Дәріс 14. Ойын бизнестеріне салық салу және тіркелген салық

Акцизделетін тауарларды экспортқа өткізу кезінде салық салудан босатудың негізділігін растау үшін салық төлеуші тіркелген орны бойынша салық органына алпыс жұмыс күнінің ішінде міндетті түрде мына құжаттарды тапсыру керек:

• 1) экспортталатын акцизделетін тауарларды берушіге шартты (келісім шартты);
• 2)акцизделетін тауарларды экспорт режимінде шығаруды жүзеге асырған кеден органының белгілері бар кедендік жүк декларациясын немесе оның кеден органы куәландырған көшірмесін табыс етеді;

Акцизделетін тауарларды экспорт режимінде магистральдық құбыр жүйесімен немесе электр берілісі желілерімен не толық емес мерзімдік декларациялау рәсімін қолдана отырып әкеткен жағдайда, кеден рәсімдеуін жүргізген кеден органының белгілері соғылған толық кедендік жүк декларациясы экспортты куәландыру болып табылады.

• 3) ҚР кеден шекарасындағы өткізу пунктінде орналасқан кеден органының белгісі соғылған тауарға ілеспе құжаттардың көшірмелерін табыс етеді;
• Акцизделетін тауарларды экспорт режимінде магистральдық құбыр жүйесімен немесе электр берілісі желілерімен әкеткен жағдайда, тауарға ілеспе құжаттар көшірмелерінің орнына тауарларды қабылдау-тапсыру актісі табыс етіледі.
• 4) салық төлеушінің ҚР заңдарына сәйкес ҚР ашылған шоттарына акцизделетін тауарлар өткізуден түскен нақты түсімді растайтын төлем құжаттары мен банк көшірмесін табыс етеді.

Акциз сомасын есептеу белгіленген акциз ставкасын салық базасына қолдану арқылы жүргізіледі. Ойын бизнесі бойынша акциз сомасын есептеу салық кезеңіне белгіленген акциз ставкасын салық салынатын объектілердің санына қолдану арқылы анықталады. Салық кезеңінде салық салынатын объектілердің саны өзгерсе, енгізілген объектіге акциз сомасы толық көлемде төленеді.

• Акциз салығы бойынша шегерімдер. Акцизделетін тауарларды сатып алған немесе оны ҚР кеден аумағына импорттаған кезде, егер аталған тауарлар бұдан әрі акцизделетін тауарлар өндіру үшін негізгі шикізат ретінде пайдаланылған болса, ҚР аумағына төленген акциз шегерілуге тиіс.Осыған сәйкес салық кезеңінде акцизделетін тауарлар дайындауға нақты пайдаланылған акцизделетін шикізат көлемі негізге алынып анықталған акциз сомасына шегерім жасалады.

Өзіндік бақылауға арналған сұрақтар:

• 1.Ойын бизнес салығын төлеушілер, салық салу объектілері, салық салу ставкалары, салық кезеңі.
• 2. Салықты есептеу тәртібі және төлеумерзімдері.
• 3.Тіркелген салық салу негіздері,тіркелген салық есептілігі,тқлеу мезгілдері.
• 4.Ойын бизнес салығын төлеушілер, салық салу объектілері, салық салу ставкалары, салық кезеңі.

Ұсынылатын әдебиеттер тізімі

• 1.Құлпыбаев С.Қ., Ынтықбаева С.Ж.., Мельников В.Д. Қаржы ЖОО-ға арналған оқулық - Алматы. ТОО «Издательство LEM», 2010
• 2.Налоги и налогообложения. Оқу құралы: Ильясов К.К., Зейнельгабдин А.Б., Ермекбаева Б.Ж. – Алматы, 1995 г.
• 3 А.Д. Умбетәлиев, Ғ.Е. Керімбек Салық және салық салу: Оқулық.---Алматы: Экономика, 2006-864бет.
• 4.Салық кодексі , 2011 ж өзгерістер мен өзгертулер енгізілуімен
•