Бағыт. Аудан экономикасын дамыту

1 Бағыт. Аудан экономикасын дамыту

Мақсат: Өңдеуші саланың дамуын, қосымша құны жоғары дайын өнімдерді сыртқы нарыққа экспорттауды және инновациялық кәсіпкерлік үшін қолайлы жағдай жасауды қамтамасыз ететін деңгейде қалыптастыру.

Мақсат: Ауданда өнеркәсіп өндірісінің көлемін арттыру және бәсекеге қабілетті өнім өндіру.

Мақсаттар мен міндеттерге қол жеткізу жолдары:

Қазақстан Республикасында 2010-2014 жылдарға арналған үдемелі индустриялық-инновациялық даму бойынша мемлекеттік бағдарлама аясында өңірлік деңгейде инвестициялық жобаларды іске асыру;

Қазақстан Республикасында 2010-2014 жылдарға арналған үдемелі индустриялық-инновациялық даму бойынша мемлекеттік бағдарлама аясында іске асырылған жобалардың қуаттылығын арттыру;

Өнеркәсіп салаларын тиімді дамыту бойынша шаралар қабылдау;

Өңдеу өнеркәсібінде қайта құрылған өндірісті мониторингілеу;

Ықтимал инвесторды іздестіру мақсатында қаржыландыруды қажет ететін инвестициялық жобаларының тізімін сайтқа енгізу;

инвестициялық жобаларды қаржыландыру тәртібі, жобалар бойынша шешім қабылдауға қажетті құжаттарды дайындау бойынша түсіндірме жұмыстарын жүргізу;

Мақсаттар мен міндеттерге қол жеткізу жолдары:

«Қызылорда» ӘКК» АҚ және «Каз-Агро» ҰБХ» АҚ құрылымы арқылы қаржыландыру есебінен сервистік-дайындау орталықтарын және басқа да инфрақұрылым нысандарын құру, агоөнеркәсіп кешені үшін ауылдық тұтыну кооперативтерін тарту;

Агроөнеркәсіп кешенінің келесідей жобаларын қоса қаржыландыру мүмкіндіктерін қарастыру:

балық кластерін құру және дамыту;

Ауданда сервистік дайындау орталықтарын құру және дамыту;

өсімдік шаруашылығы бойынша жобаларды іске асыру- картоп, пияз, сәбіз өндіру, мал азығындық дақылдарды өсіру;

бордақылау алаңдарын және мал сою цехтарын құру.

Фермерлерді заманауи өңдеу технологияларын қолдануға ынталандыру;

Басымдық дақылдар өндірісінің агротехникалық циклын қамтамасыз ету;

Қолда бар жер ресурстарының ахуалына арнаулы қызметтердің (агрохимзертхана т.б.) бағалауын жүргізу;

Айдалған-жарамды және жайылымдық алқаптарды бастапқы өңдеу және одан әрі пайдалану үшін техникалық шаралар өткізу;

Фермерлердің мал азықтық дақылдар, тыңайтқыштар, ауыл шаруашылық техникасын жаңалауына жеңілдетілген несие беру және субсидиялау;

Аяқ суды үнемдеу мақсатында майлы және суды аз қажет ететін дақылдар алқабын ұлғайту арқылы егін алаңдарын оңтайландыру;

Күріш өнімділігін арттыру мақсатында күріштің жоғарғы сорттарын аудандастыру бойынша жұмыстарды жалғастыру;

Суармалы жайылымдықтарды ауыл шаруашылығына тарту үшін суармалы имараттарды қайта қалпына келтіру;

Фермерлердің азықтық дақылдарды өсіру және дайындауға өтуін ынталандыру (бірінші дәрежелі шырынды азықтар тәрізді);

Фермерлерлік шаруашылық пен кооперативтердің лизингтік құрылымды жетілдіру және қажетті жабдықтарды сатып алуға қол жеткізуді арттыру жолымен ауыл шаруашылығы техникаларын жаңартуын ынталандыру;

Суармалы жерлерді кеңейту, оның ішінде тамшылатып суару жүйесін енгізу арқылы;

Мал шаруашылығы саласындағы мамандар санын арттыру үшін жағдай жасау (ғылыми байланыстар орнату, оқытуды қаржыландыру, гранттар бөлу);

Мал шаруашылығы өнімдерін өндірушілерді, оның ішінде бордақылау алаңдары мен асыл тұқымды мал шаруашылықтарын субсидиялауды жалғастыру;

Мемлекеттік ветеринарлық ұйымдарды материалдық-техникалық жарақтандыру;

Аналық мүйізді ірі қара мал басын көбейту үшін асыл тұқымды шаруашылықтардың жұмысын жандандыру;

Ауданда тауарлы-балық шаруашылығын дамыту.

