пайдаланылды. Бағдарламалау тілдері қарқынды дами келе Borland компаниясы Turbo Pascal тілін жасады, бұл Pascal тілінің ең танымал нұсқасы. Borland компаниясы обьектілі-бағытталған бағдарламалау тілінің мүмкіндігін көрсетті, яғни Windows жүйесінде Turbo Pascal мен Object Pascal тілдерімен жұмыс жасауын қамтамасыз етті. Borland компаниясы Object Pascal тілінің мүмкіндігін кеңейтіп, Delphi визуальді б ағдарламалау ортасын жасап шығарды.

Осы уақытқа дейін Borland компаниясы бірнеше модификацияланған Delphi нұсқаларын жасады. Delphi бағдарламалау тілі – кез-келген қосымшаны дайындауға болатын жылдамдығы тез, қуатты тіл. Delphi–дің бірінші нұсқасы 1995 жылдары жарыққа шығып, кейінгі жылдары оның бірте-бірте кеңейтілген 2,3,4,5,6,7-нұсқалары жарық көрді. Қазіргі кезде Delphi 2008, 2009, 2010 нұсқалары бар. Delphi 2010 нұсқасы 2009 жылы жасалған. Delphi нұсқаларының айрмашылықтарына мысал ретінде: Delphi 5-ші нұсқасы 1999 жылы, 6-нұсқа 2001 жылдың мамыр айында жарыққа шықты. 5,6-нұсқалардың бір-бірінен айырмашылығы жоқ деуге де болады, екеуі де Windows32 операциялық жүйесінің негізінде дайындалған.