-ші міндет бойынша қол жеткізу жолдары (2014-2015 ж.ж.)

Қазақстан Республикасының агроөнеркәсіп кешені субъектілірінің бәсекеге қабілеттілігін арттыру бойынша АӨК-нін дамытудың 2013-2020 жылдарға арналған «Агробизнесс-2020» Бағдарламасы әзірленді, ол екі кезеңде іске асырылады: 1-кезең (2013-2015 жылдар) АӨК-і субъектілерін қайта құрылымдау жолымен қаржылық сауықтыру, қайта қаржыландыру, сондай-ақ АӨК-і субъектілерін қаржыландыру, инвестициялық және пилоттық жобалардың пулын қалыптастыру, өсімдік шаруашылығына, мал шаруашылығына және ауыл шаруашылығы өнімдерін қайта өңдеуге енгізу үшін прогрессивті агротехнологиялар пулын қалыптастыру; 2-кезең (2016-2020 жылдар) - ауыл шаруашылығы өнімдерінің өндіріс көлемін кеңейту, барлық негізгі тамақ өнімдері бойынша Қазақстанның импортқа тәуелділігін азайту, экспорттық әлеуетті жүзеге асыру, еңбек өнімділігін ұлғайту, ҚР АӨК-нің өндірістік және қайта өңдеу салаларының әлеуетін игеру.

Ауыл шаруашылығы өндірісін субсидиялау Табиғи-климаттық жағдайды және сату нарығы мен өңірлерді дамыту келешегінің бар болуын есепке ала отырып, ауыл шаруашылығының нақты өнімдерінің түрлерін өндіру үшін ауыл шаруашылығының пайдалы жерлерін оңтайлы пайдалану бойынша өңірлерді мамандандыру схемасына 2017 жылдан бастап 2019 жылға дейін 50%-ға, 2020 жылдан бастап - Схемаға толық сәйкес келтірілетін болады.

Мал басы сапасын жақсарту жұмыстарын үйлестіру, аймақта мал шаруашылығының тиімділігін арттыру және экспортқа шығарылатын ет өнімдерінің сапасына бақылау жасау үшін облыста МІҚ ақпараттық-талдау жүйесі (АТЖ) енгізілетін болады.

2014 жылы индустриаландыру Картасының аясында «Мын-Арал Компаниясы» ЖШС – балық өндеу бойынша зауытын қайта құру, «Оңтүстік Халал Тағамдары» ЖШС – Халал стандартына сай ет өнімдері өндірісін құру инвестициялық жобаларын іске асыру жоспарлануда.

Ауыл шаруашылығы саласында 2014 жылы «ҚазАгро»ҰБХ» АҚ-на ұсыну үшін жалпы сомасы 2,0 млрд. теңгеге жуық 8 жоба әзірленді (дәнді тереңдете өңдеу бойынша, жылыжай кешенін құру бойынша, су үнемдеу технологиясы, 2 - су үнемдеу технологиясы және 3 сүт-тауарлы фермасын енгізу). Аталған жобаларды іске асыру нәтижесінде қосымша 310 тонна сиыр етін, 3,5 мың тонна құс етін, 11 мың тонна сүт және 5 мың тонна көкөніс өнімдерін алуға болады, бұл 2015 жылы ет өңдеу үлесін 34%-ға, сүтті - 46%-ға, жеміс және көкөністі - 8%-ға артыруға мүмкіндік береді.

Келесі шараларды өткізу жоспарлануда:

1) 2010-2014 жылдарға арналған үдемелі индустриялдық-инновациялық дамытудың мемлекеттік бағдарламасы шеңберінде жаңа инвестициялық жобаларды, сондай-ақ «Бизнестің жол картасы-2020» бағдарламасы аясында өндірісті модернизациялауға және кеңейтуге бағытталған жобаларды қолдау;

2) бизнес үшін әкімшілік кедергілерді қысқарту бойынша өңірлік үйлестіру кеңесінің жүйелі жұмысын жалғастыру;

3) нормативтік құқықтық базаны жетілдіру бойынша ұсыныстар әзірлеу;

4) кәсіпкерлік субъектілерін қаржылық даму институттарының қаржылары есебінен несиелеу;

5) кәсіпкерлер форумдарын, отандық тауар өндірушілер жәрмеңкелерін өткізу;

6) кәсіпкерлермен түсіндіру семинарларын, тренингтер, дөңгелек үстелдер өткізу, шағын және орта кәсіпкерлік субъектілері үшін буклеттер және әдістемелік құралдар шығару;

7) жаңа кәсіпкерлерді тарту мақсатында өңірлік нарықтар, тауарлар мен қызметтерге сұраныстар туралы ақпарат жинауды, талдауды және жариялауды ұйымдастыру.

