Положение1 об аудиторском комитете

1. Осы «Электр желілерін басқару жөніндегі Қазақстан компаниясы» (Kazakhstan Electricity Grid Operating Company) «KEGOC» акционерлік қоғамы (бұдан әрі – Қоғам) Директорлар кеңесінің Аудит жөніндегі комитеті туралы ереже (бұдан әрі – Ереже) Комитеттің дәрежесін, құзыретін, құрамын, жұмыс істеу тәртібі мен функциясын, оның отырыстарын өткізу мен шақыру, шешімдерді ресімдеу рәсімдерін, сонымен қатар Комитет мүшелерінің құқықтары мен жауапкершілігін белгілейді.

2. Ережеде қолданылатын түсіндірмелер мен анықтамлар:

Заң: «Акционерлік қоғамдар туралы» Қазақстан Республикасының Заңы;

Жарғы: Қоғамның Жарғысы;

Кодекс: Қоғамның Корпоративтік басқару кодексі;

Директорлар кеңесі: Акционерлердің жалпы жиналысына бағынатын, Қоғамға стратегиялық басшылықты және Басқарма қызметін бақылауды қамтамасыз ететін басқару органы.

Тәуелсіз директорлар: «Акционерлік қоғамдар туралы» Қазақстан Республикасының Заңына сәйкес тәуелсіз деп белгіленетін директорлар;

Қоғам басшылығы: Қоғамның басшысы және Басқарма мүшелері;

Ішкі аудит қызметі: Қоғамның Қоғамда ішкі аудит қызметін ұйымдастыру мен жүзеге асыруды қамтамасыз ететін, Директорлар кеңесіне ұйымдық бағынатын және функционалдық жағынан есеп беретін органы;

Комплаенс-офицер: қызмет мақсаты реттеу талаптары мен үздік халықаралық тәжірибелердің, соның ішінде жемқорлыққа қарсы күрес мәселелері бойынша сақталуын қамтамасыз ету, озық халықаралық стандарттарға, ішкі саясатқа және Қазақстан Республикасының заңнамасына сәйкес Қоғамның барлық қызметкерлері арасында айқындықты, адалдықты қамтамасыз ететін және бизнес жүргізуге жағдай жасайтын Қоғамның ішкі корпоративтік мәдениетін қалыптастыру болып табылатын Қоғамның штаттағы қызметкері;

ЭЦҚ: Электронды цифрлы қолтаңба;

ЭҚЖ: Электрондық құжат айналымы жүйесі.

Егер Ережеде басқасы көзделмеген болса қолданылатын, бірақ осы Ережеде белгіленбеген терминдер Қазақстан Республикасының заңнамасында, Жарғыда және Қоғамның ішкі құжаттарында берілген мағынада қолданылады.

3. Ереже Қоғамның ішкі құжаты болып табылады және Заңға, Жарғыға, Кодекс пен Қоғамның басқа да ішкі құжаттарына сәйкес әзірленді.

4. Комитет Қоғамның Директорлар кеңесінің консультациялық-кеңесші органы болып табылады және Директорлар кеңесінің құзыретіне жатқызылған немесе Директорлар кеңесі Қоғамның Басқармасы қызметін бақылау және Қоғамның Директорлар кеңесіне қажетті ұсынымдар әзірлеу тәртібінде зерделейтін мәселелерді тереңінен пысықтау үшін құрылады.

5. 
   Комитет Қоғамның Директорлар кеңесіне есеп береді, оған Қоғамның Директорлар кеңесі мен осы Ереже берген өкілдік шеңберінде әрекет етеді.
   
6. 
   Өз қызметінде Комитет Қазақстан Республикасының заңнамасын, Қоғамның Жарғысын, Қоғам Акционерлерінің жалпы жиналысының шешімдерін, Қоғамның Директорлар кеңесі туралы ережені, Қоғамның Ережесі мен басқа да шешімдерін басшылыққа алады.
   

2 КОМИТЕТТІҢ ҚҰЗЫРЕТІ

1) Қоғамның қаржы-шаруашылық қызметін бақылаудың тиімді жүйесін орнату (соның ішінде қаржылық есептеменің толықтығы мен дұрыстығын);

2) тәуекелдерді, соның ішінде тұрақты даму саласындағы тәуекелдерді ішкі бақылау мен басқару жүйелерінің сенімділігі мен тиімділігін, сонымен қатар қаржылық емес ақпарат пен есептеменің сапасын, сондай-ақ корпоративтік басқару саласындағы құжаттардың орындалуын бақылау;

3) сыртқы және ішкі аудиттің, Комплаенс-офицердің тәуелсіздігін, сонымен қатар Қазақстан Республикасы заңнамасының сақталуын қамтамасыз ету процесін бақылау;

4) осы Ереженің талаптарына сәйкес басқа да мәселелер бойынша ұсыныстар жасау жолымен көмек көрсетуге бағытталған.