Мақсат: Шағын және орта кәсіпкерліктің тиімді қызметін қамтамасыз ететін нарықтық инфрақұрылымды дамыту.

Мақсаттар мен міндеттерге қол жеткізу жолдары:

еркін бәсекелестікті дамыту және тауар және қызмет нарығында тең болуын қамтамасыз ету үшін бизнестің экономикалық белсенділігінің өсуіне жағдай жасау;

бизнеске әкімшілік кедергілерді қысқарту бойынша өңірлік үйлестіру кеңесінің жүйелі жұмыстарын жалғастыру;

кәсіпкерлермен түсіндіру семинарлары, тренингтер, «дөңгелек үстелдер» өткізу, шағын және орта кәсіпкерлік субьектілеріне арнап, бүктемелер және әдістемелік көрсеткіштер шығару;

«Бизнестің жол картасы-2020» бағдарламасы аясында жаңа инвестициялық жобалардың жүзеге асыру;

кәсіпкерлік субьектілерін қаржыландыру институттарының қаражаттары есебінен несиелендіруді дамыту;

жаңа кәсіпкерлерді тарту мақсатында тауар және қызметтерге деген қажеттіктері өңірлік нарықтар жайлы ақпараттарды жинау, талдау және жариялауды ұйымдастыру;

жергілікті мемлекеттік басқару мекемелері қызметінің негізгі рәсімінің жариялануын және қызметінің нәтижесін қосқанда ақпараттық тазалығын арттыру;

облыстағы қаржы институттары «НҰҚ «Қаз Агро»АҚ, «Даму»АҚ кәсіпкерлік қорларының дамуы арқылы шағын бизнестің басым жобаларының одан әрі тұрақты несиелендірілуін қамтамасыз ету.

шағын кәсіпкерлік субьектілерінің несиелік қорларға қол жетімділігін жоғарылату мақсатында ауылдық несиелік серіктестік жүйелерінің және микрокредиттік ұйымдар желісін дамыту;

«Бизнестің жол картасы-2020» бағдарламасы аясында, экономиканың шикізаттық емес басымдылық секторларында жұмыс жасайтын шағын және орта бизнестің кәсіпорындарына қолдау көрсету;

Халық қолөнері бойынша мамандарды даярлау орталығын құру мәселесін пысықтау;

Қызылорда қаласында индустриалды аймақтың (1000 га) және өнеркәсіп алаңының (44 га) дамуы;

облыста жаңа өндерістерді құру ынтымақтастығы мәселелері бойынша, инвестициялық ахуалды жақсарту, жарнамалық-ақпараттық мақалалар шығару, аймақтың инвестициялық тартымдылығы бойынша брошюра шығару мәселелері бойынша аймақтық инвестициялық форумдар, көрмелер, бизнес-кездесулер өткізу.
Инновациялар мен инвестициялар

Мақсат: Инвестициялық ахуалды заманауи технологияларды қолдана отырып, қолданыстағы өндірістерді кеңейту және жаңарту арқылы және қолданыстағы инновациялық өндірістерді сақтау және жаңадан өндірістерді ашу арқылы жақсарту

Мақсаттар мен міндеттерге қол жеткізу жолдары:

ауданда жаңа өндіріс орындарын құруға арналған инвестициялық жобаларды, кәсіпорындарды жетілдіру және қайта жарақтауды іске асыру бойынша ықпал ету;

технологиялық инновацияларды шығарушы және өңдеуші секторда, электр қуатын, газ және су шығаруды және таратуды жүзеге асыратын кәсіпорындардың үлес салмағын ұлғайту мақсатында инвестициялық преференцияларды ұсыну бойынша ықпал ету;

инновациялық ойларды жүзеге асыру үшін ғылыми зерттеулерде заманауи әдістерді енгізу;

мемлекеттің қатысуымен басымдылық жобаларға жеке қаржы институттарын тартуды қарастыратын мемлекеттік-жеке әріптестік моделін қолдану;

жеке инвесторларды тарту мақсатында инвестициялық жобаларға концессиялық ұсыныстарды дайындау бойынша жұмыстар жүргізу;

тауар сатып алу, жұмыс жасау және қызмет көрсетудің қазақстандық мазмұн бойынша өзара ынтымақтастық туралы келісім-шарттар жасау;

аудандық тауар өндірушілерімен қазақстандық мазмұнды дамыту тетігі туралы семинар өткізу.

