Бақылау өлшеуіштерінің банкісі Бастауыш сынып мұғалімі

Бейсембекова Ж.С.

Жалпыға міндетті орта жалпы білім беру мектептердің бастауыш сынып пәндері бойынша Қазақстан Республикасының жалпы білім беру стандартына және бағдарламаға сәйкес бақылау жұмыстары құрастырылған. 29.07.10 жылғы № 367 бұйрығымен бекітілген.

Бастауыш сынып мұғалімдеріне қолдануға ұсынылады.

Павлодар облысының білім беру басқармасы Облыстық педагог кадрлар біліктілігін арттыру институты

Павлодар қаласы, № 19,2,22, 25, 35,21 жалпы орта білім беру

Ұсынылып отырған жұмыста бастауыш сыныптарға арналған пәндер бойынша бақылау жұмыстарының жинағы құрастырылған.

Жинақтағы материалдар бастауыш сатыда оқушылардың қазақ тілі, ана тілі, математика пәндері бойынша білімдерін қадағалауға, жетілдіруге,логикалық ойлау қабілеттерін, өздігінен жұмыс жасау дағдыларын қалыптастыруға, пәндер мазмұнына байланысты сауаттылықтарын дамытуға бағытталған.

Әдістемелікте пәндер бойынша материалдар мазмұны жүйеленіп
жасалған, бақылау жұмыстарының нормалары берілгеқ бақылау
жұмыстарының банкісін құрастыру талаптарына сай. |

Жинақтағы материалдар оқулықтың тақырыптарына байланысты, оқу бағдарламасына, мемлекеттік стандартқа сүйенген, дұрыс, мазмұнды, оқушылардың қабылдауына, орындауына ыңғайлы

Жинақтағы берілген материалдар арқылы бастауыш сынып оқушыларының тақырыптарды қаншалықты меңгергенін, білім деңгейін, орындау мүмкіншіліктерін анықтауға болады.

Жинақты бастауыш сынып мұғалімдеріне қосымш әдістемелік құрал ретінде қолдануға болады.

Рецензия тіркелді: «26» қаңтар 2012ж

Лебяжі ауданының Жамбыл жалпы орта білім беретін мектеп» ММ

ГУ «Жамбылская средняя общеобразовательная школа Лебяжинского района
КЕЛІСЕМІН: БЕКІТЕМІН:

оқу ісінің меңгерушісі мектеп директоры

________ Қамбаров.Р.А ______ Султангазин К.К.

Бақылау жұмыстарының кестесі

2015-2016 оқу жылы

№	Тақырыбы	Мерзімі	Ескерту
Ана тілі
1	Диктант «Қыс»	14.01.16 ж.	Үйрету мақсатымен
2	Бақылау диктант «Көктем»	15.03.16 ж.
3	Бақылау диктант «Тоқылдақ»	16.05.16 ж.
4	Жылдық бақылау диктант «Құстар біздің досымыз»	19.05.16 ж.
Математика
1	Бақылау жұмысы «10 көлеміндегі сандар» (1-ден 5 –ке дейінгі сандар)	22.02.16 ж.	Үйрету мақсатымен
2	Бақылау жұмысы «10 көлеміндегі санда» (6-дан 10 –ға дейінгі сандар)	7.03.16 ж.	Үйрету мақсатымен
3	Бақылау жұмысы «Кестелік қосу және азайту»	17.03.16 ж.
4	Бақылау жұмысы «Кестелік қосу және азайту.Теңдеу»	28.04.16 ж.	Үйрету мақсатымен
5	Бақылау жұмысы «Ондықтармен санау.Әріпті өрнек»	16.05.16 ж.
6	Бақылау жұмысы «Жыл бойы өткенді қайталау»	19.05.16 ж.

1-сыныпта «Сауат ашу» пәні интеграцияланған (оқу мен жазу – «Әліппе» оқулығы; тілдік және оқу материалдары – «Ана тілі» оқулығы) мазмұңда оқытылады.

