Тексерілді

Мектеп шеберханасындағы жұмыс орнының негізгі жабдығы верстак болып табылады, онымен сендер бесінші сыныпта технология сабағында таныстыңдар.

Ағаш өңдеу үшін шеберханада ағаш ұстасының, металл өңдеу үшін – темір ұстасының, әрқилы материалдар өңдеу үшін құрамдастырылған верстак орнатылады.

Верстак жұмыс істеушінің бойына сәйкестендірілген болуы қажет. Оны былай тексереді: верстактың жанына тұрып, қолды төмен түсіріп, оның бетіне алақанын қою керек. Бұлай істегенде еңкию немесе қолды бүгу керек болмаса, онда верстак биіктігі бойға сәйкес келеді.

Бұл оқушының жұмыс кезінде еркін қимылдауы үшін қажет. Қажет болған жағдайда верстактың биіктігін өзгертуге болады.

Верстактың жаңында тұрып жұмыс істеу керек, тек кейбір жұмыс түрлерін отырып орындауға болады.

Жұмыс орнында ағаш дайндамаларды өңдеу мейлінше аз еңбек, күш және қуат жұмсалып, сондай – ақ іс – қимыл жасалып орындалуы қерек.

Жұмысты халат, комбинзон немесе алжапқыш секілді арнаулы киім киіп орындайды. Басқа әдетте берет кию қажет.

Жұмыс орнын дұрыс ұйымдастырған жағдайда аспаптар, материалдар жұмыс аумағы деп аталатын ыңғайлы орындарға орналастырылады.

Жұмыс орнында нақты жұмысты орындау үшін қажетті аспаптарды қояды. Оң қолмен жұмыс істеуге арналған аспапты оң жаққа, сол қолмен жұмыс істуге арналған аспапты сол жаққа, жиі қолданылатын аспапты өзіне жақындатып, жиі қолданбайтын аспапты аулақ қояды.

1. 
   Жұмыс орын деп нені атайды?
   
2. 
   Жұмыс орнының негізгі жабдығы болып табылатыны не?
   
3. 
   Верстак биіктігін жұмыс істеушінің бойына сәйкес қалай орнатуға болады?
   
4. 
   Жұмыс орнында аспапты қалай орналастырады?