5В011500 – Құқық және экономика негіздері мамандығы
1. 5В011500 – Құқық және экономика негіздері мамандығы бойынша білім беру
бағдарламасының мақсаты мен міндеттері
Оқу бағдарламасының мақсаты – құқық және экономика негіздері мамандығы
бойынша жоғары әлеуметтік және азаматтық жауапкершілікке ие, кәсіби біліктілігі мен
бәсекелестігі жоғары және төмендегідей бағыттар бойынша тиімді педагогикалық қызмет
атқаратын мамандарды дайындау:
жан-жақты дамыған оқушы тұлғасын қалыптастыру және экономикалық-құқықтық
тәрбие беру;
құқық және экономика саласында жүйеленген білімді қалыптастыру;
құқық және экономика негіздерінен оқу үрдісін заманауи-ғылыми деңгейде
ұйымдастыру;
ғылыми зерттеулерді жүзеге асыру.
Білім беру бағдарламасының негізгі міндеттері:
қоғамның әлеуметтік тапсырысына және білім берудің әлемдік стандарттарына
сәйкес болашақ құқық және экономика негіздері мұғалімдерін сапалы кәсіби
дайындықпен қамтамасыз ету;
болашақ құқық және экономика негіздері мұғалімдерінің жалпығылыми және
арнайы білімдік дағдылары мен шеберліктерін қалыптастыру;
кәсіби біліктілік құзыреттіліктерінің жүйесін педагогикалық, ұйымдастырушылық-
басқарушылық, кеңестік-әдістемелік қызметте қалыптастыру;
рухани және интеллектуалды өзіндік даму жолдарын, құқықтық, экономикалық
және психологиялық сауатын, ойлау және мінез-құлық мәдениетін қалыптастыру.
2. 5В011500 – Құқық және экономика негіздері мамандығы бойынша түлекте білім
беру бағдарламасын меңгеру нәтижесінде қалыптасатын құзыреттіліктер
Білім беру бағдарламасы мақсат-міндеттерін жүзеге асыруға қол жеткізу келесі
құзыреттіліктерді қалыптастыруды мүмкін етеді:
– жалпымәдени;
– кәсіби;
– пәндік.
Жалпымәдени құзыреттіліктер түлек үшін төмендегідей сипаттарға ие:
2.1.1 өзінің тұлғалық даму мақсаттарын қалыптастыруға және шынайы бағалауға
қабілетті, сондай-ақ, оқушылардың зияткерлік даму деңгейін арттыру дағдыларын
игерген;
2.1.2 әлеуметтік, гуманитарлық және экономикалық ғылымдардың негізгі әдістері
мен ережелерін әлеуметтік және кәсіби міндеттерді шешуде қолдануға дайын;
2.1.3 ана тілінде өз ойын жүйелі түрде және сауатты жеткізетін, қазақ (орыс) және
шет тілінде көпшілік алдында сөйлеуде және ғылыми мәтінмен жұмыс істеуде қажетті
ауызша және жазбаша сөйлеу дағдыларын игерген;
2.1.4 шет тілінен білімін қарым-қатынас жасау және арнайы мәтінді түсіну үшін
қолданады;
2.1.5 ақпараттарды қабылдау, сақтау, өңдеудің негізгі әдістерін, тәсілдерін және
құралдарын қолданады, ауқымды компьютерлік желідегі компьютермен жұмыс істеу
дағдылары бар;
2.1.6 әлеуметтік өзара әрекеттестік құруда білім беру үдерісіне қатысушылардың
этно-мәдени және конфессионалдық ерекшеліктерін ескеруге қабілетті;
2.1.7 адамгершілік нормасы мен өнегелі мінез-құлық негіздерін меңгерген;
2.1.8 ғылыми зерттеуді ұйымдастыру ұстанымдарын, ғылыми білімге қол жеткізу
мен құру тәсілдерін жете түсінеді;
2.1.9 тазалық сақтау және еңбекті қорғау талаптарына, сыртқы ортаның жағымсыз
ықпалдарынан қорғану ережелеріне сай салауатты өмір салты дағдыларын
қалыптастыруға қабілетті.