Сауат ашудың әрбір кезеңінің өзіндік ерекшелігіне байланысты міндеттері белгіленген. Әліппеге дейінгі кезеңнің міндеттері: оқушыларды оқуға және жазуға даярлау; сөздік қорын молайту; байланыстырып сөйлеуге үйрету. Әліппе кезеңінің міңдеттері: оқушылардың оқу және жазу дағдыларын қалыптастыру; байланыстырып сөйлеу тілін дамыту.

Әліппеден кейінгі кезеңнің міндеттері: оқушылардың оқу және жазу дағдыларын жетілдіру; байланыстырып сөйлеу тілін дамыту; алғашқы грамматикалық мағлұматтарды меңгерту.

Пәннің міндеттері:

• 
  6-7 жастағы оқушыларды оқу әрекетіне психофизиологиялық тұрғыдан дайындау;
  
• 
  оқушының тілін дамыту жұмыстарын сауат ашу кезеңдеріне сәйкес ұйымдастыру;
  
• 
  дұрыс, түсініп және мәнерлеп оқу, жазу дағдыларын қалыптастыру;
  
• 
  кіріктіріле жүргізілетін оқу және жазу жұмыстарын сауат ашудың әр кезеңдеріне сәйкес жүргізу;
  
• 
  тілдік қарапайым түсінік, орфографиялық, пунктуациялық біліктілік қалыптастыру;
  
• 
  сөйлеу әрекетінің түрлерін (оқылым, тыңдалым, жазылым, айтылым) меңгерту және сөйлеу жанрларын әр түрлі жағдайларда қолдана білуге үйрету;
  
• 
  алғашқы тілдік фактілерді танымдық нысан ретінде меңгерту, оларды талдау, салыстыру, топтау және жинақтау дағдыларын қалыптастыру;
  
• 
  оқушылардың сауатты, көркем жазу дағдыларын жетілдіру;
  
• 
  диалогтық және монологтық сөйлеу дағдыларын жетілдіру;
  
• 
  оқушының бойында адами құндылықтарды: қайырымдылықты, сүйіспеншілікті, елжандылықты, имандылықты дамыту;
  
• 
  қоршаған ортамен ізгі қарым-қатынас жасауға тәрбиелеу.
  

• 
  Тыңдалым , айтылым дағдыларын қалыптастыру,лексикалық тақырыптар, сюжетті суреттер бойынша байланыстырып сөйлеу тілін дамыту, сөздік қорын байыту;
  
• 
  Сөйлем құрауға үйрету, сөйлемнен сөзді, сөзден буынды бөліп алуға, сөзді буынға бөлуге, буынды дыбысқа ажыратуға машықтандыру; дыбыстық талдау (сөздегі дауысты және дауыссыз дыбыстардың саны мен ретін табу) жасуға , дыбыстық сызба құруға дайындау, оны «оқу»;
  
• 
  Жазуға даярлау,жазу жолын сақтай отырып, әріп элементтерін (әртүрлі сызықтар, өрнектер,таңбалар) жазуға үйрету.
  

Пәннiң негiзгi ерекшелiгi - әлiппеден кейiнгi кезеңнiң II жартыжылдық бойы жалғастырылып оқытылуы. Сауат ашу кезеңі қазақ тілінің грамматикасына және әдебиет туралы білім жүйесіне кіріспе болып табылады. Оқушылардың оқу және жазу дағдыларын қалыптастыру, қарапайым грамматикалық ұғымдармен таныстыру, айтатын ойын толық, түсінікті, жүйелі жеткізе білуге, байланыстыра сөйлеуге үйрету, ауызша, жазбаша тілін дамыту, сөздік қорын байыту және белсендіру мақсаттарын жүзеге асыруға бағытталады.

«Сауат ашу» пәні бойынша жазба жұмыстары
І-Жартыжылдықтың соңында : айтылуы мен пәр жазылуы бірдей сөздерді(3-5 сөз), 2-3 сөзден тұратын сөйлемдерді тыңдау арқылы жазу; баспа әріптермен берілген мәтінді (10-15 сөзден артық емес)көшіру жұмыстарын орындауы тиіс.

