Даму жоспары

2. Базартөбе ауылдық округінің дамуының ағымдағы жағдайына талдау.

1.1 Базартөбе ауылдық округін дамыту бойынша іс-шаралар.

2.1 Базартөбе ауылдық округінің экономикалық әрекетін дамыту.

3.1 Базартөбе ауылдық округінің әлеуметтік және инженерлік инфрақұрылымын дамыту.

1. Кіріспе

2018-2020 жылдарға арналған Батыс Қазақстан облысы Ақжайық ауданының Базартөбе ауылдық округі елді мекендерінің даму жоспары (бұдан әрі – ДЖ) ауыл тұрғындарының және маңайдағы елді мекендерінің тұрғындарына қолайлы жағдайларды қамтамасыз ету үшін жасалды.

Базартөбе ауылы аудан орталығынан 125 шақырым қашықтықта орналасқан және ауылдық округтің орталығы болып табылады. Халық саны 1692 адамды құрайды.

Жалпы, Базартөбе аулында қазіргі таңда 9 азық-түлік дүкені, 1 тойхана, тұрғындарға қызмет қөрсетуде. Ауылдық округі бойынша 1 (бір) несие серіктестігі, 2 ауылшаруашылығы кооперативі, 25 ШҚ және 21 жеке кәсіпкер тіркелген. Шаруа қожалықтарының негізгі қызметі мал шаруашылығымен айналысу.

ДЖ экономикалық қызметтердің, халыққа тұрмыстық қызмет көрсетуді, жұмыссыздықты азайту, жаңа жұмыс орындарын ашуды көздейді.

2. Базартөбе ауылдық округінің дамуының ағымдағы жағдайына талдау

Базартөбе ауылдық округінің құрамына Қызылжар, Қадырқұл елді-мекені кіреді.

Ауылдық округтің жалпы жер көлемі 179,7 мың гектар жерді құрайды. Ауылдық округте барлығы 1692 адам тұрады. Оның 832-і әйелдер, 860-і ер адамдар. Зейнеткерлер саны – 191, мүгедектер–53, 18-29 жас аралығындағы жастар -268, оқушылар – 334, жұмыс жасайтындар - 488, өзін-өзі қамтушылар - 144, жұмыссыздар саны –214.

Жұмысқа жарамды халық саны - 869 адам, олардың: әлеуметтік саладағы-3 (13-ауылдық округ әкімі аппаратында, мектептерде -103 адам, 11-мәдениет саласында, 9 медицина), әртүрлі мекемеде 19 адам.

24 шаруа қожалықтарында жұмыс жасайтындары - 64.

Әлеуметтік сала объектілерінен қызмет жасап тұрғандар: 1орта және 2 негізгі мектеп, 3 мектеп жанындағы шағын орталық, 2 медициналық пункт,

1 дәрігерлік амбулатория, мәдениет үйі, 3 кітапхана, 1 су тазалау айдау станциясы.

Қызмет көрсету саласында қызмет жасап тұрғандар: пошта бөлімшесі, 9 азық-түлік дүкені, 1 тойхана.

Ауыл ішінде 3 көше жарықтандырылған.

Округтегі 371 үйдің 127–2 пәтерлі, 3-3 пәтерлі, қалғаны бір пәтерлі үйлер. Ауылдағы үйлердің 1,8 пайызы қанағаттанарлықсыз жағдайда, 39,2 пайызы қанағаттанарлықтай, ал қалған 59 пайызы жақсы жағдайда.

Ауылдық округте 2012 ірі қара мал, 379 жылқы малы, 5720 қой мен ешкі тіркелген. 210 ауланың 28-і мал ұстамайды.

Базартөбе ауылдық округінің қазіргі жағдайына талдау жасаған кезде мыналар анықталды.

• 
  ауыл ішілік жолдары жөндеуді;
  
• 
  Мал бордақылау цехын ашуды;
  
• 
  Ауылдық округтегі мал санын арттырып асылдандыру;
  
• 
  Ауылдық округті ғаламтор желісіне қосу;
  
• 
  Барбастау – Индер қатқыл жолының Базартөбе – Индер, бөлігіне жөндеу жүргізуді қажет етеді.