«Астанаэнергосервис» АҚ жалғыз акционердің 2011 жылғы 25 шілдедегі шешімімен келісілді

1. 
   Осы «Астана-Теплотранзит» АҚ Директорлар кеңесі туралы Ереже (бұдан әрі – Ереже) «Астана-Теплотранзит» АҚ Директорлар кеңесінің мәртебесін, лауазымдық тәртібі мен құзыретін, оның отырысқа шақырту және өткізу рәсімін, шешімдердің ресімделуін, сондай-ақ Директорлар кеңесі мүшелерінің құқықтарын, міндеттері мен жауапкершілігін анықтайды.
   
2. 
   Осы Ереже Қоғамның корпоративтік құжаты болып табылады және «Акционерлік қоғам туралы» Қазақстан Республикасының 2003 жылғы 13 мамырдағы № 415-ІІ Заңына (бұдан әрі – Заң) және Қоғам Жарғысына сәйкес әзірленді.
   
3. 
   Директорлар кеңесі «Астана-Теплотранзит» АҚ-ның (бұдан әрі – Қоғам) стратегияны және/немесе Қоғамның қаржы-шаруашылық қызметінің жоспарын әзірлеуге, оның қызметін жалпы басқаруға және бақылауға жауап беретін басқарма органы болып табылады. Директорлар кеңесі өз қызметінде Қазақстан Республикасының заңнамасын, Қоғам Жарғысын, осы Ережені және Қоғамның Жалпы акционерлер жиналысының шешімдерін басшылыққа алады.
   

4. 
   Егер заңнамада өзгеше белгіленбесе, мыналар Қоғамның Директорлар кеңесінің айрықша құзыретіне жатады:
   

1. 
   Қоғам қызметінің басым бағыттарын айқындау;
   
2. 
   акционерлердің жылдық және кезектен тыс жалпы жиналысын шақыру туралы шешім қабылдау;
   
3. 
   жарияланған акциялардың саны шегiнде акцияларды орналастыру (өткізу) туралы, оның iшiнде орналастырылатын (өткiзiлетiн) акциялардың саны, оларды орналастыру (өткізу) тәсiлi мен бағасы туралы шешiм қабылдау;
   
4. 
   Қоғамның орналастырылған акцияларды немесе басқа да бағалы қағаздарды сатып алуы және оларды сатып алу бағасы туралы шешім қабылдау;
   
5. 
   Қоғамның жылдық қаржы есептілігін алдын ала бекіту;
   
6. 
   Қоғамның облигацияларын және туынды бағалы қағаздарын шығару талаптарын айқындау;
   
7. 
   атқарушы органның сан құрамын, өкілеттік мерзімін анықтау, оның басшысын және мүшелерін сайлау, сондай-ақ олардың өкілеттіктерін мерзімінен бұрын тоқтату;
   
8. 
   атқарушы органның басшысы мен мүшелерінің лауазымдық айлықақыларының мөлшерін және оларға еңбекақы және сыйлықақы төлеу талаптарын айқындау;
   
9. 
   ішкі аудит қызметінің сандық құрамын, өкілеттік мерзімін айқындау, оның басшысы мен мүшелерін тағайындау, сондай-ақ олардың өкілеттіктерін мерзімінен бұрын тоқтату, ішкі аудит қызметінің жұмыс тәртібін, ішкі аудит қызметі қызметкерлеріне еңбекақы және сыйлықақы төлеудің мөлшері мен талаптарын айқындау;
   
10. 
    корпоративтік хатшыны тағайындау, оның өкілеттік мерзімін айқындау, оның өкілеттігін мерзімінен бұрын тоқтату, сондай-ақ корпоративтік хатшының лауазымдық жалақысы мөлшерін және сыйақы шарттарын айқындау;
    

12. 
    Қоғамның ішкі қызметін реттейтін құжаттарды (бұған қоғам қызметін ұйымдастыру мақсатында атқарушы орган қабылдайтын құжаттар қосылмайды), оның ішінде аукциондар өткізу және Қоғамның бағалы қағаздарына қол қою шарттары мен тәртібін белгілейтін ішкі құжатты бекіту;
    
