Өзін-өзі тексеру сұрақтары

1.12 Өзін-өзі тексеру сұрақтары

1 Алгоритм ұғымы.

2 Есептерді шешу алгоритмін құру кезеңдері неден тұрады?

3 Алгоритмді құру қандай кезеңдерден тұрады?

4. NET платформасы не үшін арналған?

5 Visual Studio.NET қосымшаларын дайындау ортасы дегеніміз ...

6 Құрастыру (сборка) файлы неден тұрады?

7 Түрлі тілдерде жазылған бағдарламаларды тасымалдау .NET платформасында қалай қамтамасыз етіледі?

8 .NET платформасының .NET Framework неден тұрады?

9 .NET платформасының CTS неден тұрады?

10 C# тілінде айнымалы ұғымы

2 С# ТІЛІНІҢ ҚАРАПАЙЫМ ОПЕРАТОРЛАРЫ

2.1 C# ТІЛІНДЕГІ БАҒДАРЛАМА ҚҰРЫЛЫМЫ

Есепті шешуге арналған атаулар кеңістігін анықтап алғаннан кейін бағдарлама класын сипаттау басталады.

Класс дегеніміз бұл деректерді (өрістерді) және функцияларды (әдістерді) біріктіретін, осы деректерді біртұтас өңдейтін – код үзіндісі (тип).

Анықтама бойынша кез келген бағдарлама деректер мен оларды өңдеу әдістері бар код болып есептеледі. Сондықтан С# тілінде түрлі есептерді шешетін бағдарлама кодтары бағдарлама кластарына орналастырылады. Класс сипаттамасы class қызметтік сөзінен кейін басталады, қызметтік сөзден кейін класс атауы, одан кейін фигуралық жақшаның ішіне деректер мен оларды өңдеу әдістері орналастырылады.

С# тіліндегі бағдарлама класының сипаттамасының ішінде Main() атауы бар әдіс орналасуы керек. Осы әдістен бастап бағдарламаның орындалуы басталады. Назар аударыңыз, С# тілінде бас және кіші әріптер ажыратылады.

Егер есеп қарапайым болса, онда барлық әдістер Main()әдісінде ғана жазыла алады. Егер есепті бөлшектеу қажет болса (яғни басқа кластармен немесе әдістермен орындалатын бөлек үзінділерге бөлу), онда бағдарлама класында осы үзінділерді тиісті түрде сипаттау керек, ал Main() әдісінде оларды іске қосу ретін көрсетуіңіз керек.