ІІ-жартыжылдықтың соңында:

1)күрделі, айтылуы мен жазылуы әртүрлі сөздерді, құрамында л-р,н-ң,с-з, ж-ш,п-б дыбыстары кездесетін өздерді тыңдау арқылы жазу ( барлығы 8-10 сөз);

2) 3-4 сөзден тұратын сөйлемдерді , шағын мәтінерді (10-15 сөзден аспайтын) тыңдау арқылы жазу;

3) сұрақтарға жауап жазу арқылы мазмұнда (15-20 сөз көлемінде) белгілі бір тақырыпқа сөйлемдер құрап жазу (2-4 сөйлем мөлшерінде) жұмыстарын орындай алу керек.

1)Дауыстап және іштей оқу

2)Сөздерді буындап, жыл соңында тұтас оқу.

3)сөздерді бірқалыпты ұғынып оқу (жылдың аяғында 30-40 сөз).

4)мәнерлеп оқі.

5)шапшаң оқу.

6)мәтіннің мазмұнын сұрақтар арқылы айту.

Сауат ашу кезінде жүргізілетін жазба жұмыстары: көшіріп жазу, диктант, мазмұндама, шыгарма.

I жартыжылдықта әріп диктанты, буын диктанты, сөздік диктант – 4-6 сөз (диктант жұмысы күнделікті сабақ барысында мұғалімнің қалауымен) жүргізіледі.

II жартыжылдықта сөздік диктант – 6-8 сөз, есту диктанты, көру диктанты, жыл аяғында 15-18 сөзден тұратын бақылау диктанты алынады.

II жартыжылдықта кем дегенде үш рет үйрету мақсатындағы мазмұндама (20-25 сөз) және екі рет үйрету мақсатындағы шығарма жұмыстары алынады.

1-сыныпта «Көркем жазу» күнделікті сабақ барысында (шамамен 4-5 минут) мұғалімнің басшылығымен жүргізіледі
Пән бойынша оқу жүктемесі

Қазақстан Республикасының мемлекеттік жалпыға міндетті білім беру стандартында ұсынылған типтік оқу жоспарына сәйкес «Сауат ашу» пәні аптасына – 7 сағаттан оқытылады. Барлық сағат саны – 231, оның ішінде:

«Сауат ашу» пәнін оқыту үш кезеңге бөлінген:

1. 
   Әліппеге дейінгі кезең - 14 сағат.
   
2. 
   Әліппе кезеңі - 98 сағат.
   
3. 
   Әліппеден кейінгі кезең - 119 сағат.
   

тоқсандар	диктант	мазмұндама	шығарма
I	-	-	-
II	-	-	-
III	1	1	-
IV	1	1	-
Жылдық	1	-	-
Барлығы	3	2	-

• 
  Әліпби әріптерін (таңбасы, жазба, бас, кіші);
  
• 
  дыбыс пен әріптің дұрыс атауын;
  
• 
  дыбыс пен әріптің негізгі өзгешеліктерін («дыбысты естимін және айтамын»);
  
• 
  дауысты және дауыссыз дыбыстарды («дауысты дыбыстар әндетіліп, созылып айтылады, ауа кедергісіз шығады»);
  
• 
  дұрыс жазу ережесін: 1) кісі аттары мен үй жануарлары және жер-су аттарының, сөйлемнің бірінші сөзінің бас әріппен жазылуы; 2) сөйлемдегі әрбір сөздің бөлек жазылуы; 3) сөйлем соңына тиісті тыныс белгінің (нүкте, сұрақ, леп) қойылуы;
  
• 
  сөйлем, сөз, буын, дыбыс туралы;
  
• 
  сөз мағынасы туралы (сөздің заттың, құбылыстың, қимылдың, сапаның атауы екендігі; мағынасы мәндес, қарама-қарсы, дыбысталуы бірдей, бірақ беретін мағыналары әр басқа сөздердің болатындығы) біледі.
  