3 КОМИТЕТТІҢ ҚҰҚЫҚТАРЫ МЕН МІНДЕТТЕРІ

1) Директорлар кеңесінің, комитеттердің, Басқарма мүшелерінен, Ішкі аудит қызметінен, Комплаенс-офицерден, Обудсменнен және Қоғамның басқа да қызметкерлерінен құжаттарды, есептерді, түсіндірмелер мен басқа да ақпартты сұратуға құқылы. Жоғарыда баяндалған ақпараттар мен құжаттар Комитет хатшысы арқылы беріледі. Қоғам белгіленген тәртіпте Комитетті өз есебінен барлық қажетті материалдармен және ресурстармен қамтамасыз етуге міндетті;

2) Комитет мүшелері болып табылмайтын Директорлар кеңесі мүшелерін, Басқарма, комитеттер мүшелерін, Ішкі аудит қызметін, Комплаенс-офицерді және басқа да тұлғаларды Комитеттің өз отырыстарына шақыруға;

3) Қоғамның бюджетінде ағымдағы жылға көзделген қаражат шеңберінде сыртқы сарапшылар мен консультанттардың қызметтерін белгіленген тәртіпте пайдалануға;

4) өз қызметінің мәселелері бойынша Директорлар кеңесінің шешімдері мен тапсырмаларын бақылау мен тексеруге қатысуға;

5) Қоғам басшылығының қатысуынсыз сыртқы және ішкі аудиторлармен кездесу өткізуге;

6) Ережеде көзделгендей Комитеттің басқаруындағы мәселелер бойныша кез келген тексерістер өткізуді бастамалауға немесе өткізуге;

7) Комитет отырыстарының хаттамаларымен және шешімдерімен, аудиторлық қорытындылармен танысуға;

8) Комитет отырысының хаттамасына күн тәртібі мәселелері және қабылданатын шешімдер бойынша өзінің ерекше пікірін енгізуді талап етуге;

9) Комитет отырысын шақыруды талап етуге және Комитет отырысының күн тәртібіне мәселелер енгізуге;

10) Ережеге өзгерістер мен толықтырулар енгізу бойынша ұсыныстар енгізуге;

11) өздеріне жүктелген өкілеттіктерді жүзеге асыру үшін қажетті басқа да құқықтарды пайдалануға құқылы.

9. Комитет мүшелері:

1) өз қызметін жалпы Қоғам мүддесі үшін адал және жауапкершілікпен жүзеге асыруға және Кодекс қағидаттарын сақтауға;

2) өз міндеттерін тиімді орындау үшін жеткілікті уақыт бөлуге;

3) Комитет жұмысына атсалысуға және оның отырыстарында қатысуға;

4) Директорлар кеңесіне өзінің тәуелсіз директор дәрежесінде болған кез келген өзгерістер туралы аталған дәрежесі күшін жойған сәттен бастап бес жұмыс күні ішінде немесе Комитет қабылдауы тиіс шешімдерге байланысты мүдделер қайшылығы туындағаны туралы хабарлауға;

5) өз функцияларын орындау барысында өздеріне мәлім болатын бүкіл ақпарттың құпиялығын сақтауға;

6) өз құзыреті шегінде және Ережеде көзделген тәртіпте Директорлар кеңесі, Комитет айқындауы мүмкін кез келген басқа да міндеттерді орындауға міндетті.
4 КОМИТЕТ ҚҰРАМЫ, ОНЫҢ МҮШЕЛЕРІН ТАҒАЙЫНДАУ ЖӘНЕ ӨКІЛЕТТІК МЕРЗІМІ
10. Комитеттің сандық құрамын, өкілеттік мерзімдерін анықтау, оның Төрағасы мен мүшелерін тағайындау, сонымен қатар олардың өкілеттіктерін мерзімінен бұрын тоқтату Қоғамның Директорлар кеңесінің құзыретіне жатады.

11. Комитет құрамы тек қана Тәуелсіз директорлар қатарынан құрылады. Қажет болған жағдайда Комитет құрамына Комитетте жұмыс істеу үшін қажетті кәсіби білімі бар сарапшы енгізілуі мүмкін.

12. Комитетте Қоғам мүдделері үшін және барлық акционерлерге қатысты әділ қарым-қатынас пен тұрақты даму қағидаттарын есепке ала отырып, тәуелсіз, дұрыс және тиімді шешімдер қабылдауды қамтамасыз ететіндей дағдылар, тәжірибе мен білім арасында теңгерім сақталуы тиіс.

13. Комитет кем дегенде үш Тәуелсіз директордан тұруы тиіс.

14. Комитет мүшелері бухгалтерлік есепке алу және қаржылық есептемені және/немесе қаржыларды дайындау және/немесе аудит, тәуекелдерді басқару, ішкі бақылау саласындағы білімге сәйкес келетін терең білімі мен нақты жұмыс тәжірибесі болуы тиіс.

15. Комитеттің мақсаттарына, міндеттері мен құзыретіне сәйкес салада кәсіби тәжірибесі мен біліктілігі бар сарапшы Комитеттің тиімді қызмет етуі мақсатында тартылады. Комитеттің құрамында сарапшының рөлі шешім қабылдаған кезде арнайы білімі мен кәсіби тәжірибесін қолдана отырып, Комитет мүшелерін қажетті ақпаратпен қамтамасыз етуде болып табылады және бұл Комитетке мәселені жан-жақты зерттеуге және Директорлар кеңесіне ұсынымдар дайындауға мүмкіндік береді. Комитет білікті сарапшыны тартқан кезде аталған тұлғаның дауыс беру құқығы болмауы тиіс.

