Бағыт 4. Ауылдық аумақтарды дамыту, экология

Мақсат. Ауылдық аумақтардың тұрақты дамуының негіздерін қалыптастыру, ауылдық тұрғындардың өмір сүру деңгейін жақсарту.

Мақсаттар мен міндеттерге қол жеткізу жолдары:

Бұл бағдарламаның мақсаттары мен міндеттеріне сәйкес, әлеуметтік және инженерлік инфрақұрылымдарды қайта жаңарту және құрылысын салуға тартылған инвестиция дамуы жоғары және орта елді мекендерге бағытталатын болады;

мемлекеттік қолдау шараларын қолдану есебінен егін шаруашылығы өнімдерінің сапасын және өнімділігін көтеру;

мемлекеттік қолдау шараларын қолдану есебінен мал шаруашылығы өнімдерінің сапасын және өнімділігін көтеру;

майда тауарөндірушілерді орта және ірі мал шаруашылығы кешендеріне біріктіруге ықпал ету;

жем-шөп дайындау, мал сою, қой қырқу жұмыстарын механикаландыру бойынша қызмет көрсетуге, сүт өндіру процесін автоматтандыруға мамандандырылған сервистік орталық құруға ықпал жасау;

мамандану ошақтары бойынша өндірістік және еңбек ресурстарын ұтымды орналастыру, жерлерді тиімді пайдалану, ауыл шаруашылығы өсімдіктерінің және мал тұқымының өнімділігі жоғары түрлерін шығару, олардың генефондын сақтау, өнім өндірудегі және қоршаған ортаны қорғаудағы шығындарды азайту үшін ауыл шаруашылығы өңірлерінің жағдайына бейімделген механикаландыру құралдары мен технологияларын құру, ауыл шаруашылығы өнімдерін терең өңдеудің жаңа технологияларын шығару;

елді мекендерде жер асты суларын пайдалану, су бөгеттерін, су құбырларының желілерін және құрылыстарын тиісті жағдайда ұстап тұру және қайта жаңарту, жөндеу бойынша шараларды іске асыру;

жер асты суларының минералдануы жоғары елді мекендерде экономикалық тиімді су дайындау пункттерінің құрылысын салу;

кезең-кезеңмен негізгі фондыны жаңарту және электр тарату желілерін және қолданыстағы құрал-жабдықтарды қанағаттанарлық техникалық жағдайда ұстау;

автомобиль жолдарын қанағаттанарлық жағдайда ұстау бойынша шараларды орындау;

аудан аумағындағы қолданыстағы жолаушы маршруттарының желісін дамыту, алыс орналасқан елді мекендердің көлікке қол жетімділігін қамтамасыз ету, автомобиль және өзен көлігімен жүк тасымалдау көлемін ұлғайту;

аудан халқын сапалы қызметпен және экономиканың қажеттілігін қамтамасыз ететін тиімді және технолигиялық жаңартылған көлік кешенін, теңгерімді дамитын көлік жүйесін құру;

денсаулық сақтау нысандарының материалдық-техникалық базасын нығайту және күрделі жөндеу жүргізу, Қызылорда облысы әкімдігінің 2010 жылғы 21 мамырдағы №785 қаулысымен бекітілген кезектілік тізіміндегі денсаулық сақтау нысандарының құрылысын салу тізіміне сәйкес республикалық және жергілікті бюджеттер есебінен денсаулық сақтау нысандарының құрылысын салу;

мектепке дейінгі және мектептен тыс мекемелердің желісін кеңейту және сақтау, орта білім беру мекемелерін белгіленген нормативке сәйкес жарақтандыру;

Қызылорда облысы әкімдігінің 2010 жылғы 21 мамырдағы №785 қаулысымен бекітілген кезектілік тізіміндегі білім нысандарының құрылысын салу тізіміне сәйкес республикалық және жергілікті бюджеттер есебінен білім нысандарының құрылысын салу;

Қызылорда облысы әкімдігінің 2010 жылғы 21 мамырдағы №785 қаулысымен бекітілген кезектілік тізіміндегі мәдениет және спорт нысандарының құрылысын салу тізіміне сәйкес республикалық және жергілікті бюджеттер есебінен мәдениет және спорт нысандарының құрылысын салу;

полицияның ауылдағы учаскелік инспекторларын көлік құралдарымен, жиһазбен, компьютерлік техникамен, стацинарлық рациямен жабдықтау.

