Постановление Правления 2009 жылғы 24 тамыз №76 Алматы қ. г. Алматы Қазақстан Республикасының Ұлттық Банкі Басқармасының «Қазақстан Республикасында валюталық операцияларды жүзеге асыру ережесін бекіту туралы»

Қазақстан Республикасының Ұлттық Банкі		Национальный Банк Республики Казахстан
_________________________________________________________________________________________________________________
БАСҚАРМАСЫНЫҢ ҚАУЛЫСЫ		ПОСТАНОВЛЕНИЕ ПРАВЛЕНИЯ
2009 жылғы 24 тамыз № 76
Алматы қ.		г. Алматы

1. Қазақстан Республикасының Ұлттық Банкі Басқармасының «Қазақстан Республикасында валюталық операцияларды жүзеге асыру ережесін бекіту туралы» 2006 жылғы 11 желтоқсандағы № 129 қаулысына (Нормативтік құқықтық актілерді мемлекеттік тіркеу тізілімінде № 4516 тіркелген, «Заң газеті» газетінде 2007 жылғы 2 ақпанда № 17 (1046) жарияланған; Нормативтік құқықтық актілерді мемлекеттік тіркеу тізілімінде № 4840 тіркелген, «Заң газеті» газетінде 2007 жылғы 15 тамызда 124 (1153) жарияланған, Қазақстан Республикасының Ұлттық Банкі Басқармасының «Қазақстан Республикасының Ұлттық Банкі Басқармасының «Қазақстан Республикасында валюталық операцияларды жүзеге асыру ережесін бекіту туралы» 2006 жылғы 11 желтоқсандағы № 129 қаулысына өзгерістер мен толықтыру енгізу туралы» 2007 жылғы 25 маусымдағы № 60 қаулысымен енгізілген өзгерістерімен және толықтыруларымен қоса) мынадай өзгерістер мен толықтырулар енгізілсін:

көрсетілген қаулымен бекітілген Қазақстан Республикасында валюталық операцияларды жүзеге асыру ережесінде:

бүкіл мәтін бойынша «валюта шартын», «валюта шартының», «валюта шарты», «валюта шартында», «Валюта шартын» «валюта шартына» «валюта шарттары» деген сөздер тиісінше «валюталық шартты», «валюталық шарттың», «валюталық шарт», «валюталық шартта», «Валюталық шартты» «валюталық шартқа» «валюталық шарттар» деген сөздермен ауыстырылсын;

2-тармақ мынадай редакцияда жазылсын:

«2. Осы Ереженің мақсаттары үшін мынадай терминдер мен ұғымдар пайдаланылады:

1) валюта айырбастаудың нарықтық бағамы – Қазақстан Республикасының аумағында жұмыс істейтін қор биржасының негізгі сессиясында қалыптасқан және Қазақстан Республикасының Ұлттық Банкі (бұдан әрі – Ұлттық Банк) бухгалтерлік есеп және қаржылық есептілік саласындағы қызметті реттеуді жүзеге асыратын уәкілетті мемлекеттік органмен бірлесіп белгілейтін тәртіппен айқындалған теңгенің шетел валютасына орташа өлшемді биржалық бағамы, сондай-ақ теңгенің Қазақстан Республикасының аумағында жұмыс істейтін қор биржасында сауда-саттық жүргізілмейтін шетел валютасына бағамы Ұлттық Банкі бухгалтерлік есеп және қаржылық есептілік саласындағы қызметті реттеуді жүзеге асыратын уәкілетті мемлекеттік органмен бірлесіп белгілейтін тәртіппен кросс-бағамдар пайдаланыла отырып есептелген бағамы;

2) валюталық шартты қайта тіркеу – валюталық шартты Ережеде көзделген жағдайларда кез келген келесі тіркеу;

3) инвестициялау объектісі – бағалы қағаздары (қатысушылардың дауыстары) сатып алынатын (сатып алынған) заңды тұлға, сондай-ақ инвестициялық пай қоры. Депозитарлық қолхаттармен операциялар жүргізген жағдайда олардың базалық активі болып табылатын бағалы қағаздар эмитенті инвестициялау объектісі болып табылады;

4) өз операциялары – валюталық шарттың тарабы болып табылатын резиденттердің өз атынан және өз қаражаты есебінен жасайтын валюталық операциялары;