13. 
    Қоғамның филиалдары мен өкілдіктерін құру және жабу туралы шешімдер қабылдау және олар туралы ережелерді бекіту;
    
14. 
    Қоғамның басқа заңды тұлғалардың акцияларының он және одан да көп пайызын (жарғылық капиталға қатысу үлестерiн) сатып алу туралы шешімдерін қабылдау;
    
15. 
    акцияларының (жарғылық капиталдағы қатысу үлесінің) он және одан да көп проценті Қоғамға тиесілі заңды тұлға акционерлерінің (қатысушыларының) жалпы жиналысының құзыретіне жатқызылатын қызмет мәселелері бойынша шешімдер қабылдау;
    
16. 
    Қоғамның міндеттемелерін оның өзіндік капиталы мөлшерінің он және одан да көп проценті болатын шамаға көбейту;
    
17. 
    бұрынғы Қоғам тіркеушісімен шарт бұзылған жағдайда Қоғамның тіркеушісін таңдау;
    
18. 
    Қоғам немесе оның қызметтік, коммерциялық немесе заңмен қорғалатын өзге де құпия болып табылатын қызметі туралы ақпаратты айқындау;
    
19. 
    ірі мәмілелер және жасалуына Қоғам мүдделі мәмілелер жасасу туралы шешімдер қабылдау;
    
20. 
    мүлікті кепілге қою, сату, иеліктен шығару және олар бойынша міндеттерге көну туралы шешім қабылдау;
    
21. 
    дамытудың бес жылдық жоспарларын бекіту және олардың Қазақстан Республикасының заңнамасында белгіленген тәртіп пен мерзімде іске асырылуын бағалау, жылдық өндірістік және инвестициялық бағдарламаларды, күрделі жөндеу бағдарламаларын, кіріс және шығыс бюджетін бекіту;
    
22. 
    Қоғамды басқарудың ұйымдастырушылық құрылымын бекіту, Қоғамның штат кестесін келісу;
    

5. Қоғамның Директорлар кеңесінің айрықша құзыретіне жататын мәселелерді Қоғамның атқарушы органының шешуiне беруге болмайды. Қоғамның Жарғысына сәйкес оның атқарушы органының құзыретіне жатқызылған мәселелер бойынша Директорлар кеңесінің шешім қабылдауға, сондай-ақ Қоғам акционерлерінің Жалпы жиналысының шешімдеріне қайшы келетін шешімдер қабылдауға құқығы жоқ.

7. Жеке адам ғана Директорлар кеңесiнiң мүшесi бола алады.

8. Директорлар кеңесiнiң мүшелерi:

1) акционерлер - жеке адамдар;

2) Директорлар кеңесiне акционерлердiң өкiлдерi ретiнде сайлауға ұсынылған (ұсыным берiлген) адамдар;

3) қоғамның акционері болып табылмайтын және Директорлар кеңесiне акционердiң өкiлi ретiнде сайлауға ұсынылмаған (ұсыным берiлмеген) жеке адамдар арасынан сайланады.

Осы тармақтың 3) тармақшасында көрсетілген тұлғалар саны Директорлар кеңесі құрамының елу пайызынан аса алмайды.

9. Басқарма төрағасы Директорлар кеңесінің төрағасы болып сайлана алмайды.

10. Директорлар кеңесi мүшелерiнiң саны кемiнде үш адам болуға тиiс. Қоғамның Директорлар кеңесі құрамының кем дегенде үштен бірі тәуелсіз директорлар болуға тиіс.

11. Директорға кандидат және Директорлар міндеттерді орындау және Акционерлер мен Қоғамның мүддесінде барлық Директорлар кеңесінің тиімді жұмысын ұйымдастыру үшін қажетті тиісті жұмыс тәжірибесі, білімі, біліктілігі, іскерлік және/немесе салалық ортада оңтайлы жетістіктері мен мінсіз атағы болуы тиіс.

