«Бекітемін» Агрономия факультетінің деканы

Топырақты нөлдік өңдеу дегеніміз – танапты өңдемей, олардағы арамшөптерді гербицидтердің көмегімен жою. Бұл топырақты негізгі және егін себер алдындағы өңдеулерден өткізбей - ақ СЗС-2.1А дән сепкіштері сияқты машиналармен бірден егін себу.

Нөлдік өңдеудің нәтижесінде топырақ жел және су эрозиясына ұшырамайды, сөйтіп топырақ танаптардан желмен ұшып немесе сумен шайылып жоғалып кетпей, сақталып қалады.

Сондай-ақ, нөлдік өңдеу топырақтың құрылымын, физикалық және басқа қасиеттерін, ылғалдық режимін жақсартып, дәнді дақылдардың түсімін жоғарылатындығын А.И.Бараев атындағы Ғылыми-өндірістік астық шаруашылығы орталығының зерттеулері көрсетті.

Топырақты нөлдік өңдеу жанар-жағар майларды, жұмыс күшін үнемдеуге мүмкіндік туғызыды. Америка ғалымдарының мәліметтері бойынша топырақты нөлдік өңдегенде әр гектарға 8,5 литр, минималды өңдегенде-23,0 литр, кәдімгі қолданылып жүрген тәсілмен қңдегенде 50,3 литр жанар-жағар май жұмсалған.Әрине, нөлдік өңдеу егіншілік мәдениеті жоғары, танаптың фитосанитарлық жағдайы жақсы болғанда оңтайлы нәтижеге жеткізеді. Сөйтіп, жерді минималды өңдеудің егін шаруашылығында маңызы зор екенін ғылыми-зерттеулер нәтижелері мен озық тәжірибе толық дәлелдеді.