• 
  cөз, сөйлемнің шегін таба алады; сөзді буынға бөледі;
  
• 
  саналы, дұрыс, бірқалыпты буындап және тұтастай минутына 30-40 сөз оқиды (белгілерімен қосқанда);
  
• 
  мәнерлеп, дұрыс, түсініп оқуға дағдыланған;
  
• 
  монолог, диалог арқылы берілген синтаксистік құрылымдағы хабарлы, сұраулы және лепті сөйлемдердің оқылу ерекшеліктерін ажырата біледі;
  
• 
  кіші, бас әріп элементтерін жазу, оларды каллиграфия нормасына сақтай отырып, бір-бірімен байланыстырады;
  
• 
  жазуда орфографиялық және пунктуациялық ережелерді қолданады;
  
• 
  баспа әріптермен берілген мәтінді көшіріп жазады (10 белгіден кем емес);
  
• 
  сөздерді есту арқылы жазады (мұғалім сөздерді орфоэпиясы бойынша оқиды) (жыл соңында 10-15 сөз);
  
• 
  сөйлеуден сөзді бөліп алады; оны сызбамен көрсетеді;
  
• 
  бөліп алынған сөзге сұрақ қоя алады (кім? не? қандай? не істеді? қайтті? нешеу?);
  
• 
  сөйлеуден сөйлемді ажыратады және бөліп алады, мәтіннен оның орнын (шегін) таба алады; сөйлемнің сызбасын сыза алады;
  
• 
  сөзді буынға бөледі және оны графикалық түрде белгілейді;
  
• 
  сөздің дыбыстық және дыбыстық-әріптік сызбасын көрсете алады;
  
• 
  сөздегі дауысты, дауыссыздарды ажыратады;
  
• 
  затты не құбылысты, сапаны немесе қимылды білдіретін сөздерді таба алады;
  
• 
  тыңдағанын түсінеді, сұрақтарға толық жауап береді, диалогқа түседі, әңгімеге қатысады;
  
• 
  әңгіменің логикалық жүйесін сақтай отырып, естіген немесе оқыған мәтінін өз сөзімен айтып береді; оқыған немесе әңгімесіне өзінің бағасын бере алады;
  
• 
  тірек сөздер, сюжетті картиналар арқылы 4-5 сөйлемнен тұратын әңгіме құра алады;
  
• 
  мәтіннің берілген басы мен соңы арқылы мәтін, диалог құрастырады;
  
• 
  затты, құбылысты, аңдарды сипаттайды, өз тәжірибесінде 4-6 сөйлемнен тұратын әңгіме құрайды;
  
• 
  берілген тақырыпқа диалог құрастырады, сөйлеу әдебі сөздерін (амандасу, алғыс айту, кешірім сұрау) пайдаланады;
  
• 
  картина арқылы елестеуі (қиялдауы) бойынша шығарма жаза алады (4-6 сөйлем).
  

жұмысқа қойылады;

қателері болса, бірақ та жұмыс таза орындалуы керек;

1 тыныс белгісі қателері жіберілген жұмысқа қойылады;

• 
  бір сөзден жіберген қате бірнеше рет қайталанса - 1 қате болып есептеледі;
  
• 
  бір ережеге байланысты әртүрлі сөздерде жіберген қателердің әрқайсысы бір
  

• 
  тасымал кезінде сөздің бұрынғы жолда қайталанып кездесуі.Сондай-ақ
  

а) өтілмеген орфограммалар мен тыныс белгілері болса.

б) сөйлем соңына нүкте қойылмай бірақ келесі сөйлемді бас әріппен бастап жазса.
Қате болып есептеледі:

• 
  сөздерді жазудағы емлелік ережелердің бұзылуы, әріп тастап кету,
  

• 
  бағдарлама бойынша өткен тақырыпқа байланысты тыныс белгілері қойылмаса;
  

«4» - 1 қатесі бар түгел орындалған тапсырмаға;

«3» - тапсырма толық орындалмаса;

«2» - тапсырма мүлдем орындалмаса.

Күн суытты. Қар жауды. Мұз қатып қалды. Балалар жылы киініп далаға шықты. Қардан аққала соқты.

1. 
   Қар сөзіне дыбыстық талдау жасау.
   
2. 
   Жіңішке дауысты дыбыстардың астын сызу.
   

1. 
   «Көктем» сөзіне дыбыстық талдау жаса.
   
2. 
   Балалар, гүлдерін сөздерін буынға бөліп жаз.
   

Тоқылдақ –орман құсы.Ол ертеден кешке дейін жем іздейді.Ал түнде ұясында тынығады. Тоқылдақ суықта да басқа жаққа ұшып кетпейді.  (20 сөз)

1. 
   Жуан айтылатын сөздердің астын бір рет, жіңішке айтылатын сөздердің астын екі рет сызыңдар.
   