5) резидент емес эмитенттердің бағалы қағаздары – базалық активі резидент емес эмитенттердің бағалы қағаздары болып табылатын депозитарлық қолхаттарды қоса алғанда, Қазақстан Республикасының және (немесе) эмитент елінің заңнамасына сәйкес бағалы қағаздар ретінде танылған қаржы құралдары;

6) резидент эмитенттердің бағалы қағаздары – базалық активі резидент эмитенттердің бағалы қағаздары болып табылатын депозитарлық қолхаттарды қоса алғанда, Қазақстан Республикасының заңнамасына сәйкес бағалы қағаздар ретінде танылған қаржы құралдары;

7) тікелей инвестициялау объектісі – дауыс беретін акцияларының он және одан көп пайызы немесе қатысушылардың жалпы дауыс санының он және одан көп пайызы тікелей инвесторға тиесілі заңды тұлға;

8) тікелей инвестор – инвестициялау объектісіне тікелей инвестициялауды жүзеге асыратын (жүзеге асырған) заңды немесе жеке тұлға.»

3-тармақ мынадай редакцияда жазылсын:

«3. Ереженің мақсаты үшін экспорт немесе импорт күні Нормативтік құқықтық актілерді мемлекеттік тіркеу тізілімінде № 4417 тіркелген Қазақстан Республикасының Ұлттық Банкі Басқармасының «Қазақстан Республикасында экспорт-импорт валюта бақылауын жүзеге асыру ережесін бекіту туралы» 2006 жылғы 17 тамыздағы № 86 қаулысына (бұдан әрі – Экспорт-импорт валюта бақылауын жүзеге асыру ережесі) сәйкес айқындалатын күн болып табылады.»

6-тармақ мынадай редакцияда жазылсын:

«6. Уәкілетті банк өзіне күнтізбелік ай ішінде мәлім болған, оның клиенттері жол берген, Қазақстан Республикасының валюталық заңнамасын бұзу фактілері туралы (Экспорт-импорт валюта бақылауын жүзеге асыру ережесінде көзделген жағдайларды қоспағанда) Ұлттық Банкке Ереженің 1-1-қосымшасында белгіленген нысан бойынша, келесі күнтізбелік айдың соңғы күнінен кешіктірмей хабарлайды.»;

7-тармақта:

6) тармақша «валюта» деген сөздің алдында «Ереженің 7-1-тармағында көзделген жағдайларды қоспағанда» деген сөздермен толықтырылсын;

7) тармақшадағы «лицензия,» деген сөз алынып тасталсын;

мынадай мазмұндағы 7-1-тармақпен толықтырылсын:

«7-1. Тіркеу, хабарлау немесе мәміле паспортын ресімдеу талаптары айқындалған валюталық операциялар бойынша ақша төлемдері және (немесе) аударымдары үшін валюталық шартты ұсыну міндетті.

Резиденттердің және резидент еместердің банк шоттары бойынша он мың АҚШ долларынан аспайтын сомада ақша төлемін және (немесе) аударымын жүргізу кезінде:

1) ақша төлемін және (немесе) аударымын резидент емес жүзеге асырған;

2) ақша төлемін және (немесе) аударымын резидент жүзеге асырған және ақша жіберуші (алушы) резиденттер аударуға берілген тапсырмада (өтініште) осы ақша төлемінің және (немесе) аударымының тіркеу куәлігін, хабарлама туралы куәлік алу немесе паспортты ресімдеу талап етілетін валюталық операцияларды жүзеге асыруға байланысты емес екенін көрсеткен жағдайларда валюталық шартты ұсыну талап етілмейді.

Ақша аудару (ақша алу) үшін берілген тапсырмада (өтініште) көрсетілген шынайы емес деректер ұсынғаны үшін жауапкершілік ақша жіберушіге (алушыға) жүктеледі.

Егер төлем және (немесе) аударым валютасы АҚШ долларынан өзгеше болса, төлем және (немесе) аударым сомасының баламасы операция жүргізу күнгі валюта айырбастаудың нарықтық бағамын пайдалана отырып есептеледі.»;

8-тармақта:

екінші бөліктегі «10» деген цифрлар «20» деген цифрлармен ауыстырылсын;

төртінші бөлік алынып тасталсын;

9-тармақ мынадай редакцияда жазылсын:

«9. Уәкілетті банк шығарған төлем карточкаларын пайдалана отырып резиденттердің (резидент еместердің) валюталық операциялары бойынша жасалатын ақша төлемдері және (немесе) аударымдары осы Ереженің 7-тармағында көрсетілген құжаттарды уәкілетті банкке алдын ала ұсынбай жүзеге асырылады. Егер Ережеде өзгеше көзделмесе, көрсетілген құжаттар уәкілетті банктің немесе Ұлттық Банктің сұратуы бойынша ұсынылады.»;

