Электірлі және тепловоз тартылысының негіздері

Поездар	v, км/сағ, еңістер үшін iк, ‰
	4	6	8	10	12	14	16	18
Жүк	4	4	4	4	5	6	7	8
Жолаушылар	2	2	3	4	6	7	8	9

1

10-сурет. Реттеу тежеуі режимінде жүру кезінде жылдамдық қисығын құру мысалы

0-суретте бірқалыпты жылдамдық бос жүріс режиміндегі жіберілетін шекті жылдамдықтан үлкен болған жағдай үшін жылдамдық қисығын құру нұсқасы келтірілген. «ко» машинист бақылаушысының ажыратылуын білдірсе, «рт» әріпімен реттеу тежеу режиміне ауысу белгіленген.

Ұзындығы 10 км асатын немесе тіктігі 18 ‰ үлкен ауыр еңісте жылдамдық қисығын баяулату күшінің тиісті диаграммаларын қолдана отырып құрады.

Жылдамдық қисығын құруда тежегіштің жұмыс істеуін тексеруді қарап тұру керек. ТЕЕ сәйкес тежеуді тексеру мақсатында тежеу кезінде жылдамдықты төмендету жүк поездары үшін 20 км/сағ құрайды, ал жолаушылар поезы үшін – 10км/сағ.

Поезд материальдық нүкте ретінде қарастырылатындықтан поезд қозғалысының жылдамдық қисығы оның ауырлық центріне құрылады. Осыған сәйкес қозғалыс жылдамдығына қойылатын шектеу поездың басына да соңына да орындалуы қажет екендігін ескеру қажет. Өйткені, жылдамдық қисығын құрудағы шектеу поезд ұзындығының жартысына тең қашықтықта жатқан нүктеден бастап шектеуді қоюдың бастапқы орнына дейін орындалуы керек және шектеу қоюдың аяқталуы жеріне поездың ауырлық центрімен өткеннен кейін сол қашықтықта аяқталуы қажет.