Кәсіби құзыреттіліктер түлек үшін төмендегідей сипаттарға ие:
2.2.1 оқу-тәрбие үдерісін модельдей алады және оқыту тәжірибесінде оны жүзеге
асыруға дайын;
2.2.2 психологиялық және психофизиологиялық дамуының жалпы, арнайы (әртүрлі
ауытқушылық типтері) заңдылықтары мен жеке ерекшеліктерін, әртүрлі жастағы адам
әрекеті мен мінез-құлқын реттеу өзгешеліктерін есепке алу құралдарын қолдана алады;
2.2.3 психологиялық және педагогикалық зерттеулерде сапалық және сандық
әдістерді қолдануға дайын;
2.2.4 әртүрлі жастағы балалардың әрекеті, қарым-қатынасы, дамуының
диагностикалық әдістерін пайдалануға дайын;
2.2.5 білім берудің әртүрлі деңгейіндегі білім алушыларға арналған
бағдарламалардан, оқыту, тәрбиелеу және дамытудың әртүрлі теорияларынан алған
білімдерін қолдануға дайын;
2.2.6 балалардың әралуан әрекет түрлерін ұйымдастыруға дайын;
2.2.7 білімдік ортада субьектілердің бірлескен қызметі мен тұлғааралық өзара
әрекеттестікті ұйымдастыру әдістерін меңгерген;
2.2.8 мамандықтың жоғары әлеуметтік маңызын түсінеді, кәсіби этикалық
ұстанымдарды сақтайды;
2.2.9 қоғамның әлеуметтік-мәдени құрылымының ерекшеліктерін ескере отырып,
көпмәдениетті ортада кәсіби әрекетті ұйымдастыру тәсілдерін, сондай-ақ, ұлттық
тәрбиенің заңдылықтары мен принциптерін меңгерген;
2.2.10 кәсіби міндеттерді шешуде мамандардың пәнаралық және салааралық өзара
әрекеттестіктеріне қатысуға қабілетті;
2.2.11 кәсіби қызметінде бала құқығы мен мүгедектер құқығы туралы негізгі
халықаралық және отандық құжаттарды қолдануға дайын;
2.2.12 сыни ойлау әдістемесін меңгеруге қабілетті;
2.2.13 инклюзивті білім беру құндылықтары мен сенімдерін бөлісуге дайын.
2.2.14
өзгермелі еңбек нарығына бейімделуі және белсенді де жауапты азамат болып
қалыптасуы үшін нәтижеге және мобильділікке бағытталған білім алуға
қабілетті.
Пәндік құзыреттіліктер түлек үшін төмендегідей сипаттарға ие:
2.3.1 орта білімнің ерекшеліктерін түсінеді, әр жастағы балаларға білім беруде
сабақтастықты іске асыратын құралдарды меңгерген;
2.3.2 орта мектеп оқушыларына құқық және экономика негіздерін оқытудың
технологиясы мен теориялық негіздерін игерген;
2.3.3 құқық пен экономиканың концептуалдық және теориялық негіздерін, оның жалпы
ғылымдар жүйесіндегі орны мен құндылығын, даму тарихын және қазіргі жағдайын
біледі;
2.3.4 қоғамдағы экономикалық және құқықтық заңдар мен құбылыстар туралы жүйелі
білімді игерген;
2.3.5құқық және экономика негіздерін оқытудың бүгінгі технологиясын және құқық пен
экономиканың теориялық және тәжірибелік негіздері туралы білімді пайдалануға дайын,
мектеп оқушыларының пәндік біліктілігі мен дағдысын қалыптастыру әдістерін
меңгерген, құқық пен экономика негіздеріне деген қызығушылықты туғызатын әдістерді
игере отырып, оларды күнделікті өмірде пайдалануға мүмкіндігі бар;
2.3.6 ақпараттық - коммуникативтік білімдер мен біліктіліктерді игеріп, оларды
тәжірибеде пайдалана алады.
