Есептің қорытынды бөлімінде

Студенттің тәжірибеден өткендігін растайтын барлық құжаттар ұқыпты рәсімделіп және бөлек папкіге жинақталуы тиіс.

Есеп жақсы рәсімделген және кестелермен, диаграммалармен, сызбалармен, фотолармен және өзге де материалдармен көрнекіленген болуы тиіс.

Студент есепке келесілерді тіркеуі қажет:

• 
  тәжірибе жетекшіснің қолы қойылған және кәсіпорын мөрімен шандырылған күнтізбелік жоспар;
  
• 
  тәжірибе жетекшіснің қолы және кәсіпорын мөрімен шандырылған тәжірибеден өту күнделігі;
  
• 
  тәжірибе жетекшіснің қолы қойылған және кәсіпорын мөрімен шандырылған студент – практиканттың өндірістік және қоғамдық жұмысы жөніндегі мінездемесі;
  
• 
  фотохронометражды байқау, әлеуметтік сұраулардың сауалнамалары және кафедраның (факультеттің, университеттің) жеке тапсырмасына сәйкес өзге де материалдар.
  

Өндірістік тәжірибе жөніндегі есептерді қорғау үшін кафедрада құрамы 2-3 адамнан тұратын комиссия құрылады немесе өндірістік тәжірибеден өту қорытындысы бойынша конференция оздырылады. Комиссия құрамына өзге кафедралардың өкілдері кірістірілуі мүмкін.

Студенттің өндірістік тәжірибе кезіндегі жұмысын бағалау кезінде комиссия келесілерді назарға алады:

• 
  кәсіпорыннан (ұйымнан, мекемеден) тағайындалған тәжірибе жетекшісінің мінездемесі;
  
• 
  тәжірибе кезеңіндегі студенттің қызметі (бағдарламаның толық орындалуының деңгейі, өндірісті, жоспарлауды, болжамдауды ұйымдастыру, шаруашылық қызметті талдау бойынша негізгі кәсіби дағдыларды меңгеру);
  
• 
  есептің рәсімделуінің мазмұны мен сапасы, күнделіктегі жазбалардың толықтығы;
  
• 
  баяндаманың сапасы және есепті қорғау кезіндегі студенттің сұрақтарға жауап беруі.
  

Өндірістік тәжірибенің бағдарламасын орындамаған, жұмыс жөнінде теріз пікір алған немесе есепті қорғау кезінде қанағаттанарлықсыз баға алған студенттер оқудан бос уақытында қайтадан тәжірибеден өтуге жіберіледі немесе жоғары оқу орнынан шығарылады.

Тәжірибе жетекшісі студент қорғағаннан кейін тәжірибе материалдарын қорғау хаттамасымен бірге кафедраға тапсырады.