«Қазақстан Республикасының кейбір заңнамалық актілеріне қаржы нарығын реттеу мен дамыту және микроқаржылық қызмет мәселелері бойынша өзгерістер мен толықтырулар енгізу туралы»

1. Уәкiлеттi орган осы Заңға және Қазақстан Республикасының өзге заңдарына сәйкес қаржы ұйымдарының, сондай-ақ өзге тұлғалардың қызметiн мемлекеттік реттеу, бақылау мен қадағалау, мақсатында:

…

3) Қазақстан Республикасының заңдарында белгіленген құзыреті шегінде қаржы саласында және қаржы ресурстары шоғырлануымен байланысты қызметте лицензиялауды жүзеге асырады;
3-1) микроқаржылық қызметті жүзеге асыратын ұйымдарды есептік тіркейді және олардың тізілімін жүргізеді;

3-2) коллекторлық агенттіктерді есептік тіркейді және олардың тізілімін жүргізеді;

3-3) кредиттік бюроның қызметін жүзеге асыру құқығына рұқсат береді және кредиттік бюроның кредиттік бюроға кредиттік тарихтардың дерекқорын, пайдаланатын ақпараттық жүйелерін және үй-жайларын қорғау және сақталуын қамтамасыз ету бойынша қойылатын талаптарға сәйкес келу туралы актіні береді;

3-4) екінші деңгейдегі банктердің, Қазақстан Республикасының бейрезидент банктері филиалдарының және Ұлттық пошта операторының үй-жайлардың ұйымдастырылуына қойылатын талаптарды сақтауын бақылайды және қадағалайды;

…