Есепті шешу алгоритмін құру кезеңі

1.2 Есепті шешу алгоритмін құру кезеңі

Есепті шешу алгоритмін құру есепті талдаудан басталады, яғни есептің мәнін анық түсіну керек. Есепті талдаудан кейін ғана алгоритмді дайындауды – есепті шешетін ретті қадамдарды құруды бастауға болады.

Есепті шешу алгоритмін құру бойынша соңғы жұмыс – алгоритмді тексеру.

Есепті шешу алгоритмін құру кезеңінде алгоритм айқын болмаса, онда есептің шешімін бір-бірімен байланысқан жеке бағыныңқы есептерге немесе блогтарға бөлу керек. Әрбір блог үзінділерге бөлінуі мүмкін және ол әрбір үзіндінің орындау алгоритмі айқындалғанға дейін қайталанады. Есепті шешу кезінде жеке үзінділердің алгоритмдері есептің жалпы шешімін сипаттайтын бір алгоритмге біріктіріледі.

Алгоритмді құрудың бұл кезеңі ең маңызды болып табылады, өйткені осы кезеңде есепті шешудің барлық мүмкін нұсқалары қарастырылуы керек. Әсіресе ол шешмнің алгоритмі анық емес, ауқымды немесе логикалық күрделі есептерді шешу кезінде керек.

Қарапайым, оқу бағдарламаларын шешу кезінде есепті шешу алгоритмі интуитивті түрде анықталады немесе сіз оның алгоритм екенін білмей-ақ «есіңізде ұстап жүресіз». Осындай есептерді қарастырған кезде біз оның орындалуын ғана қарастырамыз.

Алгоритмді құру кезінде есеп шешімінің түрлі нұсқалары болуы мүмкін, сондықтан шешімнің ең дұрыс нұсқасын таңдау үшін «алгоритмнің талдауын» жүргізе білу керек [33 бет, 4] .

Алгоритмді құру нәтижесі болып алгоритмнің сипаттамасы немесе оның құрылымдық схемасы есептеледі.

Алгоритм жұмысының дұрыстығын тексеретін бірнеше әдістемелер бар, мысалы, деректердің белгіленген мәндері беріледі және есептің шешімі қолмен қаралады.

Алгоритмдерді тексерудің ең жақсы нұсқасы - әлдебір бағдарламалау тілінің көмегімен орындау, яғни дайын алгоритмді бағдарламалау тілінің бағдарламалық коды арқылы сипаттау (бағдарлама мәтіні) және оның жұмысын компьютерде тексеру. Алгоритмді құру кезеңіне көшейік.