2. 
   Достарымен сөзінің тасымалдау түрлерін келтіріп жаз
   

Көктемде құстар жылы жақтан оралды. Көктемнің бірінші айында келеді. Балапан басып шығарады. Балапандары кішкентай және әдемі. Құстарға қамқорлық жасау керек. Олар біздің досымыз.

(23 сөз)

Тапсырмалар:

1. 
   «Ұя» сөзіне дыбыстық талдау.
   
2. 
   «Құстарға сөзінің тасымалдау жолдарын көрсет.
   
3. 
   Қандай ? және нешінші? сұрағына жауап беретін сөздің астын сыз.
   

Оқушылардың өз ойын жазба тілде тиянақты түрде жеткізуге үйрету мазмұндама, шығарма жұмыстары арқылы жүзеге асырылады. Ауызекі және жазба тілде мазмұндау, шығарма жұмыстары берілген тақырып, тірек сөздер, суреттер, саяхатта көргендері және т.б. бойынша жүргізіледі.

II жартыжылдықта кем дегенде 2 рет үйрету мақсатындағы мазмұндама (20-25 сөз) және 2 рет үйрету мақсатындағы шығарма жұмыстары алынады.

Мазмұндамаға арналған сөз саны: 1 сыныпта 25-28 сөз (жылдың соңында)

Мазмұндаманы жалпы бағалауда мынаны ескерген жөн:

• 
  мазмұны (автор мәтінінің негізгі мазмұны қалай жеткізілген: толық, негізгі көріністерді қалтырмай, бұрмалаусыз);
  
• 
  мәтіннің құрылымы (мазмұндау барысы, азат жолдарды белгілеу, бөлімдердің орналасуы)
  
• 
  сөйлемдердің құрылымы, сөздер ретін сақтау, мәтін лексикасы (сөздерді өз мәнінде қолдана білу)
  
• 
  емлелік және пунктуациялық сауаттылық
  

1-2-3 сыныптарда үйрету мазмұндама мен шығармаға журналда мазмұнына ғана 1 баға қойылады. Ал бақылау мазмұндамасына, шығармаға 2 баға қойылады (мазмұнына, сауаттылығына, мысалы 4/5). 4 сыныпта үйрету және бақылау мазмұндамаға, шығармаға 2 баға қойылады (мазмұнына, сауаттылығына (5/5).

«5» - емле және тыныс белгілерінен қате жоқ, бірақта 1-2 түзетушілік болса;

«4» - 2 емле, 1 тыныс белгісі қателері жіберілсе және 1-2 түзетушілік болса;

«3» - 3-5 емле, 1-2 тыныс белгісінен қате болса, 1-2 түзетушілік болса;

«2» - 6 дан астам емле, 3-4 тыныс белгілерінен қателер, 3-4 түзетушілік болса.

Мазмұндама

ІІ тоқсан (1сағат)

Мақсаты: - өз ойын жазба тілде тиянақты түрде сұраққа жауап беру арқылы жеткізуге үйрету;

- кіші, бас әріп элементтерін жазу, оларды каллиграфия нормасын сақтай отырып, бір-бірімен байланыстырып, жазуға үйрету;

Жаңа жыл – қуанышты мереке. Оған арнап шырша құрылады.

Балалар шыршаны айналып, өлең, тақпақ айтады.

Аяз ата мен Ақша қар келеді. Олар сыйлық таратады. (23 сөз)

1.Жаңа жыл қандай мереке?

2.Жаңа жылға не арнап не құрады?

3.Балалар Жаңа жылды қалай қарсы алады?

4.Кімдер келеді?

5.Олар не таратады?

1.Жаңа жыл шыршасы.

2.Жаңа жылды қарсы алу.

3.Сыйлық.

• 
  әңгіменің логикалық жүйесін сақтай отырып, естіген мәтінін өз сөзімен жазуға бейімдеу;
  

Орман қандай тамаша! Оның іші әсіресе жаз кезінде көңілді. Құстар сайрап ән салады. Самал жел соғып,ағаштар тербеледі. Орман адамға пайдалы.