10-тармақ мынадай редакцияда жазылсын:

«10. Резидент заңды тұлға корпоративтік төлем карточкаларын пайдалана отырып валюталық операциялар бойынша сомасы он мың АҚШ доллары баламасынан асатын ақша төлемін және (немесе) аударымын жүргізген жағдайда, резидент заңды тұлға уәкілетті банкке валюталық шартты ұсынады. Резидент заңды тұлға көрсетілген құжатты жоғарыда көрсетілген операциялар жүргізілген күннен бастап отыз жұмыс күні ішінде ұсынады.

Егер төлем және (немесе) аударым валютасы АҚШ долларынан өзгеше болса, төлем және (немесе) аударым сомасының баламасы операция жүргізу күнгі валюта айырбастаудың нарықтық бағамын пайдалана отырып есептеледі.»;

11-тармақта:

2) тармақша «байланысты еместігін растайтын» деген сөздерден кейін «(резидент жеке тұлғалардың аударымдары үшін)» деген сөздермен толықтырылсын;

мынадай мазмұндағы үшінші бөлікпен толықтырылсын:

«Осы тармақтың ережелері уәкілетті банктің төлем карточкасын пайдалана отырып жеке тұлғалардың банк шоттары бойынша жүзеге асырылатын ақша төлемдеріне және (немесе) аударымдарына қолданылмайды.»;

12-тармақ мынадай редакцияда жазылсын:

12. Уәкілетті банк ай сайын, есепті кезеңнен кейінгі айдың 20-на дейін (қоса алғанда) Ұлттық Банктің орталық аппаратына Ереженің 2-қосымшасында белгіленген нысан бойынша, жеке тұлғалар күнтізбелік ай ішінде жүзеге асырған мынадай операциялар туралы:

1) егер ақша төлемінің және (немесе) аударымының сомасы он мың АҚШ долларынан асқан болса, уәкілетті банкте шот ашпай жүргізілген ақша төлемі және (немесе) аударымы туралы;

2) егер ақша төлемінің және (немесе) аударымының сомасы елу мың АҚШ долларынан асқан болса, банк шоттары бойынша Ереженің 11-тармағында белгіленген тәртіппен жүргізілген ақша төлемі және (немесе) аударымы туралы;

3) егер ақша төлемінің және (немесе) аударымының не ақша алудың сомасы он мың АҚШ долларынан асқан болса, уәкілетті банктің төлем карточкасын пайдалана отырып жүргізілген валюталық операция бойынша ақша төлемі және (немесе) аударымы не ағымдағы шоттан қолма-қол ақша алу туралы ақпарат бар есеп ұсынады.

Егер ақша төлемінің және (немесе) аударымының не ақша алудың валютасы АҚШ долларынан өзгеше болса, төлем және (немесе) аударым сомасының баламасы операция жүргізу күнгі валюта айырбастаудың нарықтық бағамын пайдалана отырып есептеледі.

Ереженің 2-қосымшасында белгіленген нысан бойынша есепке жеке тұлғалар Қазақстан Республикасының шегінде жүзеге асырған ақша төлемдері және аударымдары бойынша, сондай-ақ жеке тұлғалардың шетел банктеріндегі өз шоттарына (өз шоттарынан) аударымдар бойынша ақпарат кірмейді.»;

13-тармақ мынадай мазмұндағы екінші бөлікпен толықтырылсын:

«Резидент жеке тұлға төлемді және (немесе) аударымды басқа жеке тұлғаның міндеттемелерін орындау есебіне жасаған жағдайда, жоғарыда көрсетілген шарттың орнына ақша жіберуші міндеттемелерін орындау есебіне төлем жүзеге асырылатын тұлғаның жұбайы немесе жақын туысы болып табылатынын растайтын құжат ұсынылуы мүмкін.»;

4-тараудың тақырыбында орыс тіліндегі мәтінге түзету енгізілді, мемлекеттік тілдегі мәтін өзгермейді;

19-тармақта:

орыс тіліндегі мәтінге түзету енгізілді, мемлекеттік тілдегі мәтін өзгермейді;

орыс тіліндегі мәтінге түзету енгізілді, мемлекеттік тілдегі мәтін өзгермейді;

20-тармақ мынадай редакцияда жазылсын:

«20. Заңды тұлғалардың уәкілетті банктердегі банк шоттарынан қолма-қол шетел валютасы жеке тұлғаларға Заңның 16-бабы 1-тармағының 5) және 6) тармақшаларында көрсетілген жағдайларда төлемдерді, сондай-ақ Заңның 16-бабы 1-тармағының 3), 4) және 7) тармақшаларында көрсетілген жағдайларда жеке тұлғалармен есеп айырысуды жүзеге асыру мақсатында алынуы мүмкін.»;

21-тармақ мынадай редакцияда жазылсын:

«21. Заңды тұлғалар Заңның 16-бабы 1-тармағының 5) және 6) тармақшаларында көрсетілген жеке тұлғаларға төлемдерді жүзеге асыру мақсатында өзінің банк шоттарынан қолма-қол шетел валютасын алған кезде уәкілетті банкке жалақы төлеу не іссапар шығыстарын төлеу жүргізілуін негіздейтін және осы қолма-қол шетел валютасы сомасының тек осы мақсаттар үшін ғана алынатынын растайтын құжаттар ұсынады. Осындай құжаттар ретінде бұйрық, өкім, шешім, іссапар шығыстарының сметасы ұсынылуы мүмкін.

Қолма-қол шетел валютасы корпоративтік төлем карточкасын пайдалана отырып алынған жағдайда, көрсетілген құжаттар уәкілетті банкке осындай алынған күннен бастап отыз жұмыс күні ішінде ұсынылады.»;

22-тармақтағы «алынған» деген сөз мемлекеттік тілдегі мәтінде өзгеріссіз қалады;

24-тармақтағы «1» деген цифр «2» деген цифрмен ауыстырылсын;

27-тармақтың 3) тармақшасы «, сондай-ақ олардың сәйкестендіру деректері (аты-жөні немесе фирмалық атауы) өзгерген» деген сөздермен толықтырылсын;

29-тармақтың 6) тармақшасы мынадай редакцияда жазылсын:

«6) банктердің туынды қаржы құралдарымен жүргізілген өз операциялары;»;

30-тармақтың бірінші бөлігінде:

орыс тіліндегі мәтінге түзету енгізілді, мемлекеттік тілдегі мәтін өзгермейді;

екінші сөйлем алынып тасталсын;

31-тармақтағы «Қазақстан Республикасында бухгалтерлік есеп мақсатында қолданылатын бағам бойынша» деген сөздер «валюта айырбастаудың нарықтық бағамын пайдалана отырып» деген сөздермен ауыстырылсын;

36-тармақтың 6) тармақшасындағы «3-тармағына» деген сөз және цифр «2-тармағының 1)-3) тармақшаларына» деген сөздермен және цифрлармен ауыстырылсын;

37-тармақта:

1) тармақшадағы «үш жүз» деген сөздер «бес жүз» деген сөздермен ауыстырылсын;

2) тармақша мынадай редакцияда жазылсын:

«2) Қазақстан Республикасынан қаражат аударуды (мүлікті беруді) және (немесе) резидентте мүлікті (қаражатты) резидент еместің қайтаруы талаптарының туындауын көздейтін валюта операциясының сомасы баламасы бір жүз мың АҚШ долларынан асып кеткенде Заңның 20, 21, 23, 24-баптарында айқындалған валюта операцияларын тіркеуді жүзеге асырады.»;

40-тармақтың 2) тармақшасындағы «шарттың негізінде» деген сөздерден кейін «немесе резидент басқарушы компаниямен жасалған инвестициялық портфельді басқару туралы шарттың негізінде» деген сөздермен толықтырылсын;

мынадай мазмұндағы 42-1-тармақпен толықтырылсын:

«42-1. Қаржы заемы шарты бойынша қаражатты игеру және берешекті өтеу болжамын нақтылау мақсатында Ұлттық Банк Ереженің 5-қосымшасының 1-бөлімінің 10-тармағында келтірілген нысан бойынша ақпарат сұратады.»;

43-тармақта:

«7-тармағында» деген сөз және цифр «3-тармағының екінші бөлігінде» деген сөздермен және цифрмен ауыстырылсын;

«үш жүз» деген сөздер «бес жүз» деген сөздермен ауыстырылсын;

«елу» деген сөз «бір жүз» деген сөздермен ауыстырылсын;

45, 46-тармақтардағы «болып табылатын резидент» деген сөздерден кейін «(банктерді қоспағанда)» деген сөздермен толықтырылсын;

48-тармақтағы «құқықты» деген сөзден кейін «толық» деген сөзбен толықтырылсын;

50-тармақта:

1) тармақшадағы «үш жүз» деген сөздер «бес жүз» деген сөздермен ауыстырылсын;

2) тармақшадағы «елу» деген сөз «бір жүз» деген сөздермен ауыстырылсын;

3) тармақшада «төлем және (немесе) аударым сомасы елу» деген сөздер «, сондай-ақ жұмыс, қызмет көрсету экспортына (импортына) байланысты есеп айырысуды жүзеге асыру кезінде төлем және (немесе) аударым сомасы бір жүз» деген сөздермен ауыстырылсын;

51-тармақ мынадай редакцияда жазылсын:

«51. Резидент заңды тұлғалар шетелдік банкте шот ашқаны туралы хабарлайды.»;

52-тармақта:

бірінші бөлігіндегі «58, 63-тармақтарында» деген сөздер және цифрлар «58, 63 және 64-1-тармақтарында» деген сөздермен және цифрлармен ауыстырылсын;

екінші бөлігінің екінші сөйлемі мынадай редакцияда жазылсын:

«Тиісті хабарлама және Ұлттық Банктің электрондық хабарламаны қабылдағаны туралы электрондық растаманың көшірмесі қағазға басылып банкте сақталады.»;

төртінші бөлігі мынадай редакцияда жазылсын:

«Хабарламада барлық қажетті ақпарат болған кезде Ұлттық Банк Ереженің 4-қосымшасында белгіленген нысан бойынша хабарлама туралы куәлікті ресімдейді.»;

10-тараудың тақырыбы мынадай редакцияда жазылсын:

«10-тарау. Қаржы заемдары және коммерциялық кредиттер»;

53-тармақ мынадай редакцияда жазылсын:

«53. Банктер Ереженің 5-қосымшасында белгіленген нысан бойынша, көрсетілген Қосымшаның жалпы бөлігін және 1-бөлімін толтыра отырып, өздерінің мынадай операциялары туралы Ұлттық Банкке хабарлайды:

1) резидент еместерден қаржы заемдары туралы,

2) резидент еместерден тауарлар экспортына (импортына) байланысты коммерциялық кредиттер туралы.»;

55-тармақта:

«7-тармағында» деген сөз және цифр «3-тармағының екінші бөлігінде» деген сөздермен және цифрмен ауыстырылсын;

«үш жүз» деген сөздер «бес жүз» деген сөздермен ауыстырылсын;

мынадай мазмұндағы 55-1 және 55-2-тармақтармен толықтырылсын:

«55-1. Банктер жұмыстар, қызмет көрсету экспортына (импортына) байланысты өз операцияларын жүзеге асырған кезде сыртқы қаржы активтері мен міндеттемелері туралы мемлекеттік статистикалық есептілік шеңберінде тоқсан сайын Ұлттық Банктің орталық аппаратына хабарлайды.

55-2. Жұмыс, қызмет көрсету экспорты (импорты) бойынша есеп айырысуды жүзеге асыру кезінде резиденттер мен резидент еместер арасында төлемдер жүргізген кезде резиденттің хабарлауы талап етілмейді. Уәкілетті банк көрсетілген төлемдер бойынша ай сайын, есепті кезеңнен кейінгі айдың 20-на дейін (қоса алғанда), Ұлттық Банкке Ереженің 1-қосымшасында белгіленген нысан бойынша есеп ұсынады.

Ұлттық Банк валюталық операцияларды жүргізу оқиғаларын нақтылау мақсатында резиденттен валюталық шарттың көшірмесін сұратады.»;

56-тармақта:

1) тармақшадағы «шарт негізінде» деген сөздерден кейін «немесе резидент басқарушы компаниямен жасалған инвестициялық портфельді басқару туралы шарт негізінде» деген сөздермен толықтырылсын;

2) тармақша мынадай редакцияда жазылсын:

«2) банктердің шетелге тікелей инвестицияларға және резидент еместердің банктерге тікелей инвестицияларына байланысты өз операциялары;»;

57-тармақта:

1) тармақшадағы «3),» деген цифрдан және тыныс белгісінен кейін «5) (үлестік бағалы қағаздар сатып алған кезде),» деген цифрмен, тыныс белгісімен және сөздермен толықтырылсын;

2) тармақшадағы «(банктерді қоспағанда)» деген сөздерден кейін «, басқарушы компаниялар» деген сөздермен толықтырылсын;

58-тармақта:

бірініші бөліктің 1) тармақшасы мынадай редакцияда жазылсын:

«1) банктер Ереженің 56-тармағының 5) тармақшасында көрсетілген өз операциялары туралы (үлестік бағалы қағаздармен операцияларды қоспағанда);»;

мынадай мазмұндағы екінші бөлікпен толықтырылсын:

«Ереженің 9-қосымшасында белгіленген нысан бойынша есепке бағалы қағаздарды сатып алу және сату бойынша операциялар кіреді.»;

үшінші бөлігі алынып тасталсын;

60-тармақ мынадай редакцияда жазылсын:

«60. Уәкілетті банктер есепті кезеңнен кейінгі айдың 20-на дейін (қоса алғанда) Ұлттық Банктің орталық аппаратына Ереженің 1-қосымшасында белгіленген нысан бойынша мынадай өз операциялары және резидент клиенттердің тапсырмасы бойынша бес жүз мың АҚШ долларынан асатын сомаға жүргізілген операциялар туралы есеп тапсырады:

1) брокер немесе басқарушы компания болып табылмайтын резиденттің резидент еместен резиденттің акцияларын (қатысу үлестерін, инвестициялық қорлардың пайларын) сатып алуы;

2) егер резидент дивиденд төлеу жүзеге асырылатын активті сатып алу бойынша тіркеу куәлігін және (немесе) валюталық операция жөнінде хабарлама туралы куәлікті ұсынбаса, резидент еместен резидент алған (резидент емеске резидент төлеген) дивидендтер;

3) егер резидент өткізілетін активті сатып алу бойынша тіркеу куәлігін және (немесе) валюталық операция жөніндегі хабарлама туралы куәлікті ұсынбаса, брокер немесе басқарушы компания болып табылмайтын резиденттің резидент емеске резидент еместің акцияларын (қатысу үлестерін, инвестициялық қорлардың пайларын) сатуы.

Резидент осы тармақтың 2) және 3) тармақшаларында көрсетілген тіркеу куәлігін және хабарлама туралы куәлікті ұсынған кезде, уәкілетті банк Ереженің 33-тармағына сәйкес ақпарат ұсынады»;

61-тармақ мынадай редакцияда жазылсын:

«61. Банктер Ереженің 5-қосымшасында белгіленген нысан бойынша, көрсетілген Қосымшаның жалпы бөлігін және 4-бөлімін толтыра отырып, капитал қозғалысының басқа операцияларына қатысты өз операциялары туралы хабарлайды. Өзге резидент заңды тұлғалар, жылжымайтын мүлікке меншік құқығын сатып алуға және ақша мен өзге мүлікті сенімгерлік басқаруға өткізуге байланысты операциялар туралы, сондай-ақ резидент жеке тұлғалар ақша мен өзге мүлікті сенімгерлік басқаруға өткізуге байланысты операциялар туралы Ереженің 5-қосымшасында белгіленген нысан бойынша, көрсетілген Қосымшаның жалпы бөлігін және 4-бөлімін толтыра отырып хабарлайды.»;

63-тармақтағы «10» деген цифр «20» деген цифрмен ауыстырылсын;

64-тармақтағы «Резиденттер (банктерді қоспағанда)» деген сөздер «Резидент заңды тұлғалар (банктерді және Ұлттық почта операторын қоспағанда)» деген сөздермен ауыстырылсын;

мынадай мазмұндағы 64-1-тармақпен толықтырылсын:

«64-1. Жеке тұлғаның Ұлттық Банкке шетел банктерінде шоттар ашу туралы хабарлауы талап етілмейді. Уәкілетті банк Ереженің 1-қосымшасында белгіленген нысан бойынша есеп түрінде, ай сайын, есепті кезеңнен кейінгі айдың 20-на дейін (қоса алғанда) Ұлттық Банктің орталық аппаратына осындай шотқа (осындай шоттан) жасаған ақша аударымдардың көлемі туралы хабарлайды.»;

66-тармақта:

«Резиденттер» деген сөздерден кейін «(банктерді қоспағанда)» деген сөздермен толықтырылсын;

«он» деген сөз «елу» деген сөзбен ауыстырылсын;

67-тармақ алынып тасталсын;

70-тармақ алынып тасталсын;

71-тармақ мынадай редакцияда жазылсын:

«71. Ережеге сәйкес хабарлауға тиіс болған шот ашуға немесе валюталық операция жүргізуге Ереже қолданысқа енгізілгенге дейін тіркеу куәлігін алған резидент Ережеде белгіленген нысан бойынша, тәртіппен және мерзімдерде тіркеу куәлігі бойынша есеп ұсынады.