Директор лауазымына мына тұлға сайлана алмайды:

1. 
   жоғары білімі жоқ;
   
2. 
   сотталғандығы өтелмеген немесе заңмен белгіленген тәртіппен сотталғандығы алынбаған;
   
3. 
   банкрот, тоқтатып қою, тәртіпке салу, мәжбүрлеп тарату туралы шешімді қабылдау күнінен кейін бес жыл ішінде заңды тұлғаның басшылығы кезінде банкрот танылған немесе тоқтатып қоюға, тәртіпке салуға, мәжбүрлеп таратуға ұшараған бұрын заңды тұлғаның басқарушы жұмыскері болған.
   

13. Директорлар кеңесінің өкілеттілік мерзімі Жалпы акционерлер жиналысында жаңа Директорлар кеңесін сайлау кезінде аяқталады.

14. Жалпы акционерлер жиналысы Директорлар кеңесінің барлық немесе жеке мүшелерінің өкілеттілігін мерзімінен бұрын тоқтатуға құқылы.

15. Өзінің бастамасы бойынша Директорлар кеңесі мүшесінің өкілеттілігін мерзімінен бұрын тоқтатылуы Директорлар кеңесінің жазбаша хабарламасы негізінде жүзеге асырады.

Директорлар кеңесінің осындай мүшесінің өкілеттілігі Директорлар кеңесінің көрсетілген хабарламасын алған кезден бастап тоқтатылады.

16. Директорлар кеңесі мүшесінің өкілеттігі мерзімінен бұрын тоқтатылған жағдайда, директорлар кеңесінің жаңа мүшесін сайлау акционерлердің жалпы жиналысында ұсынылған кумулятивтiк дауыс берумен жүзеге асырылады, бұл орайда директорлар кеңесінің жаңадан сайланған мүшесiнiң өкілеттігі тұтас алғанда директорлар кеңесінің өкілеттік мерзімінің өтуімен бір мезгілде аяқталады.

4. 
   Директорлар кеңесінің төрағасы
   

17. Директорлар кеңесінің төрағасы акционерлердің Жалпы жиналысымен сайланады.

18. Директорлар кеңесінің төрағасы белгіленген заңнама және Қоғам Жарғысының тәртібінде:

1) Қоғамның Директорлар кеңесінің жұмысын ұйымдастырады;

2) Қоғамның Директорлар кеңесінің отырысын шақырады және оларға төрағалық етеді;

3) отырыстарда хаттаманың жүргізілуін ұйымдастырады;

4) Қоғамның атынан Қоғамның Басқарма төрағасымен Директорлар кеңесінің шешіміне сәйкес еңбекақы мөлшерінің белгіленумен еңбек шартын жасайды;

5) Директорлар кеңесінің шешімі негізінде Қоғамның корпоративтік құжаттарына сәйкес Басқарма төрағасына қатысты көтермелеу немесе тәртіптік жаза салу туралы бұйрыққа қол қояды;

6) Директорлар кеңесінің отырысын өткізу түрін анықтайды;

7) Директорлар кеңесінің жылдық жұмыс жоспарын бекітеді;

8) қаржы-шаруашылық қызметінің жоспарын бекіту туралы Директорлар кеңесінің шешімі бойынша Қоғамның қаржы-шаруашылық қызметінің жоспарын бекітеді (қол қояды).

19. Директорлар кеңесінің төрағасы болмаған жағдайда, оның функцияларын директорлар кеңесінің шешімі бойынша директорлар кеңесі мүшелерінің бірі жүзеге асырады.