16. Комитет мүшелерінің өкілеттік мерзімдері олардың Директорлар кеңесінің мүшелері ретіндегі өкілеттік мерзімдеріне сәйкес болуы тиіс, алайда Комитет құрамын Директорлар кеңесі жыл сайын қайта қарауы мүмкін.
5 КОМИТЕТ ТӨРАҒАСЫ
17. Комитет төрағасы Тәуелсіз директорлар қатарынан тағайындалады.

18. Комитет төрағасы өзі басқаратын Комитеттің жұмысын ұйымдастырады, атап айтқанда:

1. 
   Комитет отырысын шақырады және оларда төрағалық етеді;
   
2. 
   Комитет отырыстарының күн тәртібін, соның ішінде Комитет отырысына талқылау үшін шығарылатын мәселелердің мазмұнын бекітеді;
   
3. 
   Комитет отырыстарында мәселелерді талқылауды ұйымдастырады, сонымен қатар отырысқа қатысуға шақырылған тұлғалардың пікірлерін тыңдайды;
   
4. 
   Директорлар кеңесі отырыстарының жоспарын есепке ала отырып, ағымдағы жылға кезекті отырыстар жоспарын әзірлейді;
   
5. 
   Директорлар кеңесімен өзара тиімді қарым-қатынасты қамтамасыз ету мақсатында Директорлар кеңесінің мүшелерімен, Басқарма мүшелерімен, Қоғамның құрылымдық бөлімшелерінің қызметкерлерімен Комитет шешім қабылдауы үшін қажетті өте дұрыс және толық ақпаратты алу мақсатында үнемі байланысты сақтап отырады;
   
6. 
   Комитет мүшелері арасында міндеттерді бөледі, оларға Комитет отырысында қарау үшін мәселелерді терең зерттеуге және материалдар дайындауға байланысты тапсырмалар береді.
   

21. Комитет жұмысын ұйымдық және ақпараттық қамтамасыз ету бойынша функцияларды Комитеттің хатшысы жүзеге асырады.

22. Комитет хатшысы Комитет отырысын өткізуге дайындық жүргізу мен өткізуді, отырыстарға арналған материалдарды жинау мен жүйелендіруді, Комитет мүшелері мен шақырылған тұлғаларға Комитет отырысы өткізілетіні туралы хабарламаны, отырыстардың күн тәртібін, күн тәртібі мәселелері бойынша материалдарды уақтылы жіберуді, отырыс хаттамаларын жүргізуді, Комитет шешімдерінің жобаларын дайындауды қамтамасыз етеді, қажеттілігіне қарай Комитет отырыстарының хаттамасынан үзінді көшірме береді.

Комитет хатшысы Қоғамның архивіне өткізгенге дейін хаттаманың дұрыс жасалуына, Комитет хаттамасының, материалдары мен ұсынымдарының сақталуына жауапты болады.

Комитет хатшысы Комитет мүшелерінің қажетті ақпаратты алуын қамтамасыз етеді.

23. Комитет шешімдері күндізгі немесе сырттай дауыс беру нысанында қабылдануы мүмкін. Комитет қаралатын мәселелердің маңыздылығына сүйене отырып, отырысты өткізу нысанын таңдайды.

Кворум болған кезде ерекше жағдайларда қаралатын мәселелердің жеделдігі мен маңыздылығына қарай Комитет мүшесінің бейне конференция (интерактивті аудиовизуалды байланыс), конференц-байланыс (Комитет мүшелерінің «телефон арқылы мәжіліс» режимінде бір уақытта әңгімелесуі) арқылы, сонымен қатар басқа да байланыс құралдарын қолдана отырып, Комитеттің күндізгі отырысына қатысуына рұқсат етіледі. Бұл жағдайда Комитет мүшесі Комитеттің күндізгі отырысына қатысты деп есептеледі. Сонымен қатар Комитет отырысының хаттамасында қолданылған байланыс түрі көрсетіледі.

Мына мәселелер бойынша шешімдер сырттай отырыстарда қаралмайды:

1) Ішкі аудит қызметінің жұмыс нәтижелерін және өте маңызды аудиторлық түсіндірмелерді жалпылама нысанда ұсынатын тұрақты есептерін алдын ала мақұлдау;

2) Ішкі аудит қызметінің құрамы, өкілеттік мерзімі, оның басшысы мен қызметкерлерін тағайындау, сонымен қатар олардың өкілеттіктерін мерзімінен бұрын тоқтату, Ішкі аудит қызметінің жұмыс тәртібі туралы мәселелерді алдын ала мақұлдау.

Комитет отырысын күндізгі дауыс беру нысанында өткізуге ұсыным беріледі. Сырттай дауыс беру түріне айырықша жағдайларда рұқсат беріледі.

24. Комитет отырысы оның Төрағасының бастамасы немесе:

1) Комитеттің кез келген мүшесінің;

2) акционердің;

3) Ішкі аудит қызметі басшысының талап етуі бойынша шақырылуы мүмкін.

Комитет төрағасы отырысты өткізуден бас тартқан жағдайда бастамашы Комитет отырысын шақыруға міндетті Қоғамның Директорлар кеңесіне аталған талаппен жүгінуге құқылы.

Комитет отырысы аталған талапты қойған тұлғаларды міндетті түрде шақырумен өткізіледі.