Ереженің 37 және 50-тармақтарында көрсетілген шекті мәндерден аспайтын сомаға берілген тіркеу куәліктері және хабарлама туралы куәліктер бойынша есептер беру талап етілмейді.»;

72-тармақ алынып тасталсын;

1-қосымша осы қаулының 1-қосымшасына сәйкес редакцияда жазылсын;

осы қаулының 2-қосымшасына сәйкес 1.1-қосымшамен толықтырылсын;

2-қосымша осы қаулының 3-қосымшасына сәйкес редакцияда жазылсын;

3-қосымшаны толтыру бойынша нұсқаулар мынадай мазмұндағы екінші және үшінші бөліктермен толықтырылсын:

«Резидент заңды тұлғалар шетелдік банктегі өз шотына/өз шотынан ақша қаражатын аударған кезде бенефициар/қаражатты жіберуші ретінде резиденттің шоты ашылған шетелдік банк көрсетіледі.

Ақша қаражаты валюталық заңнамаға сәйкес жіберушінің нұсқауларын сақтау шоты арқылы резиденттің шотына түскен кезде төлем күні болып резиденттің шотына қаражат түскен күн саналады. Бұл ретте жіберушінің нұсқауларын сақтау шотына қаражаттың түскен күні «Ескерту» 11-бағанда көрсетілуі тиіс;

4-қосымшаны толтыру бойынша нұсқаулар мынадай мазмұндағы бесінші бөлікпен толықтырылсын:

«Егер шоттың талаптарында шоттың валютасы ретінде екі немесе одан көп валюта көзделсе, шоттың валютасы мультивалюталық ретінде көрсетіледі.»;

5-қосымшада:

1-бөлімде:

бүкіл мәтін бойынша «СТН» деген аббревиатура «СТН/ЖСН/БСН» деген аббревиатуралармен ауыстырылсын;

мынадай мазмұндағы 8-1, 8-2-тармақтармен толықтырылсын:

«8-1. Агент (оператор, ұйымдастырушы) (болған кезде) туралы мәліметтер:

Резидент ____________ Резидент емес ___________ (белгіленсін)

Заңды тұлғаның атауы _______________________________

_____________________________________________________________

Резидент туралы ақпарат: мекен-жайы

___________________________ телефон

Код КҰЖЖ _______________ СТН/ЖСН/БСН ____________________;

Резидент емес туралы ақпарат: тіркелген елі ___________________

8-2. Айрықша жағдайлардың болуы (белгіленсін):

___ заемшының ұзартуға құқығы

___ заемшының мерзімінен бұрын өтеу құқығы

___ кредитордың берешекті мерзімінен бұрын өтеуді талап ету құқығы

­___ басқа да (талдап жазу) ______________________________________

________________________________________________________________»;

9-тармақ «банктер» деген сөзден кейін «және өзге де қаржы институттары» деген сөздермен толықтырылсын;

9.1-тармақтың бірінші абзацы «банктің» деген сөзден кейін «немесе өзге қаржы институтының» деген сөздермен толықтырылсын;

9.4-тармақта:

бірінші абзацта «Кредитордың банкті» деген сөздерден кейін «немесе өзге қаржы институтын» деген сөздермен толықтырылсын;

екінші абзацта «банктің» деген сөзден кейін «немесе өзге қаржы институтының» деген сөздермен толықтырылсын;

2-бөлімде бүкіл мәтін бойынша «СТН» деген аббревиатура «СТН/ЖСН/БСН» деген аббревиатуралармен ауыстырылсын;

4-бөлімде:

1-тармақ мынадай редакцияда жазылсын:

«1. Операция түрі (белгі қойылсын):

____ жылжымайтын мүлікке меншік құқығын сатып алу

____ зияткерлік меншік объектілеріне айрықша құқықты толықтай сатып алу

____ бірлескен қызметке қатысушының міндеттемелерін орындау

____ ақшаны және мүлікті сенімгерлік басқаруға беру»;

мынадай мазмұндағы 3.4-тармақпен толықтырылсын:

«3.4. сенімгерлік басқару_________________________________

(мақсаттың қысқаша сипаттамасы)»;

1-бөлімді толтыру бойынша нұсқаулар мынадай мазмұндағы сегізінші бөлікпен толықтырылсын:

«Ұзартуға опцион болған кезде Б бағанында негізгі шартпен белгіленген өтеу мерзімі көрсетіледі.»;