4. 
   Директорлар кеңесінің құқығы, міндеті және жауапкершілігі
   

20. Қоғамның Директорлар кеңесі:

1) хабардарлық, ашықтық негізінде, Қоғамның және оның акционерлерінің мүдделері үшін Қазақстан Республикасы заңнамасының талаптарына, Қоғамның Жарғысы мен ішкі құжаттарына сәйкес әрекет етеді;

2) өздеріне жүктелген міндеттерді адал орындайды және Қоғам мен акционерлердің Жалпы жиналыс мүдделерін мейлінше жоғары дәрежеде көрсететін әдістерді пайдаланады;

3. 
   қоғамның мүлкін пайдаланбауға тиіс әрі оны Қоғам Жарғысына және акционерлердің Жалпы жиналысы мен Директорлар кеңесінің шешімдеріне қайшы пайдалануға, сондай-ақ оны өз мақсаттарына пайдалануға жол бермеуге және өздерінің аффилиирленген тұлғаларымен мәмілелер жасаған кезде асыра пайдаланбауға тиіс;
   
4. 
   тәуелсіз аудит жүргізуді қоса алғанда, бухгалтерлік есеп және қаржылық есептілік жүйесінің тұтастығын қамтамасыз етеді;
   
5. 
   Қоғамның қызметі туралы ақпараттың заңнамалардың талаптарына сәйкес ашылуы мен берілуін бақылайды;2007.19.02. № 230-III ҚР Заңымен 5) тармақшамен толықты
   
6. 
   мүдделердің ықтимал қақтығысын, оның ішінде қоғам меншігін заңсыз пайдалануды және мүдделілік болуына орай жасалатын мәмілелерді жасасқан кезде асыра пайдалануды лауазымды адамдар мен акционерлер деңгейінде қадағалауға және оларды мүмкіндігінше жоюға;
   

8) барлық акционерлерге әділ қарауға, корпоративтік мәселелер бойынша объективті түрде тәуелсіз ой-пікір білдіруге тиіс.

21. Директорлар кеңесінің мүшелері Директорлар кеңесінің құзыреті аясында мыналарға құқылы:

1) Қоғамның қызметі туралы, оның ішінде Қоғамның коммерциялық құпиясын құрайтын ақпарат алуға, Қазақстан Республикасының заңнамасы мен Қоғамның ішкі құжаттарына сәйкес Қоғамның барлық құжаттарымен танысуға;

2) Директорлар кеңесінің жұмыс жоспарын қалыптастыру бойынша жазбаша ұсыныстар енгізуге;

3) Директорлар кеңесінің отырысындағы күн тәртібіне белгіленген тәртіппен мәселелер енгізуге;

4) Қоғамның Директорлар кеңесінің отырысын шақыруды талап етуге;

5) Қазақстан Республикасының заңнамасында, Қоғамның Жарғысында, Қоғамның өзге корпоративтік құжаттарында және осы Ережеде көзделген өзге құқықтарды жүзеге асыруға.

22. Директорлар кеңесіні мүшесі мыналарға міндетті.:

1) Директорлар кеңесінің отырысында үнемі қатысуға;

2) Жалпы акционерлер жиналысымен және Директорлар кеңесімен қабылданған шешімдерді орындауға;

3) Директорлар кеңесінің Корпоративтік хатшысын қызметтерді қоса атқару және тұрақты (негізгі) жұмыс орынның (қызметті, кәсіпкерлік қызметті және т.б.) өзгерту туралы ақпараттандыруға;

4. 
   мүдделілік болуына орай Қоғаммен жасалатын мәміле туралы Заңмен көзделген ақпаратты, сондай-ақ қолданыстағы немесе болжамды мәмілеге қатысты Қоғаммен мүдденің өзге қайшылықтары пайда болған жағдайда Директорлар кеңесінің назарына жеткізуге;
   
5. 
   Қоғамға өзінің аффилиирленген тұлғалары туралы мәліметтерді аффилиирленгені пайда болған күннен бастап жеті күн ішінде ұсынуға;
   
6. 
   Қоғамға бәсекелес заңдық тұлғаларды құру немесе қатысу мақсаттары туралы Директорлар кеңесін ақпараттандыруға;
   
7. 
   егер қоғамның ішкі құжаттарында өзгеше белгіленбесе, қоғамның қызметі туралы ақпараттың құпиялылығын, оның ішінде қоғамдағы жұмыс тоқтатылған сәттен бастап үш жылдың ішінде сақтауға.
   