2-ші міндет бойынша қол жеткізу жолдары (2014-2015 ж.ж.): Өткеру нарығын кеңейтуге және отандық тауар өндірушілер өнімін жылжытуға ықпал ету, шекара маңы саудасын, сауда инфрақұрылымын дамыту жөнінде шаралар қамтамасыз етіледі. 2014 жылы аумағы 5000 шаршы м - «Дав-Мир», аумағы 13800 шаршы м - «Дос-Нар», 2015-2017 жылдары аумағы шамамен 30000 шаршы м - «Тараз-Мол» және әр қайсысы 3000 шаршы метрлік екі жеке сауда кешендерінің ашылуы көзделуде.
Мақсат 4.1.5.: Инвестицияны тарту арқылы инновацияны дамыту және технологиялық жетілдіруге ықпал ету

Мемлекеттік және жергілікті бюджеттердің әлеуметтік секторды (білім, денсаулық сақтау және спорт) дамытуға, тұрғын үй-коммуналдық шаруашылыққа және ағынды суларды тазартуды қосқанда экологиялық қауіпсіздік проблемаларын шешуге бағытталған шығыстары ішкі сұраныстың көзі және облыс экономикасындағы инвестициялық белсенділікті қолдаудың жолы болып табылады. 2014 жылы оларды дамытуға арналған мемлекеттік бюджеттің шығыстары 44,7 млрд. теңгені құрап, 2011 жылмен салыстырғанда 25,7%-ға артты, жергілікті бюджеттікі – 13,5 млрд.теңге құрап, 14,9%-ға өсті.

ҮИИДМБ аясында жаңа өнеркәсіптік өндірістерді құруға инвестициялар тартылмақ: 2014 жылы – 25,4 млрд. теңге, 2015-2018 жылдары – 471,3 млрд. теңге.

2-ші міндет бойынша қол жеткізу жолдары (2014-2015 ж.ж.):

Тауарларды, жұмыстар мен қызмет көрсетуді сатып алудағы жергілікті үлесті арттыру мақсатында облысымызда келесі жұмыстар жүргізіледі:

- облыстың тауар өндірушілерінің өндіретін тауарларының каталогын жаңартып, «NADLoC» АҚ және облыс әкімдігінің сайттарына орналастыру;

- импорт алмастыратын өнімдерді шығаруға бағытталған жаңа өндірістерді ашу және жұмыс істейтін өндірістерді кеңейту бойынша жобаларды жүзеге асыруға ықпал ету;

- облыстағы мемлекеттік мекемелер мен жүйе құраушы кәсіпорындарда тауарлар, жұмыстар және қызметтерді сатып алудың ай сайынғы мониторингін жүргізу.
БАҒЫТ 4.2. «Әлеуметтік саланы дамыту және халықтың өмір сүру сапасының деңгейін арттыру, тұрақтылықты және қауіпсіздікті қамтамасыз ету»
Мақсат 4.2.1.: Білім берудің қол жетімділігін және сапасын қамтамасыз ету, балалардың құқығын және заңды мүдделерін қорғау жүйесінің тиімділігін арттыру

Тараз қаласы әкімдігінің білім бөлімдерімен 2014-2015 оқу жылына қажет 250, ал 2015-2016 оқу жылына қажет 260 педагог мамандарымен қамтамасыз етуге тапсырыс берілді, оның ішінде 120 педагог ауылдық өңірлерге жіберілетін болады.

2014-2015 жылдары жаңа тұрғыдағы педагогтарды қалыптастыру мақсатында үш айлық жаңа форматтағы курстарда 2200 педагогтың біліктілігін жоғарылату жоспарланып отыр.

Шығармашылық белсенділікті ынталандыруға, мұғалім мамандығының деңгейін жоғарылатуға, дарынды педагогтарды анықтауға, облыстың жалпы білім беру мектептерінің жақсы мұғалімдерінің және қосымша білім беру мекемелері педагогтарының жұмыс тәжірибесін таратуға ерекше назар аударылатын болады.

Табиғи-математикалық пәндер бойынша білім беру бағдарламаларын табысты меңгерген оқушылар үлесі өсімін қамтамасыз ету мақсатында:

- мектептерге күрделі және ағымдағы жөндеу жұмыстарын жүргізу, апатты және үш ауысымда оқитын мектептер орнына жаңа мактептер құрылысы. 2014 жылы апатты жағдайдағы 5 мектептің орнына жаңасын тұрғызу, 2015 жылы 11 апатты мектептің және үш ауысымдық 1 мектептің мәселелері шешілетін болады.

- облыстың ауылдық өңірлерінде жыл сайын екі мектептен төрт тірек мектептер ашылатын болады.

- мектептерді жаңа модификациядағы кабинеттермен қамтамасыз ету. 2014 жылы 161 комплект сатып алу, 2015 жылы – 59 физика, химия, биология, сондай-ақ лингофондық және мультимедиялық кабинеттер сатып алу қарастырылып отыр.

• 
  табиғи-математикалық пәндер бойынша «Үздік мұғалім» конкурсын ұйымдастыру және өткізу, сондай-ақ үздік мұғалімдерге Әкімнің грантын беру. Республикалық «Дарынды балаларға дарынды мұғалім» конкурсына дайындалу және қатысу.
  

- облыста жетім балаларды, ата-аналарының қарауысыз қалған балаларды жұмысқа орналастыру және тұрғын үймен қамтамасыз ету жөніндегі кешенді шараларды жүзеге асыру бойынша бекітілген іс-шаралар жоспарының шеңберінде 2013 жылы К.Сарымолдаев және В.Савва атындағы балалар үйінің 84 түлегі тұрғын үймен қастамасыз етілді.

- 2012 жылдан бері ата-аналарының қарауысыз қалған жетім балаларға бастапқы, өңірлік есеп жүргізілуде, тұрғын үй алуға кезекке тұру жұмысы жүйелендірілген. 2014 жылы 656 жетім бала кезекте тұр.

- СӨС, «Босау-оңтүстік» және «Болашақ» ҮЕҰ-мен біріге отырып, кәмелетке толмағандар арасында құқықбұзушылықтың, қадағалаусыз қалудың алдын-алу, салауатты өмір салтын насихаттау, жасөспірімдердің құқықтық сауаттылықтарын арттыру

- жыл сайын білім мекемелерімен «Біз – Қазақстан сенің балаларыңбыз!», Біз жаңа әлемде тұрамыз!», «Мектепке жол», «Ризашылык», «Отбасы және мектеп» атты акциялар өткізіліп тұрады. Құқық қорғау мекемелерімен бірлесіп, «Жасөспірім - заң - қауіпсіздік», «Мен және менің полиция қызметкерім», «ең қиын балалар еңбегімен күрескен 12 күн» атты акциялар өткізілуде.

Қолайсыз отбасылар (облыс бойынша 01.06 2014 ж. – 802) ата-аналар қауымдастығының қатысуымен жұмыс жүргізіп, жасөспірім балалардың құқықтық сауаттылығын арттыру, еңбек және тұрмыстық жағдай, қиын өмірлік жағдайдағы кәмелетке толмаған балаларға басқа да көмек көрсету жөнінде түсіндіру жұмыстары жүргізілуде.

2016 жыл басына инклюзивті білім беретін мектептер үлесін 30% дейін жеткізу қарастырылған, немесе 136 мектептерде дамуда мүмкіндігі шектеулі балаларға жағдай жасалатын болады. Осы шараларды жүзеге асыру мақсатында келесі жұмыстарды жүргізу қарастырылуда:

- жергілікті атқарушы органдармен бірлесіп, кедергісіз жағдайлар жасалған орташа білім беру мекемелерінің санын арттыру бойынша жұмыс жүргізу;

- 2014 жылы Шу, Т.Рысқұлов және Талас аудандарында 3 түзету және инклюзивтік білім беретін кабинеттер, сондай-ақ Тараз қаласындағы №6 және №18 орта мектептерде 1 түзету және инклюзивтік білім беретін кабинет, 2 логопедтік пункт ашу;

- 2015 жылы Тараз қаласындағы №14, №28 және №38 мектептерінде 6 логопедтік пункт, Қордай, Талас, Шу аудандарының бала бақшаларында 3 логопедтік пункт ашу жоспарлануда.

