Алгоритмді жүзеге асыру кезеңі

1.3 Алгоритмді жүзеге асыру кезеңі

Алгоритмді құру кезеңі мыналардан тұрады

– бағдарламалау тілдерінің бірінде құрылған алгоритм бойынша бағдарлама кодын жазу;

– бағдарламаны тестілеу – компьютерде бағдарламаны іске қосу және оның жұмысының нәтижелерін белгілі бір бақылау мәліметтері бойынша немесе логикалық түрде тексеру.

Алгоритмді құру кезеңдерін орындау үшін кем дегенде бір бағдарламалау тілін білу керек.

Алгоритмдеу негіздерін білмей бағдарламалауды үйрену мүмкін емес және алгоритмдеу негіздерін үйрену бағдарламалаусыз мүмкін емес.

Барлық бағдарламалаудың алгоритм тілдері, әдетте, құрылымдық немесе процедуралық бағдарламалау технологиясын қолдануға негізделген.

Қазіргі кезде объекті-бағытталған бағдарламалау (ОББ) технологиясы негізге алынып отыр, ол үшін арнайы визуалды бағдарламалау орталары дайындалған, мысалы, Delphi, VISUAL C++, түрлі VISUAL STUDIO және т.б..

Бұл оқулықта Visual Studio.NET визуалды бағдарламалау ортасында объекті-бағытталған С# тілін қолданып бағдарламалау сұрақтары жан-жақты қарастырылған.

Оқулықтың бірінші бөлімінде С# тілінде бағдарламалаудың негіздері қарастырылған, онсыз Visual Studio.NET визуалды бағдарламалау ортасы ұсынатын бағдарламалау технологиялары мен объекті-бағытталған бағдарламалау технологияларын меңгеру мүмкін емес.

Әлбетте, бағдарламалау тілін меңгерудің бастапқы кезеңінде алгоритмдеудің кейбір сұрақтарын жан-жақты қарастырамыз, өйткені есеп шешімінің алгоритмдерін құру үдерісі мен бағдарлама кодын жазу бір-бірімен байланысты. Алайда, бұдан былай есеп шешімі алгоритмінің идеясы мен бағдарламалық жүзеге асырылуы ғана қарастырылады.