Дурмекбаева Шынар Нурлыбековна 6B01514 Биология 6В01507 Химия-биология мамандығының студенттері үшін Ботаника пәні бойынша зертханалық жұмыстарға арналған Әдістемелік нұсқаулар

жүктеу 0,79 Mb. бет 9/29 Дата 17.09.2022 өлшемі 0,79 Mb. #39289 түрі Нұсқаулар

Навигация по данной странице:

• 1-жұмыс Жұмыстың орындалу барысы
• 2-жұмыс Жұмыстың орындалу барысы
• 3-жұмыс Жұмыстың орындалу барысы

Қажетті материалдар мен құралдар: Бегонияның, қызылшаның жас немесе фиксацияланған сағақтары, жаздық бидайдың (Казахстанская раннеспелая сорты) жас немесе фиксацияланған сабақтары, шала піскен алмұрт жемісі, флороглюцин, тұз қышқылы, микроскоп, препаральды лупа, препаральды ине, заттық шыны және жабындық әйнектер, фильтр қағазы, су. 1-жұмыс Жұмыстың орындалу барысы: Бегония немесе қызылша жапырағының сағақтарынан көлденең кесінділер даярлап препарат жасаңыз. Алдымен микроскоптың кіші, одан кейін үлкен ұлғайтқышы арқылы қараңыз. Бегония жапырағының сағағындағы бұрышты колленхиманың бір бірімен көршілес клеткаларының қалыңдаған бұрыштары өзара түйіседі де, үшбұрышты призма тәрізді болып көрінеді. Суретін салыңыз. 2-жұмыс Жұмыстың орындалу барысы: Бидай сабағы буынаралығынан көлденең кесінділер кесіп, заттық шыныдағы су тамшысына салыңыз. Бетін жабын әйнекпен жауып, микрокоптің кіші, одан соң үлкен ұлғайтқышы арқылы қараңыз. Буынаралығының көлденең кесіндісінде жабындық ұлпаны клетка қабықшалары қалыңдаған бірқатар эпидерма клеткалары түзеді. Эпидерма клеткалары қабатының астыңғы жағында арқаулық ұлпа –сүректенген склеренхима талшықтары сақина тәріздес орналасқан. Склеренхима талшықтарында жұқа қабықшалы хлоренхима клеткалары анық байқалады. Склеренхима клеткаларының қатар санын анықтап, суретін салыңыз. Сонымен қатар, қазтамақ сабағының склеренхима клеткаларын қарап, суретін салыңыз (сурет 8 А). 3-жұмыс Жұмыстың орындалу барысы: Склереид клеткаларын алмұрт жемісінен алуға болады. Шала піскен алмұрт жемісін пышақпен қақ жарғанда, оның ішкі жұмсақ етінде көптеген бозғылт нүктелер жай көзге де анық көрінеді. Сол нүктелердің бір- екі данасын сапты иненің ұшымен алып, су тамызылған заттық шынының үстіне қоямыз. Ине ұшымен, ондағы клеткаларды бір-бірінен ажыратамыз. Ажыраған клеткалардың үстіне бір тамшы флороглюцин және бір тамшы тұз қышқылын тамызса біразы алқызыл түске боялады, біразы боялмайды. Боялғандары склереид сүректеніп кеткенін, ал боялмағандары таза клетчатка күйінде қалған клетка қабырғалары екендігі байқалады (сурет 8 Б). Суретін салыңыз. жүктеу 0,79 Mb. Достарыңызбен бөлісу:

©g.engime.org 2024
әкімшілігінің қараңыз