Тақырып 33. Әлемнің ең ірі мұражайлары: адамзаттың тарихи зердесінің қазынасы

жүктеу 24,95 Kb. бет 3/6 Дата 12.05.2023 өлшемі 24,95 Kb. #42534

Навигация по данной странице:

• Лувр мұражайы

Дүниежүзінің ең ірі мұражайлары Мемлекеттік Эрмитаж – Санкт-Петербургте орналасқан Ресейдегі және дүниежүзіндегі ең ірі көркемсурет пен мәдени тарихи мұражайлардың бірі. Мұражай өз тарихын император ІІ Екатеринаның өзі жеке сатып алған өнер туындыларының жеке жинағы ретінде 1764 жылдан бастайды. Олардың ішінде Рембрандт, Рубенс, Венн, Дейк, Франс Хальс сияқты шеберлердің еңбектері болатын. Бұлар, негізінен, ХҮІІ ғ. бірінші жартысындағы голланд-фламанд мектебінің шығармалары болды. Алғашында картиналардың көпшілігі сарайдың жеке аппартаменттерінде (қазір Кіші Эрмитаж) орналасты. 1771-1787 жылдары сәулетші Фильтен Үлкен Эрмитаж ғимаратын салды. ХІХ ғ. ортасына дейін мұражайға тек таңдаулылар ғана келе алды. Эрмитаж көпшілік үшін І Николай император кезінде, 1852 жылы арнайы салынған Жаңа Эрмитаждың ғимараты ғана ашық болатын. Ол – антикалық және ортағасырлық мәдениет, Еуропа өнері ескерткіштерінің, Азия археологиялық және көркемөнер, орыс мәдениеті ескерткіштерінің жинақтамаларына бай болып саналды. 1917 жылғы революциядан кейін Эрмитаж елеулі өзгерістерге ие болды. Ол мемлекет қарамағына алынған коллекциялар мен көркемөнер академиясы жинағының есебінен байытылды. Өзгелермен қатар Боттичелли, Корред, Ван Дейк, Рембрант, Энгр, Делакруаның еңбектері келіп түсті. 1990 жылдардың соңында Утрилло Руо, Сутинның және басқа авторлардың бұрын Ресей мұражайларында көрсетілмеген еңбектері сатып алынды. Мұражай жинақтамасы тас ғасырынан бастап дүниежүзі мәдениетінің 3 млн-дай ескерткіштері мен өнер шығармаларын қамтиды. Лувр мұражайы – дүниежүзіндегі аса ірі және ең танымал көркемсурет мұражайы. Мұражай Париждің орталығында орналасқан. Мұражай ғимараты – ескі Король сарайы. Лувр – Капетингтер әулетінен бастап Францияның көркемсурет және тарихи коллекциялары жинақтаудың ең көне мұражайлардың бірі. Лувр мұражайының қоры алғашқы кезде І Франциск («Джоконда» мен Леонардо да Винчидің басқа да картиналары) және ХІҮ Людовик жинаған корольдық коллекциялар есебінен толықтырды. Мұражай есігі көпшілік үшін бірінші рет 1793 жылы тамызда, революция кезінде ашылды. Мұражайдың ең белгілі мүсіндері – 1820 жылы табылған және сол кезде Франция елшісінің түрік үкіметінен алған «Милостық Венера» мен 1863 жылы Самотраки аралынан табылған «Самофракиялық Ника». Лувр коллекциялары әртүрлі өркениеттер, мәдениеттер мен дәуірлер өнерлерінің ең үздік туындыларын сақтайды. Мұражайда 300 000-ға жуық жәдігер бар, олардан тек 35 000-ы ғана залдарға қойылады. жүктеу 24,95 Kb. Достарыңызбен бөлісу:

©g.engime.org 2024
әкімшілігінің қараңыз