6-қосымшада:

«СТН» деген аббревиатура «СТН/ЖСН/БСН» деген аббревиатуралармен ауыстырылсын;

Толтыру бойынша нұсқаулар мынадай мазмұндағы сегізінші бөлікпен толықтырылсын:

«Нақты жүргізілген төлемдерді салықтармен қоса көрсеткен жөн.»;

7-қосымша осы қаулының 4-қосымшасына сәйкес редакцияда жазылсын;

8-қосымшада «СТН» деген аббревиатура «СТН/ЖСН/БСН» деген аббревиатуралармен ауыстырылсын;

9-қосымшада:

«СТН» деген аббревиатура «СТН/ЖСН/БСН» деген аббревиатуралармен ауыстырылсын;

Толтыру бойынша нұсқауларда:

1), 3), 4) тармақшалардағы «елу мың» деген сөздер «бір жүз» деген сөздермен ауыстырылсын;

2) тармақшада:

«резидент еместер арасындағы операцияларды» деген сөздер «резиденттер арасындағы операцияларды және мемлекеттік бағалы қағаздармен операцияларды» деген сөздермен ауыстырылсын;

«үш жүз» деген сөздер «бес жүз» деген сөздермен ауыстырылсын;

10-қосымшада:

«СТН» деген аббревиатура «СТН/ЖСН/БСН» деген аббревиатуралармен ауыстырылсын;

«Лицензия/» деген сөз алынып тасталсын;

Толтыру бойынша нұсқаулар мынадай мазмұндағы үшінші бөлікпен толықтырылсын:

«Егер шот мультивалюталық болса, әр түрлі валюталармен көрсетілген сомаларды тиісінше операцияны жүргізу күнгі немесе есепті кезеңнің соңындағы валюта айырбастаудың нарықтық бағамы бойынша теңгеге аудару керек. Пайда болған бағамдық айырманы басқа өзгерістерде көрсету қажет (кодтары 30, 51-жолдар).»;

11-қосымшада:

«СТН» деген сөз «СТН/ЖСН/БСН» деген сөздермен ауыстырылсын;

«лицензияның/» деген сөз алынып тасталсын;

Толтыру бойынша нұсқаулардағы «он мың» деген сөздер елу мың» деген сөздермен ауыстырылсын.

2. Осы қаулы 2009 жылғы 1 қарашадан бастап қолданысқа енгізіледі және ресми жариялануы тиіс.

3. 2009 жылғы 1 қарашадан бастап осы қаулы қолданысқа енгізілгенге дейін Ұлттық Банк берген мынадай:

жеке тұлғалардың шетелдік банкте шоттар ашуына;

мәмілелер паспортын ресімдеу талап етілетін экспортпен (импортпен) байланысты коммерциялық кредиттерге;

жұмыстар, қызмет көрсету экспорты (импорты) бойынша есеп айырысуды көздейтін коммерциялық кредиттерге қатысты тіркеу куәліктерінің және хабарлама туралы куәліктердің қолданылуы тоқтатылады.

4. Төлем балансы және валюталық реттеу департаменті (Дюгай Н.Н.):

1) Заң департаментімен (Сизова С.И.) бірлесіп осы қаулыны Қазақстан Республикасының Әділет министрлігінде мемлекеттік тіркеу шараларын қабылдасын;

2) осы қаулы Қазақстан Республикасының Әділет министрлігінде мемлекеттік тіркелген күннен бастап он күндік мерзімде оны Қазақстан Республикасы Ұлттық Банкінің орталық аппаратының мүдделі бөлімшелеріне және аумақтық филиалдарына, Қазақстан Республикасының Қаржы министрлігіне, екінші деңгейдегі банктерге және «Қазақстан қаржыгерлерінің қауымдастығы» заңды тұлғалар бірлестігіне жіберсін.

5. Қазақстан Республикасы Ұлттық Банкінің Ұйымдастыру жұмысы, сыртқы және қоғамдық байланыстар департаменті (Терентьев А.Л.) Төлем балансы және валюталық реттеу департаментінен (Дюгай Н.Н.) жариялауға өтінімді алғаннан кейін үш күндік мерзімде осы қаулыны Қазақстан Республикасының бұқаралық ақпарат құралдарында жариялауға шаралар қабылдасын.

6. Осы қаулының орындалуын бақылау Қазақстан Республикасының Ұлттық Банкі Төрағасының орынбасары Д.Т. Ақышевқа жүктелсін.