халықтың еңбекпен қамтылуы жұмыс күшіне сұраныс пен ұсыныстың мәліметтерінің аймақтық банкілерін қалыптастыру; еңбекпен қамтуға ықпал етудің белсенді бағдарламасын іске асыру, жұмыс күшіне сұраныс пен ұсыныстың теңгерімшілік дәрежесі нәтижелерінің мониторингін жүргізу; мамандарды дайындау жүйесін облыс экономикасы мұқтаждығына сәйкес келтіру; еңбекпен қамтудың белсенді бағдарламаларының адрестілігін (мақсатты бағыттылығын) қамтамасыз ету;

ауылдық жер аумақтарының экологиялық қауіпсіздігін қамтамасыз ету мақсатында табиғат қорғауды басқарудың кешенді жүйесін енгізу қажет, атмосфералық ауаны, су қорларын қорғау және сумен қамтамасыз ету сапасын жақсарту, өнеркәсіптік және тұрмыстық қалдықтарды сақтау, тасымалдау, сақтау және пайдалану, экологиялық мониторинг жүйесін жетілдіру.

«Өңірлерді дамыту» бағдарламасы шеңберінде жобаларды іске асыру;

Су қорларын қорғау және тиімді пайдалану.

Ауа бассейнін қорғау.

Биоресурстарды қорғауды қамтамасыз ету.

Балық өсіру, олардың ресурстарын пайдалану

Өндіріс және тұтыну қалдықтарымен айналысу жүйесін жетілдіру.

Қоршаған ортаға эмиссияны қысқарту.

Мемлекеттік орман қорының санитарлық ахуалын жақсарту.

Аяқ суды сапалы пайдалану үшін су шаруашылығы нысандарын тиімді пайдалану

Мақсат. Мемлекеттік саясатты іске асыру бағытындағы мемлекеттік органдардың қызметін жақсарту.

Арал ауданының 2011-2015 ж мемлекттік жергілікті басқару және өзін-өзі басқару жүйесін одан әрі дамытудың негізгі бағыттары мыналар:

Әкімшілік жұмыстарының тиімділігін жоғарылату;

Мемлекеттік қызметкерлер жұмысын дамыту және жетілдіру;

Электронды әкімдіктің базалық құрауыштарын жасау / дамыту;

Аудан әкімінің сайтын дамыту және сүйемелдеу;

Электронды құжатайналым жүйесіне көшу мәселесінде Арал ауданы әкімі аппараты мемлекеттік мекемесі 2011 жылдың 13 шілдесінде ЭҚАБЖ-не толық қосылып, осы кезге дейін жұмыстар өз мәнінде атқарылып жатыр. Осы бағыттағы жұмыстардың кешенді шешімін үйлестіру мақсатында аудан бойынша аудан әкімдігіне қарасты 14 дербес бөлім және қала әкімі аппараты электронды жүйеге қосылу тиіс болатын. Алайда қазіргі таңда аудан әкімдігінің ғимаратында орналасқан 5 дербес бөлімдерге локальдық жүйеге қосылған, олар: (ауылшаруашылығы бөлімі, экономика және бюджеттік жоспарлау бөлімі, аудандық қаржы бөлімі, аудандық ішкі саясат бөлімі, аудандық ветеринария бөлімдерінде) локальдық жүйе тартылған, бірақ бағдарламаға қосылмаған. Осыған байланысты аудан әкіміне ұсыныс беріліп, кезекті сессиядан қаржы қарау сұралды.

Қоғамдық қатынас пункттері үздіксіз жұмыс жасауда;

Жергілікті есептеу жүйесін дамыту және қостау (БКО аудандық / қалалық деңгейде қосылу)

2012 жылы облыс әкімдігі тарапынан 25 дана жүйелік блок, 14 маршрутизатор, 1 коммутатор, 3 ADSL модеммен қамтылды. Қолданбалы БҚ (бағдарламалық қамсыздандыру), ЖАО-дың АБ (ақпараттық базасы) бойынша жабдықтар мен серверлік ғимараттарды сертификациялау және аттестациялау;

2010-2015 ж электрондық қызметті кең тарату үшін аудан аумағында 2012 жылы www.egov.kz порталын насихаттауға 1 дана билборд аудан орталықтарына ілінді. 2013 жылы ауыспалы билборттарды орналастыру кезең кезеңімен орналастырылатын болады.

Рұқсат етілген бағдарламалық қамсыздандыруларды сатып алу;

ЖАО қызметкерлерін мемлекеттік органдардың электронды өзара әрекеттестігі негіздеріне үйрету;

Аталған индикаторлар облыстық бюджеттен мақсатты трансферт жане басқада қаржыландыру көздерінен бөлінген жағдайда жүзеге асады.