1) акционерлердің Жалпы жиналысындағы Директорлар кеңесі құзыретіне қатысты бөлігіндегі шешімдердің орындалуына;

2) оның құзыретіне қатысты мәселелер бойынша қабылданатын шешімдердің салдарына;

24. Директорлар кеңесінің мүшелері Қоғамның лауазымдық тұлғалары болып табылады және

Қоғамның және акционерлер алдында Заңның 63 бабында белгіленген жауапкершілік артады.

4. 
   Қоғамның Директорлар кеңесі жанындағы комитеттер
   

25. Қоғамның Директорлар кеңесі жанында комиттер құрылуы мүмкін.

26. Қоғамның Директорлар кеңесі жанындағы комиттер Директорлар кеңесінің құзыреті аясына кіретін немесе Қоғамның атқарушы орган қызметін бақылау тәртібімен Директорлар кеңесімен зерделетін мәселелерді тереңдетіп өңдеу үшін және Директорлар кеңесі мен Қоғамның атқарушы органына қажетті ұсынымдарды әзірлеу үшін құрылады. Қоғамның Директорлар кеңесі жанындағы комиттер Қоғам қызметінің ұзақ уақыттық мәселелерін зерделеу үшін, сондай-ақ Директорлар кеңесінің ерекше маңызды басқару және бақылау функцияларының тиімді іске асыруын қамтамасыз ету үшін қалыптасады.

27. Кеңес комитетінің құрамына Директорлар кеңесінің мүшелері және Қоғам қызметкерлері

кіреді. Директорлар кеңесі жанындағы комитеттің төрағасы Комитеттің құрамына кіретін Директорлар кеңесінің мүшелері санынан сайланады.

28. Басқарма төрағасы Директорлар кеңесі комитетінің төрағасы бола алмайды.

29. Әрбір директор Директорлар кеңесі мен Комитеттің құрамына кіретін барлық отырысына қатысуға міндетті. Осы нормадан шегінуге тек орынды себеп жағдайында ғана жол беріледі.

30. Директорлар кеңесі жанындағы комитеттер Қоғамның атынан өз бетінше әрекет ете алмайды.

4. 
   Директорлар кеңесі жұмысын ұйымдастыру
   

31. Директорлар кеңесінің отырысы қажеттілік бойынша Директорлар кеңесінің ағымдағы жылға Жұмыс жоспарын іске асыру, сондай-ақ Директорлар кеңесіне қарастыруға ұсынылатын өзге мәселелерді қарастыру мақсатында өткізіледі.

32. Директорлар кеңесiнiң отырысы оның төрағасының немесе атқарушы органның бастамасы бойынша, не:

1) Директорлар кеңесiнiң кез келген мүшесiнiң;

2) қоғамның iшкi аудит қызметiнiң;

3) қоғамға аудиттi жүзеге асыратын аудиторлық ұйымның;

4) iрi акционердiң талап етуi бойынша шақырылуы мүмкiн.

33. Директорлар кеңесiнiң отырысын шақыру туралы талап директорлар кеңесiнiң төрағасына директорлар кеңесi отырысының ұсынылатын күн тәртібі бар тиiстi жазбаша хабар жiберу арқылы қойылады.

Директорлар кеңесiнiң төрағасы отырысты шақырудан бас тартқан жағдайда, бастамашы аталған талаппен атқарушы органға жүгiнуге құқылы, ол директорлар кеңесiнiң отырысын шақыруға мiндеттi.

Директорлар кеңесiнiң отырысын Директорлар кеңесiнiң Төрағасы немесе атқарушы орган шақыру туралы талап келiп түскен күннен бастап он күннен кешiктiрмей шақыруға тиiс.

Директорлар кеңесiнiң отырысы аталған талапты қойған адамды мiндеттi түрде шақыра отырып өткiзiледi.