ІІ Бағыт. Әлеуметтік даму

Білім

Мақсат: Білім беру сапасын, қол жетімділігін жақсарту және балалар құқығы және заңды мүдделерін қорғау жүйесінің тиімділігін жоғарылату

Мақсаттар мен міндеттерге қол жеткізу жолдары:

мектепке дейінгі ұйымдар санын көбейту және мектепке дейінгі білім беруде ұсынылатын қызмет сапасын жақсарту;

жалпы білім беретін мектептер жанынан шағын орталықтар ашу, қазіргі заманға сай жаңа балабақшалар салу, бұрынғы балабақшалар орындарын қалпына келтіру мен қайтару есебінен балаларды қамтуды арттыру;

балабақшалар құрылысын салу және шағын орталықтар ашу;

мектеп-балабақша кешені құрылысын салу;

жаңа модификациялы кабинеттер алу;

сапалы әрі теңгерімді ыстық тамақпен қамтамасыз ету;

оқушыларға көлік тасымалын ұйымдастыру;

бәсекеге қабілетті сапалы мамандар дайындауға жағдай жасау;

техникалық және кәсіби білім беру оқу орындарын зертхана, оқу-өндірістік шеберханалармен жабдықтау үшін заманауи құрал-жабдықтар алу;

мамандар дайындауды қаржыландыру бойынша жұмыс берушімен келісімге отыру, әлеуметтік әріптестікті дамыту;

техникалық және кәсіби білім беру ұйымдарында оқитындарға әлеуметтік көмек көрсету.
Денсаулық сақтау.

Мақсат Медициналық көмектің тиімді жүйесін қалыптастыру

Мақсаттар мен міндеттерге қол жеткізу жолдары:

Ауданның орта медициналық персонал мамандарының біліктілігін арттыру және қайта даярлау;

Оқыту жоспарына сәйкес, ел ішінде дәрігерлердің біліктілігін арттыру және қайта даярлау;

Жалпы практикалық дәрігерлерді даярлау және оларды мамандықтарына қарай жұмыспен қамту;

Ауылдық жерлерге барған жас мамандарды әлеуметтік пакеттермен қамтамасыз ету (тұрғын үй, көтермелеу жәрдемақы);

«Фармация» БК қаржысы есебінен медицина мекемелерінің тапсырысына сәйкес емдік препараттар Бірыңғай дистрибьютерлік жүйе арқылы сатып алу;

Медицина мекемелерінде дәрігерлік құралдар есебін жасайтын автоматтандырылған бағдарлама ендіру;

Халықаралық денсаулық сақтау ұйымы тарапынан ұсынылған Халықаралық бағдарламаларды енгізу: «Әйелдерді қауіпсіз жүктілікпен қамтамасыз ету», «Бала жастан ауруларды интегралды жүргізу»;

Медицина мекемелерін материалдық-техникалық жабдықтау үшін санитарлық автокөлік құралдарын және медициналық жабдықтар сатып алып беру;

Денсаулық сақтау мекемелерін күрделі жөндеуден өткізу;

Ауданның ауылдық елді мекендерінде медицина пункттері ғимараттарының құрылысын салу немесе сатып алу;

Медицина мекемелері қызметтеріне мониторинг жүргізіп, статистикалық қадағалау мақсатында нақты әр уақытылы медицина-статистикалық, қаржы-экономикалық мәліметтер беру үшін жинақтау және өңдеу, сақтау және талдау және өзге де мәліметтерді ұйымдастыру және ұсыну;

Мақсаттық тұрғындар топтарын профилактикалық қарау және скринингтік зерттеулер жүргізу;

Амбулаториялық деңгейде жекелеген категориялы тұрғындарды емдік тағамдармен қоса дәрілік құралдармен және балаларға арнайы дайындалған тамақтармен қамтамасыз ету;

Жүкті әйелдерді ана қауіпсіздігі принциптеріне, ана сүтімен қоректендірудің артықшылығы туралы насихаттау;

Азаматтардың денсаулықтарын жақсарту мақсатында тұрғындарға арнайы емдік-диагностикалық, психикалық, сауықтыру көмектерін көрсету;

Халықты кезек күттірмейтін, тәулік бойына жедел көмек көрсететін білікті жедел қызметпен қамтамасыз ету;

