-тәжірибе. Химиялық тепе-теңдік және оның ығысуы. Тепе-теңдіктің ығысуына концентрацияның әсері

Төрт сынауықтың әрқайсысына жеке-жеке әуелі темір(ІІІ) хлориді ерітіндісінің, кейін калий роданиді KSCN немесе аммоний роданиді NH₄SCN ерітіндісінің 5-6 тамшысын енгізіңіз де, ақырын шайқап араластырыңыз. Бәрін штативке орналастырыңыз. Ерітіндіде қайтымды реакция орын алады:

FeCl₃+3KSCNFe(SCN)₃+3KCl

Ерітіндінің қызыл түске боялуы темір(ІІІ) родандидінің түзілуіне байланысты /бұл-Fe³⁺ ионының сапалық реакцияларының бірі/. Түсінің өзгеруіне қарап, реакция тепе-теңдігінің қай бағытқа ығысуын анықтауға болады.

Төртінші сынауықтың түс өзгеруін салыстыру үшін штативке қалдырып, біріншсіне темір(ІІІ) хлоридінің, екіншісіне-калий немесе аммоний роданидінің, үшіншісіне-калий хлоридінің бірнеше кристалдарын енгізіңіз де араластырыңыз. Әр бір пробиркадағы қызыл түстің өзгеруін қоюлану немесе бозаң тартуын байқаңыз. Осы түстердегі бақылауға қалдырылған сынауықтағы түспен салыстырыңыз.

Берілген қайтымды процестің тепе-теңдік тұрақтысының математикалық өрнегін \формуласын\ жазыңыз.

Аталған заттарды қосқанда:

А) темір(ІІІ) хлоридін;

Б) калий немесе аммоний роданидін;

В) калий хлоридін

Қайтымды реакциялардың бағыты қай жаққа ығысады және әрбір сыңардың \компоненттің\ кейінгі концентрациясы тепе-теңдік кезіндегі конценрацияларымен салыстырғанда қалай өзгереді?