Сабақтың типі: Жаңа білімді меңгерту Сабақтың түрі: Аралас сабақ

Оқу,құрал,дәптер ал

Сабаққа керек ол құрал.

Досыңдай сенің күн күліп,

Жаныңда тұрсын күнделік.

Ә)Оқушылардың назарын сабаққа аудару.

ІІ.Үй тапсырмасын сұрау.

Орыс,ұйғыр халқының кестесі.

–Кестенің қандай түрлерін білесің?

–Қазақ,орыс,ұйғыр халқының кестелерінің ерекшеліктері неде?

–Бұйымды не үшін кестелейді?

–Кесте өнердің қай түріне жатады?

ІҮ.Жаңа сабақ

1.Кіріспе сөз

Біз, қай заманда өмір сүрсек те, адам өміріндегі ең негізгі іс – ол еңбек болмақ. Еңбексіз өмір жоқ. Оны күнделікті өздеріңнің ата-аналарыңның тынымсыз еңбектерінен байқауға болады.

Дана халқымыз «Баланы бастан» деген нақылды бекер айтпаса керек. Тәлім-тәрбие алуда, теңіздей терең білімді игеру де еңбекпен байланысты.Еңбек үстінде адам шыңдалады, икемделеді,шеберленеді.

А) «Ой қозғау» әдісі.

Шебер адам қандай болу керек деп ойлайсыңдар? (топтастыру)

Осы жақсы қасиеттерді біз еңбекке баулу пәні арқылы үйреніп, бойымызға сіңіреміз.

Бүгінгі күннің ретімен,жаңа сабақтың тақырыбын жазамыз.

Сәуірдің 27-сі.

Шеберлерден үйренеміз.

105-беттегі суретпен жұмыс.

–Бұл суретте тәжірибелі шебердің жұмысы бейнеленген.Онда кестелеу өнерінің негізі болып саналатын «тепшу» тігісі ғана қолданылған.

Матаны таңдау.

Кез келген матаға кестелеуге болады.Мақта,кенеп және жібек маталар кесте тігуге жақсы.Матаны кестенің түріне қарай таңдаған жөн.Жануарлар бейнесін кестелеу үшін тығыз мата керек.Бір жіппен кестелеген өте әдемі көрінеді.

Матаны кестеге дайындау:

1.Матаны жылы сумен жуады.Мата отыруы керек.

2.Матаның шеті сетінемеу үшін оның жиегін қайшымен қияды немесе тігіспен бастыруға болады.

3.Матаның бетіне кесте суреті түсіріледі.

4.Матаның өлшемдері кесте шарғысына сәйкес керілуі тиіс.

5.Шарғы диаметрі 15 см немесе 25 см болуы керек. Сурет салынған мата екі шарғының арасына бекітіледі.Мата бұранда арқылы керіліп тартылады.

6.Кестелеуге мулине жібін пайдаланыңдар.Олардың әр түрлі түсін таңдап алыңдар.

7.Барлық нәрселер өз орнында болуы тиіс.Кесте тігетін матаны құрал-саймандар мен жіптен бөлек ұстаңдар.Матаның әрбір бөлігін полиэтилен пакетке сақтау керек.

Қажетті құрал-жабдықтарын түгендеу. Қауіпсіздік ережесі мен жеке бас гигиенасы, қайшымен жұмыс істеу ережелерін еске түсіру.

Құрал – жабдықтарымызды парта бетіне реттеп қойып аламыз.Олар жұмысқа кедергі жасамауы керек.Әрқайсысы өзінің алдындағы дайындаған материалдарымен жұмыс істейді.

Көрсетілген үлгілердің элементтерін пайдалану арқылы немесе өз қиялдарыңа ерік беріп, шеберліктеріңді көрсетіңдер.Жұмысты бастамас бұрын нені қалай жасауға болатынын жақсылап ойланып алыңдар.

Олай болса, іске сәт, балалар!

Сергіту сәті.«Өз орныңды тап» ойыны.

Жаңа сабақты бекіту.

Топпен жұмыс.

І-топ: «Жалғастыр» ойыны. «Өнер,еңбек,шеберлік» туралы мақалдардың жалғасын табу;

ІІ-топ: Жұмбақтың шешуін табу;

ІІІ-топ: «Кім жылдам?» тест тапсырмасын орындау;

ҮІІ.Бағалау.

Оқушыларды бағалау.