Сабақтың тақырыбы Сыныбы Күні Дайрабаева Мөлдір Тойшыбекқызы физика

жүктеу 89,09 Kb.

Дата	25.11.2017
өлшемі	89,09 Kb.
	#1595
түрі	Сабақ

Пән мұғалімі	Пәні	Сабақтың тақырыбы	Сыныбы	Күні
Дайрабаева Мөлдір Тойшыбекқызы	физика	Заттың агрегаттық күйлері. Қатты денелердің балқуы және қатаюы.	8 «Б»	02.10.2015 жыл

Жалпы мақсаты	Заттың агрегаттық күйлерін өзгерту тәсілдерін білу.
Күтілетін нәтиже	Заттың агрегаттық күйлерін бір түрден екінші түрге өзгерту тәсілдерін біледі. Балқу және қатаю кезіндегі молекулалар арасындағы өзгерістерді түсінеді; Қатты денелердің балқуы мен қатаюын зерттей алады; Топта пікірлесуге, сыни тұрғыдан ойлай білуге, пікірін айта білуге, жұппен жұмыс жасай білуге, өзін-өзі бағалауға, өзгені тыңдай білуге үйренеді.
Негізгі идеялар	Заттың агрегаттық күйлерінің қасиеттері, агрегаттық күйдің өзгеру жағдайлары, балқу және қатаю температуралары, балқу және қатаюдың практикада қолданылуы.
Тапсырмалар	Электрондық оқулықта берілген видеолар арқылы құбылыстарды түсіндіріп, сұрақтарға жауап береді. «Джигсо» әдісі арқылы топтық жұмыс өтеді. Берілген мәтінді оқып,топпен бірлесе отырып талқылайды және әр топтың бақылаушысы жасаған жұмыстарға сәйкес бақылау парағын жүргізеді.

I.Ұйымдастыру кезеңі

Сынып оқушыларына жағымды ахуал туғызу.

«Еркелету» атты әдіспен оқушылар ата-аналарың өздеріне айтатын еркелету сөздерін досына айтады.

Топқа бөлу. Қағазға жазылған қатты, сұйық және газ күйіндегі зат атаулары бойынша үш топқа бөлінеді.

I топ «Қатты денелер »

II топ «Сұйықтар»

III топ «Газдар»

II. Үй тапсырмасын сұрау «Бұл қай құбылыс?»

Электрондық оқулықтағы №2,4,5 видеолар көрсетіледі. Сол бойынша құбылыстарды түсіндіріп, сұрақтарға жауап береді.

III. Топтық жұмыс «Джигсо» әдісі

Әр топ 5 рөлді : көшбасшы,баяндамашы,хатшы,уақыт сақшысы және бақылаушыларды анықтайды. Жұмыс төмендегі жоспармен жүреді:

Берілген мәтінді оқып, топпен бірлесе отырып талқылайды, постер қорғайды және әр топтың бақылаушысы жасаған жұмыстарға сәйкес бағалау парағын жүргізеді.

I топ: Молекулалардың орналасуы.

II топ: Балқу және қатаю.

III топ: Аморфты денелер.

IV. Жеке жұмыс

Деңгей	Сұрақ	Оқушы жауабы
Білу	1. Затты қатты күйден сұйық күйге айналдыру үшін ......... 2. Заттың балқу және қатаю температуралары.............	1. температурасын арттыру керек. 2. тең болады.
Түсіну	Заттың агрегаттық күйін өзгерту тәсілдері.	Атмосфералық қысымдағы газ молекулаларының арақашықтығы, молекулалардың өздерінің өлшемдерінен анағұрлым үлкен. Осыған байланысты молекулалар арасындағы тартылыс күші аз. Сұйық және қатты денелердің молекулалары бір-біріне анағұрлым жақын орналасқандықтан, олардың арасында тартылыс күші басым болады. Затты бір агрегаттық күйден екіншіге көшіру үшін энергия беру керек , не болмаса энергияны алу керек. Қатты күйден сұйық күйге өзгерту үшін энергия беру керек, ал сұйық күйден қатты күйге өзгерту үшін энергия алу керек.
Талдау	Металлургияда және электр станцияларында алатын орны.	Металлургияда әртүрлі қоспалар алу үшін, көлік бөлшектерін, ыдыстар мен түрді бұйымдар жасау үшін металдарды балқытады. Электр станцияларының бу турбиналарында суды қыздырып, алынған буды пайдаланады.
Қолдану	Суретті түсіндіріңдер.	Егер кристалдың, мысалы қардың еруін бақылап, температурасын өлшесек, онда алдымен заттың алдымен белгілі бір температураға дейін қызатынын байқаймыз. Содан кейін температура біршама уақыт бойы өзгермейді. Бұл уақыт ішінде зат балқиды және тек толық балқып болғаннан кейін ғана температурасы қайтадан көтеріле бастайды.
Бағалау		Әр топ басқа топты белсенділігі, тапсырманы орындауы және сөйлеу мәдениеті сияқты критерийлер бойынша бағалайды.

Топтар бір-бірін критерийлер арқылы бағалайды.

V. Кері байланыс (не үйрендім, не қиын болды, сұрақ)

VI. Үйге тапсырма: § 13; Судың мұзға, мұздың суға айналуын зерттеп, уақытын есептеу.

жүктеу 89,09 Kb.

Достарыңызбен бөлісу: