Үшінші кезеңде (2016-2017ж.) дуальді оқыту жүйесінде колледж
студенттерінің бойында еңбек құндылығын қалыптастыру әдістемесі
құрастырылып, оны жүзеге асырудың әдістері мен формалары таңдап
алынды және эксперименталдық жұмыстарда тексеріліп, тәжірибеге енгізілді.
Дуальді оқыту жүйесінде колледждің оқу-тәрбие үдерісінде студенттердің
бойында еңбек құндылығын қалыптастыру экспериментінің нәтижелері
қорытындыланып, ұсыныстар дайындалды және пайдаланылған әдебиеттер
тізімі жүйеленді.
Зерттеу базасы: Шымкент қаласындағы №5 колледж, Инновациялық-
технологиялық колледжі, Кентау политехникалық колледжі. М.Әуезов
атындағы Оңтүстік Қазақстан мемлекеттік университеті.
Зерттеудің ғылыми жаңалығы мен теориялық мәнділігі:
- «дуальді оқыту жүйесінде колледж студенттерінің бойында еңбек
құндылықтарын қалыптастыру» ұғымы нақтыланып, құрылымы мен
мазмұны анықталды;
- дуальді оқыту жүйесінде колледж студенттерінің бойында еңбек
құндылығын қалыптастыру моделі жасалды;
- дуальді оқыту жүйесінде колледж студенттерінің бойында еңбек
құндылығын қалыптастырудың педагогикалық шарттары айқындалды;
- дуальді оқыту жүйесінде колледж студенттерінің бойында еңбек
құндылықтарын қалыптастырудың мазмұны мен әдістемесі негізделіп, оқу-
әдістемелік кешенмен қамтамасыздандырылды және олардың тиімділігі
практика жүзінде дәлелденді.
Зерттеудің практикалық маңыздылығы:
Зерттеудің нәтижелері бойынша колледж студенттеріне арналған
«Кәсіби еңбек құндылықтарының негіздері» атты таңдау оқу курсының
бағдарламасы дайындалды және оның оқу-әдістемелік кешені құрастырылып
оқу үдерісіне енгізілді. Болашақ кәсіптік оқытушылар үшін «Дуальді оқыту
негіздері» атты таңдау оқу курсының бағдарламасы, оқу құралы, оқу-
әдістемелік кешені, «Дуальді оқыту негіздері» атты электрондық оқу құралы
құрастырылып оқу үдерісіне енгізілді.
Зерттеу нәтижелерін Техникалық және кәсіптік білім беру мекемелері
мен ЖОО-да болашақ кәсіптік оқыту мұғалімін даярлауда және біліктілікті
арттыру курстарында, кәсіби білікті жұмысшы мамандарды даярлау
жүйесінде пайдалануға болады.
Қорғауға ұсынылатын қағидалар:
· «дуальді оқыту», «еңбек құндылықтары», «колледж студенттерінің
бойында еңбек құндылығын қалыптастыру» ұғымдарының өзара
байланысының мәні және «дуальді оқыту жүйесінде колледж студенттерінің
бойында еңбек құндылығын қалыптастыру» ұғымының анықтамалық
түсінігі мен мазмұндық сипаты;
· дуальді оқыту жүйесінде колледж студенттерінің бойында еңбек
құндылығын қалыптастырудың құрылымдық моделі;
· дуальді оқыту жүйесінде колледж студенттерінің бойында еңбек
құндылығын қалыптастыруды қамтамасыздандыратын педагогикалық
шарттар;
· дуальді оқыту жүйесінде колледж студенттерінің бойында еңбек
құндылығын қалыптастырудың тиімді әдістемесі мен оқу-әдістемелік
кешендер мазмұны.
Зерттеу нәтижелерінің дәлелділігі мен негізділігі философия,
психология және педагогика ғылымдарының заманауи мәліметтерін
қолданылуымен, отандық және шетелдердегі дуальді оқыту жүйесінде
колледж студенттерінің бойында еңбек құндылығын қалыптастырудың
мазмұндық және процессуалдық сипаттарының теориялық деңгейде
қарастырылуымен, зерттеу деректерінің дәлелділігімен, экспериментік
зерттеу жұмысының жоспарының кезеңділігімен, алғашқы және қорытынды
көрсеткіштер нәтижелерінің негізделуімен, әдістемелік жұмыстың тиімділігі,
әрі
оларды
оқу-тәрбие
үдерісіне
кешенді
ендірілуімен
қамтамасыздандырылады.
Зерттеу нәтижесін сынақтан өткізу және ендіру. Диссертациялық
зерттеу материалдары бойынша 26 ғылыми еңбек жарияланды, олардың
ішінде 3 Жоғары аттестациялау Комитеті ұсынған ғылыми басылымдарда, 2
Scopus компаниясының ақпараттық базасында нөлдік емес импакт-факторы
бар журналдарда шықты. Сонымен қатар, 18 халықаралық конференция
материалдарында, 2 шетелдік конференция материалдарында, 1 авторлық
куәлігі бар электронды оқу құралы мен оқу бағдарламасы жарыққа шықты.
Диссертациялық жұмыс №3149/ГФ4 Жоба келісім шартты бойынша
2015-2017 ж.ж. аралығында «Техникалық және кәсіптік білім беру жүйесінде
болашақ педагогтарды дуальді оқытуға даярлау үдерісін жетілдірудің
ғылыми әдіснамалық негіздері» тақырыбындағы ғылыми жоба аясында
орындалды.
Диссертация
құрылымы. Жұмыс кіріспеден, екі тараудан,
қорытындыдан,пайдаланылған әдебиеттер тізімі және қосымшалардан
тұрады.
Кіріспеде зерттеудің ғылыми аппараты, тақырыптың өзектілігі,
зерттеу жұмысының мақсаты, пәні, нысаны, ғылыми болжамы мен
міндеттері, әдіснамалық негіздері, жетекші идеясы, зерттеу әдістері мен
кезеңдері, ғылыми жаңалығы мен теориялық маңыздылығы, практикалық
маңыздылығы,
қорғауға
ұсынылатын
қағидалары,
тұжырымдалып
нақтыланды, зерттеудің теориялық және практикалық маңыздылығы, зерттеу
нәтижесінің дәлелділігі мен негізділігі баяндалды.
«Дуальді оқыту жүйесінде колледж студенттерінің бойында еңбек
құндылығын қалыптастырудың теориялық негіздері» атты бірінші
бөлімде зерттеу мәселесі бойынша философиялық, педагогикалық,
психологиялық еңбектерге теориялық талдау жасалынып, «дуальді оқыту
жүйесінде
колледж
студенттерінің
бойында
еңбек
құндылығын
қалыптастыру» ұғымының мазмұны нақтыланып, дуальді оқыту жүйесінде
