“Ўѕєымаєа кїрделі жґндеудіѕ ќондырєылары мен жабдыќтары” пјні

“Теңізде ұңғымаға күрделі жөндеудің техникасы мен технологиясы” пәні

• Толымбеков Таңжарық Дастанұлы
• МОНГП кафедрасының оқытушысы;
• 2008-2009 жж. Мұнай және газ ұңғыларын бұрғылау жұмыстарын жүргізетін “МАИКС” компаниясында бұрғы шеберінің көмекшісі;
• 2007 жылы “ТомайБурСервис” компаниясында бұрғышы көмекшісі;
• 2006 жылы “ӨзенМұнайГаз” компаниясында мұнай және газ ұңғыларына күрделі жөндеу жұмыстарын жүргізетін “Жөндеу” ЖШС-де бұрғышы көмекшісі болып жұмыс істеген;

Аңдатпа

• Қ.И.Сәтбаев атындағы ҚазҰТУ студенттеріне арналған 050724 – «Технологиялық машиналар мен жабдықтар» мамандығы бойынша «Теңізде ұңғымаға күрделі жөндеудің техникасы мен технологиясы» пәнінің оқу-әдістемелік кешені нақты курс концепциясын анықтаушы құжат. ОӘК типтік бағдарламадан, пәннің оқу бағдарламасынан (syllabus), қысқаша дәріс конспектісінен, әдістемелік материялдардан, студенттердің өзіндік жұмыстарына арналған оқу-әдістемелік материалдардан, бақылау құралдары мен қажетті әдебиеттер тізімінен тұрады.
• Оқу-әдістемелік кешенінде кестелерге сәйкес студенттерге берілетін тапсырмалардың тізімі және оларды орындау сұлбасы көрсетілген. Білімді бағалау әдісі рейтингтік жүйеге негізделген.
• Дәрістер мазмұны пән материалдарын жақсы игеру үшін тақырыптық материалдарды түсіндіруші иллюстрацияны құрайды.
• Қ. И. Сәтбаев атындағы ҚазҰТУ студенттеріне арналған 050724 – «Технологиялық машиналар мен жабдықтар» мамандығы бойынша «Теңізде ұңғымаға күрделі жөндеудің техникасы мен технологиясы» пәнінің оқу-әдістемелік кешені мұнай және газ кәсіпшілігінің басқа да амандықтарын оқыту үшін қолдануға болады.

Пән туралы мәліметтер

• Курс: 4;
• Кредит саны-3;
• Дәріс: 2;
• Емтихан түрі: тест;
• Оқыту түрі: күндізгі;
• Студенттер Теңізде ұңғымаға күрделі жөндеудің техникасы мен технологиясын соңғы үлгідегі заманауи техника арқылы таныса алады. Оң жақта орналасқан суретте БОҒ-дағы “Тренажер Имитатордың” құрал жабдықтары көрсетілген;
• “Теңізде ұңғымаға күрделі жөндеудің техникасы мен технологиясы” пәнінің өткізілетін орны МҒ-ның 706, 703 және БОҒ-ның 225 және 220-шы аудиторияларында;
• Қазақстан Республикасының Білім және ғылым саласы бойынша ЖОО-да заманауи соңғы техника мен технологияны қолдану туралы стратегияға сәйкес БОҒ-да 220-шы аудиторияда орналасқан “Тренажер Имитатор”-да студенттер аталмыш пәнге байланысты әртүрлі операцияларды орындай алады.

“Теңізде ұңғымаға күрделі жөндеудің техникасы мен технологиясы” пәні өткізілетін БОҒ-дағы “Тренажер Имитаторда” орындалатын операциялар жайында мағлұмат

• Ұңғыманы күрделі жөндеу кезінде цементтеу;
• Ұңғыны тұз қышқылымен жуу;
• Қабатты су ағынды режиммен жару;
• Көтеріп-түсіру операциясы;
• Ұңғыны күрделі жөндеу кезінде қабат қысымын тойтару әдісі;
• Қабатты құм және су ағынын қолдана отырып жару;
• Ұңғыны әртүрлі жөндеу операцияларынан кейін поршенді әдіс арқылы тазалау;

Пәнді оқытудың мақсаттары мен міндеттері

• Пәнді оқыту мақсаты
• Машиналар мен жабдықтарды күрделі жөндеудің тағайындалуымен байланысты сұрақтарын оқып үйрену осы пәннің негізгі мақсаты болып табылады: жөндеу мен пайдалану жағдайлары, негізгі қойылатын талаптар, олардың құрылысы мен жұмыс істеу принциптері, есептеу теориялары, пайдалану мен конструкциялау. Студент өзінің көкейіндегі Ұңғыға күрделі жөндеу жұмыстарына байланысты көптеген сауалдарына жауап алады.

• Пәнді оқыту міндеттері
• “ Теңізде ұңғымаға күрделі жөндеудің техникасы мен технологиясы” пәнін оқытудың міндеті – студенттер осы пәнді оқу барысында жабдықтарды есептеу және олардың қарапайым түрін конструкциялауды білу керек, сонымен қатар жабдықтарды таңдау мен алған білімдерін ары қарай қолдана алатындарын көрсету керек. Сонымен қатар “Тренажер Имитаторда” іс-жүзінде тәжірибелерін арттыра түседі.

Студенттердің білімін бағалау

Курстың саясаты мен процедурасы

• Оқытушылардың студенттерден міндетті түрде сабаққа қатысуын, барлық бақылау түрі бойынша уақытында есеп беру, сабаққа қатыспаған күндерін қайта тапсыру тәртібін талап етуінен тұрады. Бақылау түрлерін тапсыру барысында оқытылатын пәннің бірізділігін сақтау қажет. Әрбір оқытушы бақылау түрін бірізділікпен тапсырылуын негіздеуі қажет.

Нәтижелерді бағалау құралдары мен технологиясы

• Мамандықтың оқу жоспарына енген курс рейтингі 100 баллдық шкала бойынша бағаланады.
• Баға - өте жақсы, жақсы, қанағаттанарлық, қанағаттанарлықсыз;
• Әріптік эквивалент, рейтинг балы (%), балл;
• Қ.И.Сәтпаев атындағы ҚазҰТУ-дың барлық курстары мен барлық пәндері бойынша студенттердің білімін тексерудің рейтингтік жүйесі кредиттік технология арқылы оқытылады.

Білім алушыларға қойылатын талаптар

• Студентер міндетті түрде сабаққа қатысуы керек.
• Қатыспаған сабақтарын жұмыспен өтеу қажет.
• Тапсыратын уақытымен сәйкесті практикалық және өздік жұмыстары, ағымдағы бақылау түрінде, уақытында тапсырылуы керек.
• Уақытында тапсырылмаған жұмыстар ағымдағы бақылаудың балын азайтады.
• Аралық бақылау тест түрінде жоспарланған және оқу процесінің күнтізбелік графигі бойынша орындалады.