Дурмекбаева Шынар Нурлыбековна 6B01514 Биология 6В01507 Химия-биология мамандығының студенттері үшін Ботаника пәні бойынша зертханалық жұмыстарға арналған Әдістемелік нұсқаулар

жүктеу 0,79 Mb.

бет	6/29
Дата	17.09.2022
өлшемі	0,79 Mb.
	#39289
түрі	Нұсқаулар

1 2 3 4 5 6 7 8 9 ... 29

botanika zerthanal k sabaktar (1)

Пайданылатын әдебиеттер:
Ш.Н: Дүрмекбаева. «Өсімдіктер морфологиясы мен анатомиясының практикумы». Көкшетау. 2004. – Б. 26-29.

Зертханалық жұмыс № 5-6

Тақырыбы: Түзуші ұлпалар. Жабындық ұлпалар.
Тапсырма.

Сабақтың және тамырдың өсу конусының құрылысын қарау.
Қосжарнақты өсімдіктер жапырағы эпидермасынан препараттар даярлау және қарау.
Даражарнақты өсімдіктер жапырағы эпидермасынан препараттар даярлау және қарау.

Қажетті материалдар мен құралдар: Сужапырақ (Elodea canadensis) өсімдігінің жас немесе фиксацияланған бүршіктері, пияз (Allium cepa) тамыр ұшының дайын препараттары, алдын-ала өсірілген бидай өскіндері, Calium verum L., Phlomus tuberosa L, Жаздық бидай (Казахстанская раннеспелая сорты) өсімдіктерінің жапырақтары, микроскоп, препаральды лупа, препаральды ине, заттық шыны және жабындық әйнек, су.
1-жұмыс. Сабақтың және тамырдың өсу конусының құрылысын қарау.
Сабақтың өсу конусы.
Жұмыстың орындалу барысы: Жас немесе спиртте ұсталған сужапырақ өсімдігі (Elodea canadensis) өркенін кесіп алып, заттық шыныдағы су тамшысына салады. Екі қолға препаральды инені алып, өркеннің негізінен бастап жоғары жағына дейін жапырағын сабақтың ұшында жапырақпен жабылған өркеннің ұшы қалғанша абайлап бір-бірден жұлады. Нәзік өсу конусын зақымдамау үшін, жұмыста лупа қолданылады. Өркеннің ұшы анық көрінгенде, оны сабақтан бөліп алып, осы шыныдағы су тамшысына салады. Абайлап жабын әйнекпен жабады да шетінен су тамшысын тамызады. Дайын препаратты микроскоп үстелшесіне қойып, кіші ұлғайтқыш арқылы қарайды. Ең жоғары ұшы конус тәріздес ол тегіс, домалақ, ешқандай өсінділер болмайды. Одан төмен ұсақ төмпешіктер жапырақ бастамалары байқалады. Дайындалған препаратты қарап болғаннан соң, суретін салыңыз.
Тамыр ұшының конусы.
Жұмыстың орындалу барысы: Оны пияз тамыр ұшының ұзыннан кесіндісінің дайын препаратынан оқып-үйренеді. Микроскоптың заттық үстелшесіне препаратты қойып, кіші ұлғайтқышы арқылы тамыр ұшын қарап, тамыр оймақшасы мен өсу нүктесіндегі төбе меристемасының клеткаларын табыңыз. Кесіндінің осы бөлігін мұқият қарап, өсу конусы ірі ядролы ұсақ клеткалардан тұратынын анықтаңыз. Тамыр оймақшасы бар ең ұшында ұсақ клеткалар байқалады. Олар тамырдың өсу нүктесін түзеді. Тамыр ұшының жалпы көрінісін салып, суретте өсу нүктесі мен тамыр оймақшасын белгілеңіз.

1 2 3 4 5 6 7 8 9 ... 29