34. Ірі мәміле және (немесе) мүдделілік болуына орай жасалатын мәміле жасасу жөнінде шешім қабылдау туралы мәселелер қаралған жағдайда, мәміле туралы ақпаратта мәміленің тараптары, мәміленің орындалу мерзімдері мен талаптары, тартылған адамдардың қатысу үлесінің сипаты мен көлемі туралы мәліметтер, сондай-ақ бағалаушының есебі (осы Заңның 69-бабының 1-тармағында көзделген жағдайда) қамтылуға тиіс.

35. Отырыстың күн тәртібіндегі мәселелер бойынша материалдардың қосымшасымен Директорлар кеңесінің отырысын өткізу туралы жазбаша хабарлама Директорлар кеңесінің мүшелеріне отырыс өткізілетін күнге дейін кемінде күнтізбелік жеті күн бұрын беріледі. Директорлар кеңесінің отырысын сырттай тәртіппен өткізу туралы жазбаша хабарламаға сырттай дауыс беру үшін бірыңғай нысан бойынша Директорлар кеңесінің барлық мүшелеріне бюллетень қоса беріледі.

36. Директорлар кеңесінің отырысын өткізу туралы хабарлама күні, уақыты және отырысты өткізу орны, оның күн тәртібі туралы мәліметтерді қамтуы тиіс.

37. Директорлар кеңесiнiң мүшесi өзiнiң Директорлар кеңесiнiң отырысына қатыса алмайтыны туралы атқарушы органға алдын ала хабарлауға мiндеттi.

4. 
   Директорлар кеңесі отырысын өткізу тәртібі
   

38. Директорлар кеңесінің отырысын өткізу үшін кворум Директорлар кеңесі мүшелерінің жалпы санының жартысынан кем болмауға тиіс.

Директорлар кеңесі мүшелерінің жалпы саны жарғыда белгіленген кворумға қол жеткізу үшін жеткіліксіз болған жағдайда, директорлар кеңесінің жаңа мүшелерін сайлау үшін директорлар кеңесі акционерлердің кезектен тыс жалпы жиналысын шақыруға міндетті. Директорлар кеңесінің қалған мүшелері акционерлердің мұндай кезектен тыс жалпы жиналысын шақыру туралы ғана шешім қабылдауға құқылы.

39. Директорлар кеңесінің әрбір мүшесінің бір даусы болады. Директорлар кеңесінің шешімдері, егер Заңда өзгеше көзделмесе, директорлар кеңесінің отырысқа қатысқан мүшелерінің жай көпшілік даусымен қабылданады.

Дауыстар саны тең болған кезде Директорлар кеңесі төрағасының немесе Директорлар кеңесінің отырысында төрағалық етуші адам даусының шешуші дауыс болуы мүмкін.

Директорлар кеңесі директорлар кеңесінің мүшелері ғана қатыса алатын өзінің жабық отырысын өткізу туралы шешім қабылдауға құқылы.

40. Қоғамның Директорлар кеңесі Төрағасының қарауы бойынша оның қарауына енгiзiлген мәселелер бойынша Директорлар кеңесiнiң сырттай дауыс беру арқылы шешiмдер қабылдауы мүмкiн. Бұл ретте отырыстың күн тәртібіндегі мәселелер бойынша сырттай дауыс беру үшін бюллетеньдер қолданылады.

Белгiленген мерзiмде алынған бюллетеньдерде кворум болған ретте шешiм сырттай дауыс беру арқылы қабылданды деп танылады.

Дауыс берудің нәтижесіне әсер етепейтін сырттай дауыс беруге ұсынылатын мәселелер бойынша құжаттары және/немесе шешімдер жобаларының атауы бойынша ескетулердің (ұсыныстар, толықтырулар) Директорлар кеңесі мүшелерінде болған кезде Директорлар кеңесінің мүшесі бюллетеньдерді табыстау мерзімінің аяқталу күніне дейін үш жұмыс күнінен кешіктірмей Корпоративтік хатшыға болуы мүмкін ескертулер (ұсыныстар, толықтырулар) туралы оның пікірін Директорлар кеңесінің қалған мүшелеріне танысу үшін жіберу, және Директорлар кеңесі мүшелерінің көпшілігі келіскен жағдайда ұсынылған түзетулерді есепке алып хаттаманы ресімдеу мақсатында жазбаша түрде хабардар етуге міндетті.

