ӘОЖ 371.84
КБЖ 74.27
П27
Қазақстан Республикасы Білім және ғылым министрлігінің мемлекеттік
тапсырмасы
бойынша
Жастар ресурстық орталықтары мен жастар ҧйымдарының жастармен
жҧмыс жасау тәжірибелері: аймақтық аспект. Н.О. Наурызбаев, Л.М. Узарова, Е.Д.
Давлетченов, Б.Н. Бегманова, Астана, 2017. – 32 бет.
«Жастар ресурстық орталықтары мен жастар ұйымдарының жастармен жұмыс
жасау тәжірибелері: аймақтық аспект» жинағы Қазақстан Республикасы Білім және ғылым
министрлігінің мемлекеттік тапсырмасы бойынша дайындалған. Жинақта жастар
ресурстық орталықтары мен жастар ұйымдарының жобалары мен бағдарламалары
қарастырылған.
Жинақ жастармен жұмыс жасайтын мемлекеттік органдарға, оқу орындарына,
жастар ресурстық орталықтарына, жастар ұйымдарына, БАҚ-на және жастар саясаты
мәселелерімен қызығатын басқа да ұйымдар мен тұлғаларға арналған.
ӘОЖ 371.84
КБЖ 74.27
ISBN 978-601-7857-22-6
© «Жастар» ғылыми-зерттеу орталығы, 2017
МАЗМҦНЫ
1. Кіріспе
………………………………………
3
2.
Аймақтық жастар ресурстық
орталықтарының
жобалары
мен
бағдарламалары
………………………………………
4
3. Аумақтық жастар орталықтарының
жобалары мен бағдарламалары
………………………………………
19
4. Жастар ұйымдарының жобалары
мен бағдарламалары
………………………………………
22
5. Қорытынды
………………………………………
31
3
1. КІРІСПЕ
Болашақтың тізгіні жастардың қолында болғандықтан, олар халық арасында
қоғамдық белсенді топ деп танылады. Қазіргі замандағы дүниежүзілік даму заңдылықтары
жастар саясатының мемлекет қызметінің дербес бағыты ретінде жеке қарастырылуына
тығыз байланысты.
Қазақстан Республикасында жастар саясаты бірнеше деңгейде жүзеге асырылады –
республикалық, облыстық, қалалық және аудандық.
Жастармен атқарылатын жұмыстардың басым бӛлігін барлық Қазақстан бойынша
ӛңірлік, қалалық және аудандық деңгейде арнайы құрылған жастар ресурстық
орталықтары, сондай-ақ әр түрлі жастар ұйымы жүзеге асырады.
Қазақстан Республикасының мемлекеттік жастар саясаты саласы құрамына саяси
және экономикалық тұрғыдан неғұрлым жақсы дамыған, оның үстіне кӛпшілігі
Еуропалық Одаққа мүше болып табылатын, 35 ел кіретін Экономикалық Ынтымақтастық
және Даму Ұйымына мүше елдердің тәжірибесін басшылыққа алатындығына байланысты
жастар ресурстық орталықтарының қызметтерін ұйымдастыруда жастармен жұмыс
жасаудың еуропалық үлгісі қолданылады. Аталған үздік халықаралық тәжірибеге сәйкес
«жастармен жұмыс жасау жастар саясатының ӛз алдына жеке бағыты болып табылады
және оқудан тыс, нақты сауықтық шаралар тӛңірегінде іске асырылады және жастардың
білім алуының бейресми үдерістеріне және олардың ерікті түрде қатысуына негізделеді».
Жастар ресурстық орталықтары мен жастар ұйымдарының тікелей қызметі –
жастармен етене жұмыс жасау, сол арқылы жастарға бірлескен және жеке жұмыс үшін қол
жетімді және ашық кеңістіктер қалыптастыру. Негізгі акцент жастардың осал топтары мен
маргиналды топтарына жасалуы қажет, оның ішінде жасӛспірімдер де бар.
Жастармен жасалатын жұмыс – бұл жастарды ӛмірлік маңызы бар дағдыларға
баулу, жастардың бастамаларын қолдау және бейресми білім беру әдістемесін пайдалану
арқылы жастардың қоғам ӛміріне белсене ат салысуын қамтамасыз ету жолымен
жастардың әлеуметтік және тұлғалық дамуына бағытталған шаралар кешені. «Жастармен
жұмыс жасау» денсаулық сақтау, білім беру және жастардың жұмыспен қамтылуы сияқты
Қазақстан Республикасы мемлекеттік жастар саясатының құрамдас саласы екендігін айта
кету керек.
Жастармен жұмыс жасау барысында пайдаланылатын бейресми білім беру
форматы – ұйымдастырылған және жүйелі қызмет, жастардың білімі мен дағдылары
аясын кеңейту үшін қалыптастырылады және білім беру жүйесінің бейресми жағдайында
(мектептен, колледжден және университеттерден тыс) жүзеге асырылады. Бейресми білім
берудің ерекшелігі – жастардың қажеттіліктерін ескере отырып оқыту, тәжірибемен
сабақтастыру, икемді бағдарламалар, ӛткізілетін орын мен кестені таңдау мүмкіндігі және
қатысу еріктілігі.
Қазақстанда жастардың бастамасын қолдауға арналған, бейресми білім беру
форматындағы жастарға ӛмірде маңызды бар дағдылар мен тәжірибені үйретуге
бағытталған кӛптеген бағдарламалар мен жобалар бар. Бұл жинақта аймақтық және
аумақтық жастар ресрустық орталықтарының да, жастар ұйымдарының да жобалары
жинақталып, сипатталып отыр.
Жинақты дайындау барысында аймақтық және аумақтық жастар ресрустық
орталықтары, жастар ұйымдары ұсынған ақпараттар мен ашық қолданыстағы ғаламтор
ресурстарынан алынған материалдар пайдаланылды.
Бұл жинақтың мақсаты жастармен жұмыс жасауға арналған ең үздік және тиімді
бағдарламалармен, жобалармен таныстыру болып табылады. Осыған байланысты,
жинақты жастармен жұмыс жасайтын мемлекеттік органдардың, оқу орындарының,
жастар ресурстық орталықтарының, жастар ұйымының, БАҚ және ӛзге де жастар саясаты
мәселесіне қатысты мәліметті қажет ететін ұйымдардың жұмысында пайдалануға болады.