Ағаштардың көлеңкесі жанға жайлы. ( 25сөз)

Сұрақтар:

1.Орман іші жаз кезінде қандай?

2.Құстар қайтеді?

3.Қандай жел соғады?

4.Орман кімге пайдалы?

5.Нелердің көлеңкесі жанға жайлы?

1.Орман.

3.Ағаштардың пайдасы.

Қой – өте пайдалы мал. Оның биязы жүнді түрі көп өсіріледі. Жүніннен маталар тоқылады. Терісінен аяқ киім, тон тігеді. Қой етінен әр түрлі тағамдар дайындайды. Сүтінен ірімшік, құрт, май жасайды. (28сөз)

1.Қой қандай мал?

2. Оның қай түрі өсіріледі?

3.Оның жүнінен не тоқылады?

4.Терісінен не тігеді?

5.Етінен нелер дайындайды?

6.Сүтінен не жасайды?
Жоспар:
1.Пайдалы мал.

2.Оның пайдасы:

а) жүні

ә) терісі

в) сүті

«Ана – өмірдің жүрегі»

- ананың қадірін білуге, сыйлауға тәрбиелеу;

- оқушылардың сауатты, көркем жазу дағдыларын жетілдіру, байланыстырып сөйлеу тілін дамыту

ІV тоқсан (1сағат)
«Отан»

Мақсаты: - оқушының бойында адами құндылықтарды: Отанға деген сүйіспеншілікті, елжандылықты, патриоттық сезімді дамыту

«Математика»
Пәнді оқыту мақсаты – ұлттық және жалпыазаматтық құндылықтар негізінде тұлғаның интеллектуалды дамуының қажетті деңгейін қамтамасыз етуге бағытталған математиканың базистік негізін сапалы игеруді қамтамасыз ету; көрнекі-бейнелі, логикалық және абстрактты ойлауды қалыптастыру, негізгі орта білім деңгейінде алгебра мен геометрияны игеруге практикалық негіз жасау.

Оқытудың міндеттері:

• 
  тұлғаның зейін, қабылдау, есте сақтау, ойлау, ауызша және жазбаша, сонымен қатар математика тілінде сөйлеу, психомоторика тәрізді функциональдық қасиеттерін дамыту; көрнекі-бейнелі және логикалық ойлауын дамыту;
  
• 
  бастауыш сынып оқушыларының оқу-танымдық қызметін (жоспарлау, жоспар бойынша әртүрлі іс-әрекеттер жасау, оның ішінде ойлау қызметін (талдау, зерттеу, жалпылау, модельдеу және т.б.), өзін-өзі бақылау және өзін-өзі бағалауды жүргізу біліктігін қалыптастыру;
  
• 
  оқытуды білімнің келесі деңгейлерінде жалғастыру үшін оқушыға қажетті математикалық білім мен білікті, есептеу, өлшеу және графиктік дағдыны қалыптастыру; алгебра мен геометрияны игеруге алдын-ала мақсатты дайындықты жүргізу;
  
• 
  оқуға деген ынтасын, математикаға деген оң көзқарасы мен қызығушылығын, танымдық қызығушылығын, өздігінен жұмыс атқару дағдысынқалыптастыру;
  
• 
  стандартты емес және қызықтылық сипаттағы тапсырмалар негізінде жобалау қызметі және өмірлік жағдайлардағы (құзыреттілік) мәселелерді шешу арқылы математикалық және шығармашылық қабілеттерін ашу және дамыту;
  
• 
  баланың тұлғалық қасиеттерін, яғни жауапкершілік, белсенділік, мақсатқа талпынушылық, жауапкершілік тәрізді қасиеттерін тәрбиелеу;
  
• 
  қарым-қатынас мәдениетін, үлкендерге құрмет көрсету мен кішілерге қамқор болуды, қоршаған ортаны қорғауда өзін белсенділігін көрсетуді, патриоттық сезімді тәрбиелеу, қазақ халқы мен елімізде өмір сүріп жатқан этностардың тарихына, мәдениетіне, әдет-ғұрпына және басқа байлықтарына құрмет көрсетуді, математика ғылымының дамуы барысында жинақталған құндылықтарға қатыстыру кіреді.
  