Қазіргі таңда 4 қызмет түрі электронды түрде жүруде, атап айтқанда тұлғаларға жұмыспен қамтуға жәрдемдесудің белсенді шараларына қатысуға жолдамалар беру, жұмыссыз азаматтарды тіркеу және есепке қою, 18 жасқа дейінгі балалары бар отбасыларєа мемлекеттік жәрдемақылар тағайындау, мектепке дейінгі балалар ұйымдарына жіберу үшін мектепке дейінгі (7 жасқа дейін) жастағы балаларды кезекке қою. Барлық аталған мемлекеттік қызметтерде 2012 жылы құжаттардың орындалу мерзім бұзылған жоқ, 2013 жылы аудан бойынша құжаттар уақытылы орындалуы мен кызмет сапасын жоғарылату көзделуде.

Жергілікті атқарушы органдардың Әлеуметтік мәнді мемлекеттік қызметтерін 2013 жылы 100 пайыз электрондық қалыпқа аудару жалпы республикалық деңгейдегі ақпараттық жүйе құрылғаннан кейін аудандық деңгейде жүзеге асырылатын болады.
5.ҚАЖЕТТІ ҚАРЖЫ
Бағдарламаларды іске асыру үшін қажет қаржылық ресурстардың жалпы көлемі ____________млн теңгені құрайды, оның ішінде:

Бағдарламаны іске асыруға республикалық және жергілікті бюджет қаражаты, сондай-ақ инвесторлардың жеке қаражаттары жұмсалады.

Бағдарламаны қаржыландыру көздері Қазақстан Республикасының заңдылықтарына сәйкес тиісті қаржы жылында республикалық және жергілікті бюджетті бекіту кезінде нақтыланатын болады.


6. БАҒДАРЛАМАНЫ БАСҚАРУ
Арал ауданының 2011-2015 жылдарға арналған даму бағдарламасы (одан әрі бағдарлама) өңірлік дамудың іріктелген стратегиялық курсына сәйкестендірілген ауданның әлеуметтік-экономикалық дамуының негізгі стратегиялық бағыттарын айқындайтын құжат болып табылады.

Бағдарлама стратегиялық басқару жүйесін қалыптастыру негізін жасайды және ауданды дамытудың стратегиялық мақсаттарына жету үшін әкімшіліктің ағымдық қызметінің қажетті бағдарларын анықтайды.

Арал ауданының 2011-2015 жылдарды қамтитын аумақтық даму Бағдарламасын оның әр кезеңдерінде орындау аудан аумағында даму Бағдарламасын іске асыру бойынша іс-шаралар Жоспары, жергілікті атқарушы органдардың стратегиялық және операциялық даму жоспарлары, инвестициялық жобалар болып табылады

Бағдарламаны басқару процесі мына сатыларды қамтиды: аралық және нақты нәтижелерге мониторинг, бағалау мен бақылау жүргізу.

Бағдарламаның мониторингісі ауданның мемлекеттік жоспарлау жөніндегі өкілетті органымен Бағдарламаны жүзеге асыруға қатысушы мемлекеттік органдар – тең атқарушылар ұсынған ақпараттар негізінде ұсынылған есептерді қалыптастыру жолымен жүзеге асырылады.

Мониторинг «Негізгі бағыттар, мақсаттар, міндеттер,мақсаттық индикаторлар және нәтижелік көрсеткіштер» бөлімінде ұсынылған міндеттер көрсеткіші бойынша жүзеге асырылады.

Бағдарламаның мониторингісі жылдың қорытындысымен ғана жылына бір рет жүзеге асырылады.

Мемлекеттік жоспарлау жөніндегі жергілікті өкілетті орган мониторинг қорытындысымен Бағдарламаны жүзеге асыру жөніндегі есепті қалыптастырып оны аудан әкімдігінің веб-порталына орналастырады.

Мониторингтің қорытылған нәтижесі бағдарламаны іске асыруға қатысқан әр түрлі тараптардың өзара әрекеттестігіне талдауды ескере отырып дайындалған өзекті қорытынды, сондай-ақ осы бағдарламаның іске асырылуына сыртқы факторлардың ықпалы мен жоспарланған іс-шаралардың тиімділігін жоғарылатуды, алға қойылған мақсаттарға жетуді көздейтін барабар шаралар қабылдау болып табылады.

Бағдарламаның жүзеге асырылуын бағалау жыл сайын Қазақстан Республикасы Президентінің 2010 жылғы 19 наурыздағы №954 Жарлығымен бекітілген жыл сайынғы орталық мемлекеттік және республикалық маңызды қалалар, астана, облыстардың жергілікті атқарушы органдар қызметтерінің тиімділігін бағалау жүйесі шеңберінде жүзеге асырылады.