Қазақстан Республикасындағы Адам құқықтары жөніндегі уәкілдің 2018 жылғы

Жылдың соңына қарай бірқатар есептік іс-шаралар өткізілді. Қыркүйекте Гонконг қаласында өткен Ұлттық құқық қорғау мекемелерінің Азия-Тынық мұхиты форумы (АТФ) қатысушыларының жыл сайынғы мәжілісін ерекше атап өтуге болады, соның барысында бұл ұйымның мүше елдері жұмысының кезекті қорытындылары қарастырылды. Омбудсмен әріптестерін өз ұйымы атқарған жылдық жұмысы, сондай-ақ оның институционалдық дамуының өзекті мәселелері туралы ақпараттандырды. Мәжіліс шеңберінде жаңа мүше елдерді қабылдауға қатысты ұйымдық мәселелер қарастырылды. Нәтижесінде, АТФ қатарын Қырғыз Республикасы Омбудсменінің мекемесі толықтырды.

Қазақстандық Омбудсмен мекемесі АТФ-на 2014 жылы кіргенін және қазіргі уақытқа дейін бұл ұйымда орталық азия өңірінің жалғыз өкілі болып келгенін атап өткен жөн. Орталық Азия елдері құқық қорғау мекемелерінің АТФ-на қатысуы кеңеюінің көптеген артықшылықтары бар, жалпы алғанда өңірдің құқық қорғау әлеуетін едәуір нығайту солардың бірі болып табылады.

2018 жылғы қазанда ОмбудсменVI Бакин халықаралық гуманитарлық форумның шеңберінде өткен орнықты даму бойынша Бакин форумына қатысты. Еуропа және Азия елдерінің жоғары өкілдері, Орнықты даму мақсаттарын жүзеге асыруға жауапты тұлғалар іс-шараға қатысты. Форумның ашылу салтанатында Әзірбайжан Республикасының Президенті Ильхам Алиев алғысөз айтты. Қазақстан Омбудсмені, тілшілерге берген сұхбатында мемлекет дамуының маңызды индикаторлары ретінде қызмет атқаратын қабылданған Орнықты даму мақсаттарының жаһандық сипатын атап өтті. Омбудсмен сондай-ақ Қазақстан президенті Нұрсұлтан Назарбаевтың тікелей бастамасымен мемлекеттік бағдарламаларды жүзеге асырудың арқасында орнықты дамудың нақты мақсаттарына Қазақстанның қол жеткізгені туралы ақпараттандырды.

2018 жылы халықаралық құқық қорғау қоғамдастығының Адам құқықтарының жалпыға ортақ декларациясын қабылдаудың 70 жылдығын атап өткені де ерекше маңызға ие, өйткені ол адам мен азаматтың құқықтары мен бостандықтарын қамтамасыз ету мен қорғау саласында барлық халықаралық тәртіптің негізін қалады.

Атап айтқанда, қарашада Омбудсмен «Адам құқықтарын еуразиялық кеңестікте қорғау мәселелері: омбудсмендердің үздік тәжірибесімен алмасу» атты халықаралық конференцияға қатысу үшін Мәскеуге барды.