25. Комитет отырысының күн тәртібіне енгізу үшін мәселелерді дайындайтын құрылымдық бөлімшелер 10 (он) жұмыс күннен кешіктірмей Комитет хатшысына күн тәртібі мәселесі бойынша материалдарды жібереді.

Қағазсыз құжат айналымына көшу аясында түсіндірме жазбалар, сонымен қатар оларға қоса берілген күн тәртібі мәселелері бойынша ЭЦҚ көмегімен қол қойылған материалдар ЭҚА арқылы жіберілуі мүмкін.

26. Комитет хатшысы Комитет отырысына ұсынылған материалдар негізінде Комитет отырысының күн тәртібін жасайды.

27. Комитет отырысын шақыру туралы хабарламаны, сонымен қатар күн тәртібі мәселелері бойынша материалдарды Комитет хатшысы Комитет мүшелеріне отырыс өткізілетін күнге дейін 10 (он) жұмыс күнінен кешіктірмей жібереді. Мәселе өте шұғыл болған жағдайда бұл мерзім Комитеттің барлық мүшелері Комитет отырысы туралы тиісті хабарламаны алған және олардан наразылық келіп түспеген жағдайда қысқартылуы мүмкін.

Хабарламада мыналар болуы тиіс:

1) отырыс өткізілетін күн, уақыт және жер;

2) отырыстың өткізілу нысаны (күндізгі, сырттай);

3) отырыстың күн тәртібі.

Хабарламаға міндетті түрде мыналар қоса беріледі:

- мәселені отырыстың күн тәртібіне енгізуге бастама жасаған тұлға қол қойған әрбір қаралатын мәселеге түсіндірме жазбалар (Ереженің 1-қосымшасы нысаны бойынша);

- Комитет отырысында қаралуы тиіс құжаттардың жобалары;

- дауыс беру үшін толтырылған бюллетеньдерді қабылдаудың аяқталатын күні көрсетілген, отырыстың күн тәртібі мәселелері бойынша (Комитет отырысын сырттай нысанда өткізген жағдайда) дауыс беруге арналған бюллетеньдер;

- қажет болған және қолда болған жағдайда басқа да қосымша құжаттар (таныстырылымдар, анықтамалық материалдар және т.б.).

28. Ішкі аудит қызметінің басшысы Комитеттің әрбір отырысында мына ақпаратты Комитеттің назарына жеткізуі тиіс:

- Комитеттің алдыңғы отырысынан дайындалған есептер туралы;

- жұмыс жасалып жатқан есептерге шолу;

- ағымдағы жұмыс және жобалар туралы;

- аудит объектілеріне қатысты талап етілетін түзету шаралары туралы;

- Ішкі аудит қызметінің Жылдық аудиторлық жоспарының орындалу дәрежесі туралы.

29. Егер Комитет мүшелерінің кем дегенде жартысы қатысқан болса, Комитет отырысы заңды болып табылады.

Шешімдер отырысқа қатысқан Комитет мүшелерінің көпшілік жай дауысымен қабылданады. Берілген дауыстар теңдей болған жағдайда Комитет төрағасының дауысы шешуші болып табылады.

Сырттай дауыс беру арқылы шешім белгіленген мерзімде алынған бюллетеньдерде кворум болған жағдайда қабылданды деп танылады (Ереженің 2-қосымшасы).

Бюллетеньде мыналар көрсетілуі тиіс:

1) Қоғамның толық фирмалық атауы және оның орналасқан жері;

2) дауыс беруге шығарылатын мәселелерді және әрбір мәселе бойынша шешімдер тұжырымдамасы;

3) әрбір мәселе бойынша дауыс беру нұсқалары: «жақ», «қарсы», «қалыс қалды»;

4) «ескертпе» графасы;

5) толтырылған бюллетеньдер жіберілуі тиіс почталық мекенжай;

6) бюллетеньдерді қабылдау аяқталатын күн.

30. Комитет мүшелері болып табылмайтын Директорлар кеңесінің мүшелері өз бастамасы бойынша Комитет отырыстарына қатыса алады. Қажет жағдайда Комитет отырыстарына Комитет төрағасының шақыруымен мына тұлғалар қатысуы мүмкін:

1) Ішкі аудит қызметінің басшысы, Комплаенс-офицер;

2) жетекші әріптес және/немесе сыртқы аудитордың басқа да өкілдері;

3) Қоғамның бірінші басшысы және басқа да өкілдері, соның ішінде бас бухгалтер, сонымен қатар Қоғамның құрылымдық бөлімшелерінің басшылары;

4. 
   күн тәртібі мәселелері бойынша ақпарат алу үшін белгіленген тәртіпте тартылған тәуелсіз консультанттар (сарапшылар).
   

Комитет хатшысы Комитет отырыстары хаттамаларының сақталуын қамтамасыз етеді.