Бастауыш білім берудің базалық пәні болып табылатын математика, бір жағынан, өзге пәндерді (информатика, қоршаған орта, көркем еңбек, т.б.) оқытудың алғышартын және негізін қалайды, ал екінші жағынан, осы пәндерді оқытып-үйретуде білім, білік, іс-әрекет, дағды қалыптасады.

Білім берудің бастауыш деңгейінде «Математика» пәнiнен берілетін базалық білім мазмұны: теріс емес бүтін сандар арифметикасы; алгебра элементтері; геометрия элементтері деп аталатын үш тараудан тұрады.

Пәнді игертуде 1000000-ға дейінгі натурал сандар және нөл санының арифметикасы, негізгі шамалар, алгебра мен геометрия элементтерін негізгі орта мектепте білімді жалғастыру үшін құрылған.

1,3,4-сыныптарға арналған оқулықтардың өңделмеуі, 2013 жылғы пән бағдарламасы мазмұнындағы жаңа өзгерістерге орай, 1 - сыныпта 6 сағаттық мөлшермен жаңа «10-нан 20-ға дейінгі сандар» тақырыбы енгізілген. Сонымен қоса 1-сыныптың соңында 2-сыныпта оқытылатын «100-ге дейінгі сандар» тақырыбын оқытуға дайындық жұмысы жүргізіледі.

2-сынып пәнінің мазмұны 1-сынып бағдарламасы мен оқулық мазмұнына бейімделе жазылған. 2-сыныптың басындағы «Қайталау» тарауы 1-сыныпта алған білімді жетілдіру мен жүйелеуді мақсаттайды.

Бастауыш білім мазмұнын меңгерудің пәндік нәтижелері бес балдық бағалау жүйесімен бағаланады.

1-4 - сыныптардағы «Математика» пәнінен ағымдық бақылау нысандары жазбаша, ауызша түрде ұйымдастырылады. Ағымдық бақылау жұмыстары аптасына 1 реттен артық өткізілмейді.

Тақырыптық бақылау жұмыстарын жазбаша түрде ұйымдастыру ұсынылады.

Математика пәнінен ұйымдастырылатын қорытынды бақылау бақылау жұмыстары мен кешенді тестік тапсырмалар арқылы ұйымдастыруға болады.

Математика пәні бойынша 1-сыныптағы оқу жүктемесінің көлемі:

1-сыныпта аптасына 4 сағ, барлығы 132 сағат.

• 
  бір таңбалы сандар қатарының ретін;
  

• 
  қосу және азайту амалдарына байланысты терминдер мен таңбаларды;
  
• 
  қосудағы және азайтудағы нөл мен бірдің қасиеттерін;
  
• 
  қосудың ауыстырымдылық қасиеттерін;
  
• 
  10 көлеміндегі қосу кестесін білуі тиіс;
  
• 
  бір таңбалы сандарды оқи, жаза алуы және салыстыра алуы;
  
• 
  қосу мен азайтуға байланысты берілген өрнектің атауларын білуі;
  
• 
  геометриялық фигураларды атай алуы;
  

• 
  бір таңбалы сандарды оқи, жаза алуы және салыстыра алуы;
  
• 
  толық ондықтарды оқи, жаза алуы және салыстыра алуы ;
  
• 
  нөл мен бірдің қасиеттерін пайдаланып сандарды қоса және азайта алуы;
  
• 
  он көлеміндегі қосу кестесін пайдаланып сандарды азайта алуы;
  
• 
  ондықтарды қоса және азайта алуы;
  
• 
  қосу мен азайтуға берілген жай есептерді шығара алуы;
  
• 
  қарапайым санды және өрнектерді құруды, оқуды, жазуды, мәнін таба алуы;
  
• 
  қарапайым теңдеулерді сынап көру тәсілімен шеше алуы;
  
• 
  геометриялық фигураларды бір- бірінен ажырата алуы;
  
• 
  сызғыштың көмегімен кесіндінің ұзындығын өлшей алуы;
  
• 
  берілген ұзындығы бойынша кесіндіні сала алуы тиіс.