Жекелеген категориялы азаматтарға кепілдендірілген тегін тіс көмегін көрсету;

Балалардағы пневмониямен ЖРВИ-дің алдын алу бойынша санитарлық-ағарту жұмыстарын жүргізу;

ауру профилактикасы, гигиеналық тәрбиелеу, жағымсыз факторлардың әсер етуін ескерту бойынша оқыту бағдарламаларын даярлау, сондай-ақ ұйымдастырушылық-әдістемелік жұмыстарын өткізу;

фертильдік жастағы әйелдерді контрацептермен (жүкті болдырмауға арналған құралдармен) қамтамасыз ету;

халықты медициналық иммундық биологиялық препараттармен және өзге де вакциналармен қамтамасыз етіп, жұқпалы ауруларды төмендету және профилактика жасау;

халықты сапалы қан препараттарымен қамтамасыз ету;

жетім балалардың, сондай-ақ, ата-анасының қамқорлығынсыз қалған балаларды тәрбиелеу, сауықтыру және денсаулықтарын нығайту;

шалғай ауылдардағы азаматтардың емделуі үшін тегін жолақымен қамтамасыз ету;

жұмылдыру дайындығымен қамтамасыз ету бойынша денсаулық сақтау мекемелері мен кәсіпорындарына облыс көлемінде әдістемелік және практикалық көмек көрсету;

Арал ауданындағы жедел жәрдем көрсету бөлімшесінде қосымша 1 бригада ашу;

әскери қызметке шақырылу және қосылу кезінде азаматтарды медициналық куәландыру;

ауылдық жерлерге практикалық және оқу-әдістемелік көмек көрсету үшін облыс орталығындағы медицина ұйымдары қатарынан шығу бригадаларын жасақтау.

Мақсат: Арал ауданы халқының ахуалын және өмір деңгейін арттыру

Мақсаттар мен міндеттерге қол жеткізу жолдары:

«Дана Фирмасы» ЖШС-ның кварц құмын құрғақ байытуға арналған «Дана» байыту фабрикасының құрылысы (200 жұмыс орыны) жобасын іске асыру;

Жұмыссыз азаматтарды жұмыспен қамту мәселесі бойынша халыққа кеңес беру жұмыстарын ұйымдастыру;

Жұмысқа орналасуға және таңдауға ықпал ету;

Әлеуметтік жұмыс орындарын құру жолымен халықтың мақсаттық топтарының қамтылуына және жоғарыда көрсетілген санаттағыларды бірінші кезекте ағымдық вакантты және бос жұмыс орындарына орналастыру шараларын жасау;

Қоғамдық жұмыстар ұйымдастыру;.

Әлеуметтiк жұмыс орындарын ұйымдастыру;

Азаматтар мен жұмыссыздарға кәсіби бағдар бойынша тегін қызмет көрсету;

Бос жұмыс орындар жәрмеңкелерiн ұйымдастыру және өткiзу.

Еңбек нарығының қажеттілігіне сай жұмыссыздарды кәсіби дайындауға, қайта даярлауға, біліктілігін арттыру және кадрлар даярлауға лицензиясы бар оқу орындарын таңдай отырып, оларды еңбекпен қамтуға ықпал ету, жұмыссыздар ішінен оқу топтарын қалыптастыру, оқуды бітірген жұмыссыздарды еңбекпен қамту мәселесі бойынша жұмыс берушілермен жұмыс жүргізу;

Халықты жұмыспен қамту мәселесі бойынша оқыту семинарларын ұйымдастыру және өткізу

Кедейшілік мониторингін жүргізу;

18 жасқа дейінгі балаларға жәрдемақыны және тұрғын үй көмегін, мемлекеттік атаулы әлеуметтік көмекті уақытылы төлеу;

аз қамтамасыз етілген азаматтарға материалдық көмек көрсететін кәсіпорындар үшін институционалдық қолдау және марапаттау мәселесін пысықтау;

Мүгедектерді сауықтыруға жәрдемдесу, олардың қоғамдағы жан-жақты ықпалдастығы үшін тең мүмкіндіктер ұсыну және мемлекеттік медицина- әлеуметтік мекемелерінде арнаулы әлеуметтік қызметтердің тиімділігін қамтамасыз ету;

ҮЕҰ тұрақты дамуға ықпал жасау және олардың әлеуметтік бағдарламаларды дамытуға қатысуын кеңейту.