7 КОМИТЕТ ФУНКЦИЯЛАРЫ

1) қаржылық есептеме мәселелері бойынша:

а) Қоғамның басшылығымен және сыртқы аудитормен қаржылық есептемені, сонымен қатар қаржылық есептеменің қолданылған қағидаттарының негізділігі мен тиімділігін, қаржылық есептемедегі маңызды бағалау көрсеткіштерін, есептеменің маңызды түзетулерін талқылайды;

б) Қоғамның басшылығымен, сыртқы және ішкі аудиторлармен Қоғамның Есепке алу саясатына енгізілетін өзгерістерді және есептеме мазмұнында бұл өзгерістер қалай көрініс табатынын талқылайды;

в) сыртқы аудитор мен Қоғам басшылығы арасындағы Қоғамның қаржылық есептемесіне қатысты кез келген күрделі келіспеушіліктерді қарайды;

г) Қоғамның Есепке алу саясатын алдын ала мақұлдайды;

д) Қоғамның жылдық қаржылық есептемесін алдын ала мақұлдайды;

2) ішкі бақылау және тәуекелдерді басқару мәселелері бойынша:

а) сыртқы және ішкі аудиторлардың ішкі бақылау және тәуекелдерді басқару жүйелерінің жай-күйі туралы есептерін талдайды;

б) Қоғамның ішкі бақылау құралдары мен тәуекелдерді басқару жүйелерінің тиімділігін талдайды, сонымен қатар осы және аралас мәселелер бойынша ұсыныстар береді;

в) Қоғамның ішкі және сыртқы аудиторларының ішкі бақылау және тәуекелдерді басқару жүйелеріне қатысты ұсынымдарының орындалуын бақылауды жүзеге асырады;

г) тәуекелдерді басқару мен ішкі бақылаудағы күрделі тәуекелдер мен бақылау проблемаларын және Қоғамның тиісті жоспарларын қарау үшін Қоғам басшылығымен тұрақты кездесулер өткізіп отырады;

д) Қоғамның ішкі бақылау және тәуекелдерді басқару бойынша саясаты мен рәсімдерін алдын ала мақұлдайды;

е) Қоғам әзірлеген ішкі бақылау және тәуекелдерді басқару жүйелерін жетілдіру бойынша іс-шаралардың (түзету қадамдары) нәтижелері мен сапасын талдайды;

з) сыртқы аудит бойынша саясатқа қатысты ұсынымдар дайындайды, сонымен қатар сыртқы аудитор көрсетуі мүмкін қызметтерге шектеулерді анықтайды;

и) Тәуекелдер жөніндегі есепті алдын ала мақұлдайды;

к) жекелеген банк-контрагенттерге теңгерімдік және теңгерімнен тыс міндеттер бойынша лимиттерді алдын ала мақұлдайды;

л) тұрақты даму саласындағы тәуекелдерді, сонымен қатар қаржылық емес ақпарат пен есептеменің сапасын бақылауды жүзеге асырады;

м) Қоғамның тәуекелдер тізілімін, картасын және негізгі тәуекелдерді басқару жөніндегі іс-шаралар жоспарын алдын ала мақұлдайды;

н) Қоғамның тәуекел-аппетитін, төзімділік деңгейін, негізгі тәуекелдер бойынша негізгі тәуекел көрсеткіштерін алдын ала мақұлдайды;

о) ішкі бақылауға мұқият қадғалау жүргізеді және Қоғамның Директорлар кеңесін тоқсан сайын ішкі бақылау жүйесінің тиімділігі туралы, сонымен қатар ішкі қаржылық бақылауды, сонымен бірге Директорлар кеңесінің олардың тиімді жұмысы жөніндегі оң қорытындысын алу үшін олардың жеткіліктілігін қоса алғанда, тәуекелдерді басқару және ішкі бақылау жүйелеріне сенімділік деңгейін бағалау туралы хабарлайды.

Ішкі бақылау тиімділігінің аз болуына байланысты қайсыбір қауіптер болған кезде Комитет Ішкі аудит қызметіне ішкі бақылауды тестілеу үшін қосымша сыртқы ресурстарды тарту мүмкіндігін қарастыра алады;

3) сыртқы аудит мәселелері бойынша:

а) Қоғамның сыртқы аудиторын тағайындау және ауыстыру жөніндегі мәселелерді зерттейді және аталған мәселе бойынша ұсынымдар дайындайды;

б) сыртқы аудитордан Қоғамға сыртқы аудитор көрсететін (көрсетуді жоспарлайтын) барлық ілеспе қызметтер тізбесін алуды қамтамасыз етеді және оны сыртқы аудитормен талқылайды. Ілеспе қызметтердің аудитордың тәуелсіздігімен қаншалықты сай келетінін бағалайды. Қоғамның Директорлар кеңесіне сыртқы аудитордың тәуелсіздігін қамтамасыз ететін шаралар қабылдауға ұсыным береді;

в) сыртқы аудитордан ілеспе қызмет алуды алдын ала мақұлдайды;

г) сыртқы аудитормен Қоғамның жылдық қаржылық есептемесіне аудит жүргізуге жасалатын шарт (келісімшарт) жобасының маңызды талаптарын алдын ала мақұлдайды;

д) сыртқы аудитормен ұсынылатын жоспар және аудит көлемі Қоғамның Директорлар кеңесі мен акционерлерінің қажеттілігіне сәйкес келетінін талқылайды;

е) Қоғам басшылығының аудит қорытындылары бойынша ақпаратын қоса алғанда, жыл сайынғы және аралық аудиттердің нәтижелерін сыртқы аудитормен бірлесе қарайды;

ж) Қоғам басшылығы өкілдерінің қатысуынсыз кем дегенде жарты жылда бір рет сыртқы аудитормен кездесу өткізеді;

з) сыртқы аудитор қолданатын тәсілдің (әдіснама, ресурстар мен т.б.) дұрыстығын бағалайды және бақылайды;

