Наркоманияның балалар мен жасөспірімдегі ерекшелігі

Наркотикалық заттарды алғаш қолдану жасөспірімдік кезеңде болады және қзіндік ерекшеліктері басым. Қатарластарымен топтасып қолдану,олардан қалмау, өзінен жасы үлкен лидердің айтқанын тыңдау, эмансипация, әуестік, қызығушылық наркотикалық заттарды қолдануға алып келеді.

Жасөспірімдерде наркотикалық заттарды қолданудың аддиктивті мінез-құлықпен болатын формасы тән,ол келесідей белгілерге негізделеді:

1-этап: «полинаркотизмді іздеу»- бұл жасөспірімдер өз компанияларында әр түрлі токсикалық заттарды қолданғанда пайда болады;

2-этап: ең керемет рақаттық әсер беретін наркотикалық затты таңдау;

3-этап: өз компаниясы жиналған сайын, бір наркотикалық затқа деген топтық психикалық тәуелділік.

Бұл кезеңде психикалық және физикалық тәуелділік толық болмайды. Алғашқыда қол жетімді арзан табак, транквилизатор, ингалянттар, холинолитиктер, кейде марихуана, психостимуляторлар қолданады. Кейін зиянды әдеттен не арылады, не оның терапиялық дозасын 3-10 есе жоғарылатады. Таза наркотикті қолдануды сора препараттарын шегуден немесе экстази таблеткасын ішуден бастайды. ПАЗ-ды қолдану қатарластарынан қалмау, өз жағдайын өзгерту, жаңа сезімдерді сезіну, қайғыны жеңу мақсатында басталады.

Одан ары тәуелділік пайда болып, ПАЗ-ды көктамыр ішінен сала бастайды. Жасөспірімдер мен балаларда ПАЗ-ды ерте жастан қолдану факторларының бірі – алкоголизмге құмарлықтың тұқымқуалаушылығы және психикалық аурулардың болуы. Отбасы қиын, ата-анасы жоқ, немес е жартылай жетім болған балалар бейім болып келеді. Олардың оқуға деген қызығушылығы жоқ,интеллект төмен, әуестілік басым болады. Наркотикті сатып алу үшін кейде псевдосуицидалды әрекеттер жасайды. Толеранттылық үлкендерге қарағанда жәй болады. Соматикалық,психикалық,физикалық бұзылыстар болады.