Дереккөз: Measuring the Information Society Report 2016, ITU
Қазақстанда спутниктік және эфирлік цифрлық телерадиохабар тарату белсенді енгізілуде және дамуда. 2016 жылдың қорытындылары бойынша 356 радиотелевизиялық станция енгізілген, олармен ел халқының 72%-ы қамтылған. Астана, Алматы қалаларында, облыс орталықтарында 30 телеарнаға дейін және облыс орталығытан төмен қалалар мен елдімекендерде 15 телеарнаға дейін хабар тарату жүзеге асырылады. 827 радиотелевизиялық станцияны салу және жаңғырту көзделген, соның нәтижесінде халықты цифрлық эфирлік хабар таратумен қамтуды 95%-ға жеткізу қамтамасыз етіледі.
Смартфондарды пайдаланушылардың саны бойынша Қазақстан әлемнің топ 50 еліне кіреді. Халықтың жалпы санының пайыздық үлесі 39,2% құрайды, бұл 7 миллионнан астам адам. Көшбасшы елдердегі көрсеткіш 54,7 %-дан (Ресей) 71,5 %-ға дейін (Оңтүстік Корея) өзгеріп тұрады.
Смартфондарды пайдаланушылардың үлесінің артуы дауыстық байланыс қызметтерінен деректерді беру қызметтерінің басым болуына мүмкіндік туғызатын факторлардың бірі болып табылады. Қазіргі кезде халық арасында смартфондардың қолжетімділігіне және олардың кең таралуына байланысты VoIP дауыстық қосымшалар ұялы байланыс операторларының дәстүрлі дауыстық қызметтерді пайдалануды алмастырады. Сарапшылардың болжамдарына сәйкес, дауыс байланысының қызметтері біртіндеп ығыстырылатын болады және 2020 жылға қарай көптеген дамыған елдер нарықтарында маңыздылығын жоғалтады.
ДЭФ «Global Information Technology Report 2016» есебіне сәйкес Қазақстан желілік дайындық индексі бойынша ТМД өңірінің көшбасшысы болып, 39-орынды алып отыр. 2015 жылмен салыстырғанда Қазақстан рейтингте бір позицияға өскенін көрсетті. Салыстыру үшін Ресей индексте 41-орынды алып отыр. ДЭФ деректері бойынша Қазақстанның аумағын ұялы байланыспен жабу деңгейі 86,6% (123-орынды) құрайды. Бұл ретте ұялы байланыс қызметтеріне арналған тарифтердің құны бойынша Қазақстан 29-орынды алып отыр. Салыстырып отырғанда, ұялы байланыстың құны бойынша Ресей 2-орынды алып отыр.
2016 жылдың қорытындысы бойынша АКТ дамыту индексіне сәйкес Электр байланысы Халықаралық одағының (ЭХО) соңғы есебінің нәтижелері бойынша Қазақстан 52-орын алды. Рейтингте Оңтүстік Корея, Исландия және Дания көшбасшылар болып табылады. ТМД елдерінің арасында көшбасшы орынды Беларусь (31-орын) алып отыр. Бұдан әрі Ресей (43-орын), Қазақстан (52-орын), Молдова (68-орын) келе жатыр.
АКТ қолжетімділігінің қосалқы индексі бойынша (компьютерлері мен Интернетке қолжетімділігі бар үй шаруашылықтарының үлесі) Қазақстан 42-орын алады. АКТ пайдаланудың қосалқы индексі бойынша (100 адамға шаққанда Интернет желісін пайдаланушылар саны, 100 адамға Интернет желісіне тіркелген жоғары жылдамдықты қолжетімділігі бар абоненттердің саны және 100 адамға шаққанда Интернет желісіне жоғары жылдамдықты ұялы қолжетімділігі бар абоненттердің саны) Қазақстан 62-орынды иеленіп отыр.
АКТ дағдылары қосалқы индексі бойынша (халықтың сауаттылық деңгейі) Қазақстан 55-орыннан 50-орынға орналасып, өзінің орнын жақсартты.
БҰҰ «E-Government Survey 2016» электрондық үкімет қызметтерін дамыту рейтингінде Қазақстан 33-орын алып отыр. Рейтингте алғашқы үш орында Ұлыбритания, Австралия және Оңтүстік Корея сақталып отыр. Сонымен бірге Қазақстан Ресейді (35-орын), Беларусь (49-орын), Әзірбайжан (56-орын), Украина (62-орын), Молдова (65-орын) және Өзбекстан (80-орын) басып озып, ТМД елдері арасында (33-орын) көшбасшы орынды алып отыр.
Қазақстанда бір айдағы ұялы байланыс құны 5,96 АҚШ долл. құрады. Бұл көрсеткіш ТМД елдерінің арасында орташа көрсеткіш болып табылады, ол айына 3 АҚШ долларынан бастап 8 АҚШ долларына дейін өзгеріп тұрады. Қытайда бір айдағы ұялы байланыстың құны біршама төмен және 4,01 АҚШ долларын құрайды, ал Канадада бұл көрсеткіш 25,07 АҚШ долл. деңгейінде белгіленді. ТМД елдеріндегі байланыстың салыстырмалы түрде жоғары емес құны MTS пен VimpelCom сияқты трансұлттық операторлардың басымдығымен түсіндіріледі.
Соңғы жылдары Қазақстанда ұялы байланыстың таралу көрсеткіші арта түсті. 2016 жылы 100 адамға шаққанда ұялы байланыс абоненттерінің саны 143 адамды құрады. Қазақстан басқа елдердің арасында телефонмен сөйлесу көлемі бойынша анағұрлым төмен орында тұр - бір пайдаланушыға айына 132 минут. Бұл АҚШ-қа (625 минут) немесе Қытайға (415 минут) қарағанда біршама аз, алайда Австралияға, Бразилияға қарағанда көбірек.
17-сурет. Ұялы байланыстың даму көрсеткіштері
Нысаналы топ
Салыстыру тобы
100 адамға шаққандағы абоненттер саны
Бір абонентке шаққандағы бір айдағы ұялы байланыс минутының саны
 
Дереккөз: Measuring the Information Society Report 2016, ITU
Достарыңызбен бөлісу: | 