и) Директорлар кеңесіне сыртқы аудитор қызметін қорытынды бағалау туралы есепті (жалпы біріктірілген ақпаратты) ұсынады;

4) ішкі аудит мәселесі бойынша:

а) ішкі аудит қызметінің жұмысына жетекшілік етеді;

б) Ішкі аудит қызметінің сандық құрамы, өкілеттік мерзімі, оның басшысы мен қызметкерлерін тағайындау, сонымен қатар олардың өкілеттіктерін мерзімінен бұрын тоқтату, Ішкі аудит қызметінің жұмыс тәртібі туралы ұсыныстарды енгізеді;

в) Директорлар кеңесіне Ішкі аудит қызметінің қызметкерлеріне төленетін еңбекақы мен сыйақы мөлшері мен шарттары, Ішкі аудит қызметі қызметкерлеріне қойылатын біліктілік талаптары туралы ұсыныстар енгізеді;

г) Ішкі аудит қызметі туралы ережені, саясатты, ішкі аудит рәсімдерін және Ішкі аудит қызметінің жұмысын реттейтін басқа да құжаттарды, сонымен қатар олардың өзгерістері мен толықтыруларын алдын ала мақұлдайды, Ішкі аудит қызметінің Қоғам басшылығына тәуелсіздігін қамтамасыз етеді;

д) Қоғамның еншілес ұйымдарында Ішкі аудит қызметінің басшылары мен қызметкерлерінің кандидатураларын алдын ала келіседі, сонымен қатар оларда директорлар кеңесі мен аудит жөніндегі комитет болмаған жағдайда олардың өкілеттіктерін мерзімінен бұрын тоқтату туралы ұсыныс береді;

е) директорлар кеңесі мен аудит жөніндегі комитеті болмаған жағдайда Қоғамның еншілес ұйымдарының ішкі аудиті саясаты мен рәсімдерін алдын ала мақұлдайды;

ж) Ішкі аудит қызметінің жылдық аудиторлық жоспарын, бюджетін (шығыстар сметасын) алдын ала мақұлдайды;

з) Ішкі аудит қызметінің жалпылама форматта жұмыс нәтижелерін және анағұрлым маңызды аудиторлық түсіндірмелерді ұсынатын тұрақты есептерін алдын ала мақұлдайды;

и) Ішкі аудит қызметіне алға қойылған міндеттерді тиімді орындауға кедергі жасайтын күрделі шектеулер мәселесін қарайды және осындай шектеулерді жоюға көмектеседі;

к) Қоғам басшылығының қатысуынсыз Ішкі аудит қызметінің басшысымен кем дегенде тоқсанда 1 (бір) рет кездесу өткізеді;

л) Ішкі аудит қызметінің қызметіне алдын ала бағалау жүргізеді;

м) Ішкі аудит қызметін тәуелсіз бағалау нәтижелерін қарайды және Қоғамның Директорлар кеңесінің назарына тиісті ақпаратты жеткізеді;

н) Ішкі аудит қызметі қызметкерлерінің жұмысын бағалау нәтижелерін талқылау және дарындар картасында оларды бөлу үшін калибрлеу сессияларын өткізеді;

о) қажет жағдайларда Ішкі аудит қызметінің мүдделі мәселелерге тәуелсіз тексеру (бағалау) жүргізуіне бастама жасайды.

Егер Қоғам Басқармасында Ішкі аудит қызметінің қызықтыратын мәселеге тәуелсіз тексеру жүргізу қажеттілігі туындаса, онда Қоғамның Басқармасы Комитетке аталған тәуелсіз тексеруді (бағалауды) жүзеге асыруға алдын ала рұқсат алу үшін жүгінеді.

5) Қазақстан Республикасының заңнамасын сақтау мәселелері бойынша:

а) Қоғам заңнамасының сақталуын қамтамасыз етуге арналған Қоғамның ішкі рәсімдерінің тиімділігін бағалайды;

б) уәкілетті оргндардың (соның ішінде салық органдарының), сыртқы және ішкі аудиторлрдың, Қоғам бсшылығының Қазақстан Республикасының заңнамасын сақтау мәселелері жөніндегі есептерін алады және зерттейді;

в) Қоғам қызметкерлері Қазақстан Республикасы заңнамасының бұзылу мүмкіндігі және қызметін теріс пайдалану, соның ішінде қаржылық есептеменің дұрыстығы мен толықтығына қатысты қызметін теріс пайдалану туралы ақпаратпен құпия немесе есімін көрсетпей шағым білдіре алатын «қызу желі» рәсімі бойынша ұсыныстарды, сонымен қатар осындай шағымдарды қару және оған қатысты әрекет ету тәртібі бойынша ұсыныстарды енгізеді;

6) Комплаенс-офицер қызметінің мәселелері бойынша:

а) Комплаенс-офицер қызметіне жетекшілік етеді;

б) Комплаенс-офицердің өкілеттік мерзімі, оны тағайындау, сонымен қатар оның өкілеттіктерін мерзімінен бұрын тоқтату, жұмыс тәртібі туралы ұсыныстарды енгізеді;

в) Директорлар кеңесіне Комплаенс-офицерге төленетін еңбек ақы мен сыйақы мөлшері және төлеу талаптары, Комплаенс-офицерге қойылатын біліктілік талаптары туралы ұсыныстарды енгізеді;

