Фосфорорганикалық қосылыстар тобы

94 
Тәжірибе жүргізу техникасы.
№1 тәжірибе. Хлорофостың уытты әсері. 
Қоянның бұлшық етіне 1 кг тірідей салмағына 2-3 мл мөлшерінде 10% 
хлорофос ерітіндісі енгізіледі. Улану кезеңіне бақылау жүргізеді. Сонан кейін 
антидот ретінде, қоянға 1-2 мл мөлшерінде тері астына 0,1% атропин 
ерітіндісі енгізіліп, оның әсер ету нәтижесін байқайды. 
№2 тәжірибе. Судағы фосфорорганикалық қосылыстарды анықтау. 
Сынауыққа 3-5 мл тексерілетін суды құйып, оған 0,5 мл 0,2% тұз 
қышқылды бензидин, сутегі асқын тотығының 0,6 мл 2% ерітінділерін 
қосады. Барлығын мұқият араластырып, 1 мл 10% лимон қышқылды натрий 
ерітіндісін қосып, су моншасында 5 минут бойы қыздырады. Егерде 
фосфорорганикалық қосылыстар бар болған жағдайда, ерітінді сары түске 
боялады. 
№3 тәжірибе. Жемдегі фосфорорганикалық қосылыстарды анықтау. 
Шыны құтыға немесе химиялық стақанға 5 г ұнтақталған жем салып, 
оған 15 мл этил спиртін қосады да, 5 минут бойы мұқият араластырады. 
Сонан кейін, барлық алынған салмақ қағаз сүзгі арқылы сүзіледі. Бөлініп 
алынған сүзінді таза сынауыққа құйылып, оған 0,2 гр белсендірілген көмір 
қосылады, араластырып су моншасында 5 минут қыздырылады да, қайтадан 
сүзгіден өткізіледі. Түссізденген сүзіндіге 2 мл тазартылған су, 0,2% 0,5 мл 
тұз қышқылды бензидин, 2% 0,5 мл сутегі асқын тотығы және 10% 1 мл 
лимон қышқылды натрий қосылады. Барлығын араластырып, тағы да 5 минут 
су моншасында қыздырады. Егер жемнің құрамында фосфорорганикалық 
қосылыстар бар болса, ерітінді сары немесе қызғылт-сары түске боялады. 

жүктеу 2,39 Mb.

Достарыңызбен бөлісу: