Дурмекбаева Шынар Нурлыбековна 6B01514 Биология 6В01507 Химия-биология мамандығының студенттері үшін Ботаника пәні бойынша зертханалық жұмыстарға арналған Әдістемелік нұсқаулар

жүктеу 0,79 Mb. бет 19/29 Дата 17.09.2022 өлшемі 0,79 Mb. #39289 түрі Нұсқаулар

Навигация по данной странице:

• Хламидомонаданың тіршілік айналымы
• Хламидомонада

2-тапсырма. Хламидомонаданың (Chlamydomonas) көбею жолымен танысу. Хламидомонаданың жыныссыз жолмен көбеюі оның жазда қолайлы жағдайларда бөлінуі арқылы жүзеге асырылады. Бөлінер алдында хламидомонада қозғалуын тоқтатады да, талшықтарын тастайды. Аналық жасушадан 2-4, кейде 8 жасуша босап шығады да, жекелеген дараларға айналады. Қолайсыз жағдайларда хламидомонада талшықтарын тастап, сыртына кілегей бөліп шығарады, алайда жасуша бөліну арқылы көбеюге қабілеттілігін сақтап қалады. Қолайлы жағдай туысымен оның жасушалары талшықтарын шығарып, қайтадан қозғалғыш хламидомонадаға айналады. Жынысты жолмен көбейгенде хламидомонаданың жасушасынан мөлшері жағынан бірдей бірнеше (изогаметалар) зооспораға ұқсас ұсақ гаметалар (жыныс жасушалары) пайда болады (8-16, кейде 32-64). Гаметалар суға шығып, екеу-екеуден қосылады. Бұл жағдайда зигота түзіледі, ол қалың қабықшамен қапталып қыстап шығады. Келесі жылы көктемде зигота бөлінеді. Нәтижесінде төрт жасуша пайда болады. Олар жас хламидомонадалар болып табылады . Хламидомонаданың тіршілік айналымы: А - жыныссыз көбеюі; Б - жынысты көбеюі; М - мейоз: 1 - вегетативті дара, 2 - зооспораның түзілуі, 3 - зооспоралар, 4 - гаметалардың түзілуі, 5 - гаметалардың бірігуі, 6 - зигота, 7 - зиготаның өсуі, 8 - зооспоралар. Хламидомонада: 1 - жасуша қабықшасы, 2 - плазмалемма, 3 - хроматофор, 4 - көзше, 5 - пиреноид, 6 - крахмал, 7 - митохондрия, 8 - Гольджи жиынтығы, 9 - рибосомалар, 10 - эндоплазмалық тор, 11 - ядро, 12 - газды вакуоль, 13 - талшықтар. 3-тапсырма. Жасыл балдырлардың (Chlorophyta) жіктелуін оқып үйрену. Жасыл балдырлар (Chlorophyta) мынадай бес класқа бөлінеді: вольвоксты балдырлар класы (Volvocophyceae), протококкты балдырлар класы (Protococcophyceae), улотриксті балдырлар класы (Ulothrichophyceae), сифонды балдырлар класы (Siphonophyceae), тіркеспелі балдырлар класы (Conjugatophyceae). 1 Вольвоксты балдырлар класы - Volvocophyceae Волвокс туысы Volvox Хламидомонада туысы Chlamydomonas 2 Протококкты балдырлар класы - Protococcophyceae Хлорелла туысы Chlorella 3 Улотриксті балдырлар класы - Ulothrichophyceae Улотрикс туысы Ulothrix 4 Сифонды балдырлар класы - Siphonophyceae Каулерпа туысы Caulerpa 5 Тіркеспелі балдырлар класы - Conjugatophyceae Спирогира туысы Spirogira жүктеу 0,79 Mb. Достарыңызбен бөлісу:

©g.engime.org 2024
әкімшілігінің қараңыз