4.2.1.4. міндеті бойынша қол жеткізу жолдары: Мектепке дейінгі мекемелер желісін ұлғайту және көрсетіліп жатқан мектепке дейінгі білім беру қызметінің сапасын жақсарту (2014-2015 ж.ж.):

«Балапан» бағдарламасын іске асыру шеңберінде мектепке дейінгі мекемелер желісін ұлғайту және көрсетіліп жатқан мектепке дейінгі білім беру қызметінің сапасын жақсарту мақсатында келесі шараларды іске асыру қарастырылуда:

2014 жылы мектепке дейінгі мекемелер желісі 3370 орындық 21 бірлікке кеңейеді. 2014 жылғы 1 маусымдағы жағдайға 780 орындық 6 мектепке дейінгі мекемелерге (4 бала бақша, 2 шағын орталық) кеңейді. 2014 жыл соңына дейін тағы да 2590 орындық 15 мекеме ашылатын болады, оның ішінде:

1) 1680 орындық 7 бала бақша құрылысы есебінен. 5 бала бақша құрылысы (Жуалы ауданы Б. Момышұлы ауылы, Т.Рысқұлов ауданы Луговой стансасы, Қордай ауданы Сортөбе ауылы, Шу ауданы Төле би ауылы мен и Шу қаласы) республикалық бюджет қаржысы есебінен, 2 бала бақша құрылысы (Мойынқұм ауданы Шығанақ ауылы және Меркі ауданы Андас батыр ауылы) жергілікті бюджет қаржысы есебінен жүргізілуде.

2) Талас ауданында 150 орындық жекешелендірілген ғимаратты қайтару есебінен;

3) 810 орындық 5 ғимаратты: Тараз қ. – 420 орындық 2, Сарысу ауданында – 50 орындық 1, Меркі ауданында – 90 орындық 1, Шу ауданында 100 орындық 1 ғимаратты мектепке дейінгі мекемелер ашуға өткізу есебінен;

4) Сарысу ауданында 100 орындық 2 шағын орталық ашу есебінен.

2015 жылы мектепке дейінгі мекемелердің желісі 1190 орындық 13 бірлікке ұлғаяды:

1) Меркі ауданында 140 орындық бала бақша құрылысы жергілікті бюджет қаржысы есебінен іске асыру;

2) 180 орындық 3 жеке меншік мектепке дейінгі мекеменің: Жамбыл ауданында 100 орындық 2 және Тараз қаласында 80 орындық 1 мекеменің ашылуы;

3) Тараз қаласындағы 280 орындық жекешелендірілген ғимараттың қайтарылуы;

4) Байзақ ауданында 75 орындық, Жуалы ауданында 250 орындық 3 ғимаратты өткізу есебінен 290 орындық 4 мектепке дейінгі мекеменің ашылуы;

5) Байзақ ауданында 25 орындық, Т.Рысқұлов ауданында 50 орындық, Сарысу ауданында 25 орындық, Шу ауданында - 50 орындық, барлығы 150 орындық 4 шағын орталықтың ашылуы;

6) 150 орындық әрекеттегі балаларға арналған мектепке дейінгі мекемелерде қосымша топтардың ашылуы есебінен.

2014-2015 жылдары мектепке дейінгі мекемелер желісі 4035 орындық 34 бірлікке ұлғаятын болады. Барлығы мектепке дейінгң мекемелердегі жаңа ашылатын қосымша топтармен қоса есептегенде 4560 орындық мекеме ашылады.
4.2.1.5. міндеті бойынша қол жеткізу жолдары: Бәсекеге қабілетті кадрларды сапалы даярлау үшін жағдай жасау (2014-2015 ж.ж.):

Бәсекеге қабілетті кадрларды сапалы даярлау үшін жағдай жасау мақсатында:

- Тараз қаласындағы 100 орындық жатаханасымен бірге 600 орындық кәсіби техникалық лицей құрылысын аяқтау;

- колледж санын ұлғайту, сондай-ақ оқушылар санан арттыру;

- өнеркәсіп кәсіпорындарының өндірістік базасында техникалық және кәсіби білім беретін педагог мамандардың біліктілігін жоғарылату;

- 2014-2015 жылы облыстағы 4 колледждің 56 мұғалімдерін (Жамбыл политехникалық, Қаратау гуманитарлық-техникалық, Қордай және Құлан ауыл шаруашылық) арнайы дисциплиналар бойынша Ресейде, Белорусияда, Германияда «Техникалық және кәсіби білімді жаңғырту» гранттарына сәйкес оқыту;

- 2014-2015 жылы гранттың 70% техникалық және ауыл шаруашылық мамандықтар үшін өндірістік-оқыту жабдықтарын сатып алуға жұмсалады;

- өндірістік кәсіпорындарда өндірістік тәжірибе базасын құру қарастырылып отыр.