Адам тіршілігінің басты компоненттері

Хакім Абай ақиқат хақында айтқанда: «Хақтың бір аты – Алла, ғылым – Алланың бір сипаты» дегенді баса көрсетеді. Иман ісін алға шығарады. Әсіресе: «...иман келтірген нәрсесіне соншалық беріктік керек... иман сақтауға қорықпас жүрек, айнымас көңіл, босанбас буын керек», – екеніне зор мән береді. Керісінше, атап айтқанда: «...адам баласын қор қылатын үш нәрсе бар. Сонан қашпақ керек: әуелі – надандық, екінші – еріншектік, үшінші – залымдық деп білесің.

• Хакім Абай ақиқат хақында айтқанда: «Хақтың бір аты – Алла, ғылым – Алланың бір сипаты» дегенді баса көрсетеді. Иман ісін алға шығарады. Әсіресе: «...иман келтірген нәрсесіне соншалық беріктік керек... иман сақтауға қорықпас жүрек, айнымас көңіл, босанбас буын керек», – екеніне зор мән береді. Керісінше, атап айтқанда: «...адам баласын қор қылатын үш нәрсе бар. Сонан қашпақ керек: әуелі – надандық, екінші – еріншектік, үшінші – залымдық деп білесің.
• Надандық – білім-ғылымның жоқтығы, дүниеден еш нәрсе оларсыз біліп болмайды.
• Білімсіздік хайуандық болады.
• Еріншектік – күллі дүниедегі өнердің дұшпаны. Талапсыздық, жігерсіздік, ұятсыздық, кедейлік – бәрі осыдан шығады. Залымдық – адам баласының дұшпаны. Адам баласына дұшпан болса, адамнан бөлінеді, бір жыртқыш хайуан хисабына қосылады» дегенді бүкпесіз білдіреді. Білім-біліктің, дін-дәстүрдің тағылымын алға тартады.
• Бұдан байқалатыны: Хакім Абай өмір мұратын өзіндік тәжірибелермен байытып, келеңсіз көрініс, кедергі-кемшіліктерді анық көрсетеді. Ел әңгімелерін, халық даналықтарын назарда ұстап,адам мұратын,өмір сырын, еңбек сипатын кең көлемде ашады. Ақыл-парасат, білім-ғылым, тәлім-тәрбие мәнін айқындап, олардың басты нысаны, түпкі нәтижесі адамгершілік жолына апаратын – адастырмас компос екенін баса көрсетеді. Өмір – уақыттың бедерлі өлшемі, тұрмыс-тірліктің басты тірегі санайды.