Ұстазға құрмет шәкіртке міндет. Ұстазымды мәңгі өлмейтін үлгі дер ем

 

Шәкіртіңе бір өзің үміт арттың,

 

Мен өзім шәкірт емес балаңдаймын.

Әр адам есі кіре бастағаннан дүниені танып-білуге, үйренуге талпынады. Бір қызығы, бұл дүниеден хабарсыз жаңа туған сәбиден есейе келе, әлемді аузына қаратқан дана да, ойшыл да шығады. Осынау ақыл толыстырып, білімін шыңдау сапарында ол бір адамға ерекше қарыздар екенін сезінеді. Ол - ұстаз.

 Анығында «ұстаз» деген кім? Ұстаз - шәкіртін өмірге баулушы, оған өмірлік азық боларлық пайдалы білім мен жанына ізгіліктің нәрін егуші, жақсы мен жаманды, обал мен сауапты үйретіп, адамгершілік қасиеттерді сіңіруші, өзінің тәжірибесімен бөлісетін жанашыры әрі ақылшысы. Бір сөзбен айтқанда, бүгінгі қоғамды ертең алға сүйрейтін озық ойлы адам тәрбиелеуші, өз уақытын аямай, өзгенің бақытын аялаушы.

«Адамның адамшылығы жақсы ұстаз-дан» (Абай) демекші, тарихта ақыл-парасаты мол тұлғалардың көпшілігі ұстазына ерекше құрметпен қарап, әрдайым сондай бір ізетпен еске алған. Айталық, Ескендір Зұлқарнайын - Аристотельді, Абылай хан - Төле биді, Шәкәрім - Абайды, Жамбыл - Сүйінбайды өзіне ақылшы әрі ұстаз тұтқан. «Ұстазы жақсының ұстамы жақсы» дегендей, олар өздерінің өмірде бағындырған зор асуларына ұстаздарының сіңірген еңбегі көп екенін жақсы түсінген.

***

Менің ойымша, достың орны бөлек, қасыңда қиналғанда сырыңды айтып, ал қуанғанда қуанышыңды бірге бөлісетін жақын досыңның болғанына не жетсін, шіркін! Менің ең жақын құрбым болған. Оның есімі – Луиза. Луиза ұстаздарды түсінбейтін тұстары көп болатын, мен оның жанын түсінуге,оны естуге тырысатынмын. Ол менің әпкемдей болып кеткен жан. Мен оған түсінбеген сабақтарды түсіндіретін едім.

Мектепті бітіргеннен кейін ол Жамбыл педагогикалық университетіне түсіп оны қызыл дипломмен бітірді. Маман болып қалыптасу кезеңіндегі, мені шабыттандырып, педагогикалық біліммен қаруландырып, ұстаздықтың ұлы үлгісін көрсеткен ұстаздарымның алдында басымды иіп алғысымды білдіремін дейді Светлана Владимирқызы.

Мен С.Сейфуллин жалпы орта мектебіне 1992 жылы, №5 орта мектебінен орыс сыныбына ауысып келдім. Біз білетін Светлана Владимирқызы ойы терең, интеллектуалдық потенциалы мол, адал, талапшыл, шығармашыл, ұйымдастырушылық қабелеті және педагогикалық шеберлігі жоғары деңгейдегі ұстаз. Бұл ретте Светлана Владимирқызы білім сапасына келгенде қоятын талабы биік. Сабаққа дайындығы осал болған оқушы әділетті бағадан айналып өте алмайды. Өйткені талап барлығына бірдей. «Бармақ бастылық, көз қыстылыққа» жол бермейтін принципшіл ұстаз қашанда турашылдық жолын ұстанады. Өз пәні бойынша сабақтардың өз деңгейінде берумен қатар, өз бойындағы бар білімді оқушы жүрегіне ұялата алар шеберлігінің арқасында, оқу-тәрбие жұмысын жүргізу кезінде оқушының психологиялық ой-өрісінің өсу, даму дәрежесін байқай алатын кәсіпқойлығымен ерекшеленеді. Тапсырылған жұмысты мүлтіксіз орындап, әрдайым ізденіс үстінде жүреді. Ауыз толтырып айтарлық мақсаттарын сөзбен емес, іспен көрсете білгендіктен әріптестерінің зор құрметіне, оқушылар мен ата-аналардың алдында үлкен беделге ие. Сабырлы, парасатты, мінезге бай, сұраған адамға көмегі дайын адам ретінде көпке үлгі. Кейіпкеріміз – сүйікті жар, ардақты ана екенін айта кеткеніміз жөн. «Шәкіртсіз ұстаз – тұл» демекші, ол кісінің біз секілді шәкірттерінің қатары күннен-күнге өсіп келе жатқаны осы айтқанымыздың тағы бір дәлелі іспеттес. Өз кәсіби деңгейін ұдайы арттырып отыратын ұстанымы ерекше. Елеулі жетістіктерін айтар болсақ, оның өзі бір төбе. Облыс, аудан,республика көлемінде Құрмет грамоталарымен, Алғыс хаттармен бірнеше мәрте марапатталды.