Қазақстан Республикасы Ішкі Істер Министрлігінің Тергеу қызметінің құрылғанына 50 жыл толуына байланысты, Атырау облысы бойынша Тергеу құрылымының даму тарихы туралы

Ішкі істер Департаментінің Тергеу басқармасының ерекше де өзіндік тарихы бар. КСРО Жоғарғы Кеңес Президиумының 1963 жылғы 6 сәуірдегі «Алдын ала тергеу өндіріс құқығын КСРО Қоғамдық тәртіпті қорғау министрлігіне өткізу туралы» Жарлығымен ІІМ жүйесінде тергеу қызметі құрылды.

1963 жылы облыстың Ішкі істер басқармасына қарасты Қоғамдық тәртіпті қамтамасыз ету басқармасының тергеу бөлімінің алғашқы бастығы болып Мәскеу қаласындағы РСФСР ІІМ-нің жоғарғы мектебінің түлегі 1926 ж.т. милиция подполковнигі Серікбаев Нығмет Айбатырұлы тағайындалды.

О

Сол кезде облыстық тергеу бөлімінің аппаратының барлық штат саны 5 бірлікті құрап, бөлімнің алғашқы тергеушілері болып Ерғалиев Рамазан, Галимова Мария, Шарипов Сүйеу, Еспаев Жалмұрза және Ұлы Отан соғысының ардагері Сарсенғалиев Израил қызмет аткарды.

Алғашқы кезде әрбір тергеушінің өңдірістерінде, ауданаралық істермен бірге қосқанда 20-25 қылмыстық істерден болатын. Сонымен қатар, қылмыстарды тергеудің негізгі салмағымен қоса, тергеушілер бақылау функцияларымен қатар, тәлімгерлік және методикалық көмекпен ұштастырып отырды.

Тергеу аппаратын 1964-1979 жылдар аралығында 15 жыл басқарған ұстаздардың бірі Бітеуов Азербай.