г) Комплаенс-офицер туралы ережені, саясатты, рәсімдерді және басқа да құжаттарды, сонымен қатар оларға өзгерістер мен толықтыруларды алдын ала мақұлдайды, Комплаенс-офицердің Қоғам басшылығына тәуелсіздігін қамтамасыз етеді;

е) жұмыс нәтижелері мен анағұрлым маңызды түсіндірмелерді жалпылама форматта ұсынатын Комплаенс-офицердің тұрақты есептерін алдын ала мақұлдайды;

ж) Комплаенс-офицерге алдыға қойылған міндеттерді тиімді орындауға кедергі келтіретін күрделі шектеулер мәселелерін қарайды және осындай шектеулерді жоюға көмектеседі;

з) Комплаенс-офицер қызметін бағалау нәтижесін талқылау және оны дарындар картасында бөлу үшін калибрлеу сессиясын өткізеді;

и) Комплаенс-офицер қызметінің мәселелері бойынша басқа да функцияларды орындайды;

7) Комитет қызметінің мәселелері бойынша:

а) Комитет туралы ережені, сонымен қатар оған өзгерістер мен толықтыруларды алдын ала мақұлдайды;

б) тұрақты түрде, бірақ жылына кем дегенде бір рет Директорлр кеңесінің алдында өз қызметі туралы есеп береді;

в) Директорлар кеңесінің есебіне енгізу және Акционерлердің жалпы жиналысы алдында беретін есепте ашып көрсету үшін Комитет жұмысының нәтижелері туралы ақпаратты дайындайды;

8) басқа да функциялар:

а) қажеттігіне қарай Директорлар кеңесіне арнайы тексерулер (тексерістер) жүргізу жөнінде, соның ішінде тәуелсіз консультанттарды (сарапшыларды) қатыстыра отырып, ұсыныс дайындайды;

б) алаяқтық жағдайларын талдап, қорытындылайды және алдағы уақытта алаяқтықтың алдын алу бойынша Қоғам Басқармасы қабылдаған шаралардың дұрыстығын бағалайды;

в) жасалған ірі мәмілелер және жасалуында мүдделілік бар мәмілелер туралы есептерді алдын ала мақұлдайды;

г) Директорлар кеңесінің тапсырмасы бойынша Комитеттің құзырына жататын басқа да функцияларды орындайды.

8 КОМИТЕТ МҮШЕЛЕРІНІҢ ЖАУАПКЕРШІЛІГІ
33. Комитет мүшесі Қоғам мен Акционерлердің жалпы жиналысы алдында Қазақстан Республикасының заңнамасына сәйкес оның әрекеттерінен (әрекетсіздігінен) келтірілген зиян үшін, сонымен қатар адстыратындай ақпарат немесе қасақана жалған ақпарат беру нәтижесінде келтірілген зиян үшін жауапты болады.
9 ЕРЕЖЕНІҢ ЗАҢДЫ КҮШІ

34. Ережені бекіту, сонымен қатар оған өзгерістер мен толықтырулар енгізу Директорлар кеңесінің құзыретіне жатады.

35. Егер Қазақстан Республикасының заңнамасы, Жарғы немесе Кодекс өзгерген жағдайда Ереженің жекелеген нормалары оларға қайшы келеді, Ереженің аталған нормалары тиісті өзгерістер енгізген сәтке дейін күшін жояды.
Әзірлеуші:

Аға аудитор

Ішкі аудит қызметі _____________ А. Кусельбаев

«KEGOC» АҚ Директорлар кеңесінің

Аудит жөніндегі комитеті туралы

ережеге 1-қосымша

Аудит жөніндегі комитет отырысының күн тәртібі мәселесі бойынша түсіндірме жазбалардың, шешім жобасының нысаны

Н.Е KEGOC 00-214-01
«KEGOC» АҚ Директорлар кеңесі

Аудит жөніндегі

комитетінің мүшелеріне
Директорлар кеңесінің Аудит жөніндегі комитеті отырысының

күн тәртібі мәселесі бойынша

ТҮСІНДІРМЕ ЖАЗБА

«Мәселенің атауы»
Директорлар кеңесінің Аудит жөніндегі комитеті отырысының күн тәртібі мәселесінің мазмұны

Түсіндірме жазбада ұсынылып отырған және Директорлар кеңесінің Аудит жөніндегі комитетінің құзыретіне жататын мәселе шығарылатын Қоғамның ішкі құжаттарының нормаларына сілтеме болуы және мынадай мәселелер тізбесінен тұруы тиіс:
1. Мәселенің мәні, мәселені Аудит жөніндегі комитеттің қарауына шығару қажеттілігінің негіздемесі;

2. Түсіндірме жазбаға қоса берілген материалдар (түсіндірме жазбаға қосымшалр ретінде «KEGOC» АҚ ішкі қағидалары мен рәсімдеріне сәйкес ресімделеді);

3. Аудит жөніндегі комитет ұсынылған шешімді қабылдаған немесе қабылдамаған жағдайда туындауы мүмкін тәуекелдер, аталған тәуекелдердің іске асырылу салдары, аталған тәуекелдерді азайту жөніндегі шаралар;