41. Ерекше жағдайда Қоғамның Директорлар кеңесі төрағасының қарауы бойынша Директорлар кеңесі отырысының екі түрінің үйлесуі мүмкін. Бұл Директорлар кеңесінің бір немесе бірнеше мүшелерінің (30%-дан артық емес) Директорлар кеңесі отырысында өзі қатысуға мүмкіндігі болмаған жағдайға қатысты. Бұл ретте Директорлар кеңесінің отырыснда болмаған мүшесі байланыстың техникалық құралдарын қолданып, қарастырылатын мәселелерді талқылауға қатысуы мүмкін және өзінің пікірін жазбаша түрде ұсынуы тиіс.

4. 
   Директорлар кеңесі отырысының хаттамасы
   

42. Директорлар кеңесінің қатысу тәртібімен өткен отырысында қабылданған шешімдері хаттамамен ресімделеді, ол отырыс өткен күннен бастап үш күн ішінде жасалып, оған отырыста төрағалық еткен адам мен директорлар кеңесінің Корпоративтік хатшысы қол қоюға және онда:

1) Қоғамның атқарушы органының толық атауы және орналасқан жері;

2) отырыстың өткізілген күні, уақыты және орны;

3) отырысқа қатысқан адамдар туралы мәліметтер;

4) отырыстың күн тәртібі;

5) қойылған мәселенің қысқаша сипаты және оны талқылау;

6) дауысқа қойылған мәселелер және Директорлар кеңесінің әр мүшесінің директорлар кеңесі отырысының күн тәртібінің әрбір мәселесі бойынша дауыс беру нәтижесі көрсетілген осы мәселелер бойынша дауыс берудің қорытындылары;

7) қабылданған шешімдер;

8) Директорлар кеңесінің шешімі бойынша өзге де мәліметтер болуға тиіс. 2011.28.12. № 524-ІV ҚР Заңымен 6-тармақ өзгертілді (бұр.ред.қара)

43. Директорлар кеңесiнiң сырттай отырысының шешiмi жазбаша түрде (хаттама) ресiмделуге және оған Директорлар кеңесiнiң төрағасы мен Корпоративтік хатшының қолы қойылуға тиiс, сондай-ақ:

1) Қоғамның (оның атқарушы органының) атауы мен орналасқан жерін;

2) сырттай отырыстың шешімінің жазбаша ресімдеу күні мен жерін;

3) Директорлар кеңесінің құрамы туралы мәліметтерді;

4) отырысты шақыртуды жүзеге асыратын тұлғаны (органды) көрсетуін;

5) отырыстың күн тәртібін;

6) шешімді қабылдау үшін кворумның бар/жоқ болуы туралы жазбаны;

7) Директорлар кеңесінің әр мүшесінің директорлар кеңесі отырысының күн тәртібінің әрбір мәселесі бойынша дауыс беру нәтижесі көрсетілген осы мәселелер бойынша дауыс берудің қорытындыларын;

8) өзге де мәліметтерді қамтуға тиiс.

Сырттай дауыс беру бюллетені Директорлар кеңесінің хаттамасына тігіледі.

44. Директорлар кеңесі отырысының хаттмасы және Директорлар кеңесінің шешімдері Қоғамның мұрағатында сақталады.

Корпоративтік хатшы Директорлар кеңесі мүшесінің талап етуі бойынша оған өздері қатысу немесе сырттай дауыс беру арқылы Директорлар кеңесі отырысының хаттамасын танысу үшін беруге және (немесе) оған хаттама мен шешімнің Корпоративтік хатшысы қол қойып, Қоғамның мөрі басылып куәландырылған үзінді көшірмесін беруге міндетті.Статья дополнена пунктом 7 в соответствии с Законом РК от 05.07.08 г. № 58-IV

45. Директорлар кеңесінің қарауына ұсынылған мәселе бойынша қызығушылық білдірген директор осы мәселені талқылауға және дауыс беруге қатыспайды және бұл туралы Директорлар кеңесі хаттамасында тиісті жазба жазылады.

