Дәріс «Фармацевтикалық технология» түсінігі және оның негізгі мәселелері

Дәрілік заттарды дайындау – бұл фармацевтикалық қызметке лецензиясы бар дәріханалық мекемелерде дәрігердің ұйғарымы бойынша және дәрілік заттардың сапасын бағалау федеральді органдармен бекітілген дайындау ережелері бойынша дәрілік заттарды дайындау. Дәрілік затттардың өндірісі – бұл өндірісті ұйымдастыру ержелеріне және дәрілік заттардың сапасын бағалау федеральді органдармен бекітілген дайындау ережелеріне сәйкес дәрілік заттарды өндіруге рұқсаты бар мекеме-дайындаушылармен дәрілік заттарды топтап шығару. Бір технологиялық цикл нәтижесінде алынған дәрілік заттың белгілі мөлшері топтама болып табылады. Топтамаға қойылатын негізгі талап – оның біртектілігі. Дәріхана – халық пен емдік-профилактикалық мекемелерді дәрілік заттармен және медициналық бұйымдармен қамтамасыз ететін денсаулық сақтау мекемесі.

Дәрілік препараттардың өнеркәсіптік өндірісі жоғары даму дәрежесімен сипатталады, себебі оның негізінде машиналар, аппараттар, механикаландырылған және автоматтандырылған жолдарды қолдану жатыр. Дәрілік препараттарды өндірістік өндіру үшін нақты жағдайлар қажет: дәрілік препаратқа жалпы сұраныс, бұл оның өндірісінің тиімділігін қамтамасыз етеді; бастапқы материалдар мен дайын өнімнің тұрақтылығы, себебі өндіріс үшін шикізат және дайын өнім тұтынушыға қандайда бір уақыттан кейін жетеді.

Өндірістік үрдіс – табиғи және синтетикалық материалдарды қолданыс өніміне, яғни дайын өнімге өңдеу бойынша ірі масштабта, көп мөлшерде жүргізілетін ғылыми негізделген іс әрекеттер (үрдістер) комплексі. Фармацевтикалық технологиядағы негізгі үрдістер келесі түрлерге жіктеледі: гидромеханикалық, жылу, массаалмасу, химиялық және механикалық. Технологиялық үрдіс келесі құрылымға ие: бастапқы шикізат, технологиялық өндірістің машиналары мен аппараттары, энергиясының әртүрлі түрлері мен жұмыс күші. Өндіріс сатысы – аралық өнімді (жартылай фабрикатты) алатын технологиялық үрдістің буыны. Әрбір сатыда ілеспелі технологиялық операциялар жүргізіледі. Технологиялық операция – өндірістік үрдістің немесе технологиялық сатының элементарлы бөлігі, яғни бір жұмыс орнында машинаның немесе жұмысшының бір реттік қабылдауында орындалған, аяқталған іс әрекет.