Бағдарламасы бойынша өз үйіңізді қалай жөндеуге болады

_______________________________________________________________

___________________________________________

Алматы қаласында 8228 көппәтерлі тұрғын үй есептеледі, оның 4 452 жөндеуді қажет етеді, сондай-ақ 5237 лифтінің 1269 данасы ауыстыруды қажет етеді.

1. 
   жұмыстардың минималды түрі – бұл жылу энергиясын есептеуіш жалпы үйлік құрылғыларын және жылу тұтынуды реттеудің автоматтандырылған жүйесін орнатумен, тұрғын үйдің шатырын, подъездін және жертөлесін жөндеу;
   
2. 
   жұмыстардың максималды түрі – бұл жылу энергиясын есептеуіш жалпы үйлік құрылғыларын және жылу тұтынуды реттеудің автоматтандырылған жүйесін міндетті түрде орнатумен, шатырды, подъезді, жертөлені, қасбетті жөндеу, лифт жабдығын жөндеу (ауыстыру) (бар болса).
   

Тұрғын үй көмегі жергілікті бюджет қаражаты есебінен осы елді-мекенде тұрақты тұратын тұрмысы төмен отбасыларға (азаматтарға) көрсетіледі:

1) жекешелендірілген тұрғын үй-жайларда (пәтерлерде) тұратын немесе мемлекеттік тұрғын үй қорындағы тұрғын үй-жайлардың (пәтерлердің) жалдаушылары (қосымша жалдаушылары) болып табылатын отбасыларға (азаматтарға) тұрғын үйді (тұрғын ғимараттар) күтіп- ұстауға арналған шығыстар;

2) телекоммуникация желісіне қосылған телефонға абоненттік төлемді арттыру бөлігінде коммуналдық және байланыс қызметтерін тұтыну;

3) жеке тұрғын үй қорында жергілікті атқарушы орган жалдаған тұрғын үйді пайдаланғаны үшін жалдау ақысы.

Тұрғын үй көмегін есептеуге қабылданған тұрмысы төмен отбасылардың (азаматтардың) шығыстары жоғарыда аталған бағыттардың әрқайсысы үшін шығындар сомасы ретінде анықталады.

Тұрғын үй көмегін ресімдей алмайтын отбасылар:

1) егер отбасында жұмыспен қамту мәселелері жөніндегі уәкілетті органда тіркелмеген, еңбекке қабілетті тұрмысы төмен отбасылар (азаматтар) болса, диспансерлік есепте тіркелген туберкулездің белсенді формасымен ауыратындарды қоспағанда, ауруханада бір айдан астам уақыт болған кезде, бірінші және екінші топтағы мүгедектер, мүгедек балалар, сексеннен асқан адамдарға күтім жасау, жеті жасқа дейінгі баланы тәрбиелеумен айналысатын адамдар;

2) егер ата-анасы ажырасқан болса және олармен бірге тұратын балаларға алименттерді өндіріп алу туралы сотқа шағым бермеген болса;

3) егер меншiк құқығында тұрғын үйдiң бiрнеше бiрлiгi болса (пәтерлер, үйлер) немесе тұрғын үйді жалға (жалдауға) берсе.

Тұрғын үй көмегін тағайындау үшін уәкілетті органға өтінішпен жүгіну және келесі құжаттарды ұсыну қажет:

1) өтініш берушінің жеке басын куәландыратын құжаттың көшірмесі;

2) тұрғын үйге құқық белгілейтін құжаттың көшірмесі;

3) азаматтарды тіркеу кітабының көшірмесі немесе өтініш берушінің тұрақты тұратын жерінде тіркелгенін растайтын мекенжай анықтамасы;

4) отбасының табыстарын растайтын құжаттар;

5) пәтерді күтіп-ұстауға төленетін ай сайынғы жарналардың мөлшерлері туралы шоттардың көшірмесі;

6) коммуналдық қызметтерді тұтынуға шоттың көшірмесі;

7) телекоммуникация қызметтеріне түбіртек-шоттардың немесе байланыс қызметтерін көрсетуге арналған шарттың көшірмесі;

8) жергілікті атқарушы орган жеке тұрғын үй қорынан жалға алатын тұрғын үйді пайдаланғаны үшін жергілікті атқарушы орган талап еткен жалдау ақысының мөлшері туралы шоттың көшірмесі;

9) жекешелендірілген тұрғын үй-жайларда (пәтерлерде), жеке тұрғын үйде тұратын, тәулік бойына сараланған есепке алу және энергия тұтынуды бақылауы бар кемінде 1 дәлдік класы бар бір фазалы электр энергиясының есептегішінің құны түбіртек-шотының көшірмесі.

      Тұрғын үй көмегін төлеу жергілікті бюджет қаражаты есебінен қаржыландырылады.