2011.28.12. № 524-ІV ҚР Заңымен 3-тармақ өзгертілді (бұр.ред.қара)

4. 
   Директорлар кеңесі мүшелеріне төленетін сыйақы мен өтемақы мөлшері мен шарттары
   

46. Директорлар кеңесі мүшелерінің сыйақы мөлшері мынаны құрайды:

- Директорлар кеңесінің сырттай түрде өткізілетін отырысына (сұрау парағын толтыру арқылы) қатысқаны үшін – 30 000 теңге.

- Директорлар кеңесінің өзі қатысу түрінде өткізілетін отырысына (отырысқа қатысу арқылы) қатысқаны үшін – 90 000 теңге.

- бір айда Директорлар кеңесінің екі немесе одан да көп отырыстарына қатысқаны үшін (отырыс түріне тәуелсіз) – 100 000 теңге.

47. Сыйақыны төлеу Қазақстан Республикасының заңнамасына сәйкес Директорлар кеңесінің отырысы өткізілген айдан кейінгі айдың оныншы күнінен кешіктірмей Директорлар кеңесі мүшесінің карт-шотына ақшалай қаражатты аудару арқылы Қоғаммен жүргізіледі.

48. Осы Ереженің 46 тармағында көзделген сыйақы, егер Директорлар кеңесінің мүшесі Директорлар кеңесінің отырысына қатыспаған болса төленбейді.

49. Директорлар кеңесінің шешімі бойынша Директорлар кеңесінің мүшелері өндірістік-шаруашылық мақсаттар үшін және акционерлермен, инвесторлармен, серіктестермен кездесуге, сондай-ақ өзге де міндеттерді орындау үшін іссапарға жіберілген жағдайда оларға тәулік төлем, іссапар орнына және қайта тұрақты жұмыс орнына жол жүруі немесе Қоғамның атқару органы үшін белгіленген тәртіппен қонақ үйде тұруы, орынжайды жалдауы бойынша шығыстарды өтеу жүргізіледі.

Өтемақы төлеу жүргізілген шығындарды растайтын құжаттар ұсынылғаннан кейін Қоғаммен жүргізеді.

50. Директорлар кеңесі мүшелерінің Директорлар кеңесінің отырысына қатысуымен байланысты шығындардың (жол жүру, қонақ үйде тұру, тамақтану және т.б.) өтемақысы төленбейді.

51. Қазақстан Республикасының заңнамасында коммерциялық ұйымдардан қандай да бір төлемдерді алуға шектеу немесе тыйым салу көзделген Қоғамның Директорлар кеңесінің мүшелері болып табылатын тұлғаларға қатысты сыйақы немесе өтемақы төленбейді.

Директорлар кеңесінің мүшесі болып табылатын Басқарма төрағасына сыйақы төленбейді. Осы Ереженің 49 тармағында көзделген шығындардың өтемақысы Қоғамның ішкі құжаттарымен белгіленген тәртіппен атқарушы орган үшін төленеді.

52. Қоғамның Директорлар кеңесінің мүшелері осы Ережеде көрсетілгендерден басқа өздерінің өкілеттілігін орындағаны үшін өзге сыйақы және (немесе) шығындардың өтемақысын алуға құқығы жоқ.

4. 
   Қорытынды ереже
   

54. Ережені, сондай-ақ оның барлық өзгертулері мен толықтыруларын Жалпы акционерлер жиналысы немесе жалғыз акционер бекітеді.

«Астана-Теплотранзит» АҚ Директорлар кеңесінің мүшелері

таныстырылды:

Қ. Бейсенбинов

А. Сухотин

А. Шадыжев

Б. Алияров

А. Жұмабаев