4. Аудит жөніндегі комитет мәселе бойынша шешім қабылдаған жағдайда орын алуы мүмкін әлеуметтік-экономикалық және/немесе құқықтық салдар;

5. Нақты мақсаттар, күтілетін нәтижелерінің мерзімдері және болжамдалған тиімділік;

6. Аудит жөніндегі комитет қоғам бюджетіне сүйене отырып, мәселе бойынша шешімді іске асыруына байланысты орын алуы мүмкін қаржылық шығыстар (қосымша шығындар, түсімнің артуы, шығындардың азаюы);

7. Заңнамалық актілер, Қоғамның жоғары тұрған органдарының актілері, Қоғамның Директор кеңесі мен комитеттерінің актілері, бұрын қаралатын мәселе бойынша қабылданған тапсырмалар және оларды іске асыру нәтижелері туралы мәліметтер;

8. Қоғамның, еншілес және бағынысты ұйымдардың ішкі актілерін шығарылған мәселе бойынша Аудит жөніндегі комитеттің шешіміне сәйкес келтіру қажеттілігі;

9. Басқа да мәліметтер.
Бастамашының лауазымы қолы бастамашының Т.А.Ә.

Н.Е KEGOC 00-214-02

«KEGOC» АҚ Директорлар кеңесі Аудит жөніндегі комитетінің отырыстың күн тәртібі мәселесі бойынша шешімінің жобасы

«Мәселенің атауы»

Күн тәртібінің мәселесін және ұсынылған материалдарды қарай келе, («Акционерлік қоғамдар туралы» Қазақстан Республикасының заңы, Қоғам Жарғысының, Аудит жөніндегі комитет туралы ереженің қағидалары көрсетіледі, солардың негізінде аталған мәселе Аудит жөніндегі комитеттің құзыретіне жатады), Аудит жөніндегі комитет ШЕШТІ:

ұсынылатын шешімнің мазмұны


«KEGOC» АҚ Директорлар кеңесінің

Аудит жөніндегі комитеті туралы

ережеге 2-қосымша

Сырттай дауыс беруге арналған бюллетень нысаны

Н.Е KEGOC 00-214-03
«Электр желілерін басқару жөніндегі Қазақстан компаниясы» акционерлік қоғамы Директорлар кеңесінің Аудит жөніндегі комитеті мүшесінің сырттай дауыс беруге арналған бюллетені¹
«Электр желілерін басқару жөніндегі Қазақстан компаниясы» (Kazakhstan Electricity Grid Operating Company) «KEGOC» акционерлік қоғамының (бұдан әрі – «KEGOC» АҚ немесе Қоғам) орналасқан жері: Астана қ., Алматы ауд., Тәуелсіздік даңғ., 59-ғимарат.

Қоғамның Аудит жөніндегі комитетінің сырттай отырысын (бастамашының Т.А.Ә. және лауазымы көрсетіледі) шақырды.

Осы бюллетень Қоғамның Аудит жөніндегі комитеті мүшесіне (Комитет мүшесінің Т.А.Ә. және лауазымы көрсетіледі) берілген күн: (берілген күні көрсетіледі)

Қол қойылған бюллетень Қоғамның Аудит жөніндегі комитеті хатшысының жеке қолына берілуі тиіс тел.: (телефон №) (күні) дейін.

Күн тәртібі:

1. 
   (күн тәртібі мәселесі көрсетіледі).
   
2. 
   (күн тәртібі мәселесі көрсетіледі).
   
3. 
   (күн тәртібі мәселесі көрсетіледі).
   

Күн тәртібі мәселесі (мәселе нөмірі) бойынша ұсынылған материалдар қаралғаннан кейін Аудит жөніндегі комитет шешім қабылдайды:

Күн тәртібінің әрбір мәселесі бойынша шешім көрсетіледі

Т.А.Ә.	«Жақ»	«Қарсы»	«Қалыс қалды»

Ескертпе²
Аудит жөніндегі комитет хатшысы қолы Т.А.Ә.

«KEGOC» АҚ Директорлар кеңесінің

Аудит жөніндегі комитеті туралы

ережеге 3-қосымша

Аудит жөніндегі комитеттің күндізгі отырысы хаттамасының нысаны

Н.Е KEGOC 00-214-04
«Электр желілерін басқару жөніндегі Қазақстан компаниясы» акционерлік қоғамы Директорлар кеңесі Аудит жөніндегі комитетінің сырттай отырысының хаттамасы
Астана қ. № «__» ______ 20ХХ жыл
«Электр желілерін басқару жөніндегі Қазақстан компаниясы» акционерлік қоғамының (бұдан әрі – «KEGOC» АҚ немесе Қоғам) орналасқан жері: «Электр желілерін басқару жөніндегі Қазақстан компаниясы» (Kazakhstan Electricity Grid Operating Company) «KEGOC» акционерлік қоғамы (бұдан әрі – «KEGOC» АҚ немесе Қоғам), Астана қ., Алматы ауданы, Тәуелсіздік даңғылы, 59-ғимарат.

Қоғамның Директорлар кеңесі Аудит жөніндегі комитетінің отырысы өткізілетін жер: (отырыс өткізілетін мекенжай көрсетіледі).

Қоғамның Директорлар кеңесі Аудит жөніндегі комитетінің отырысы (отырыс өткізілетін күн көрсетіледі) ашылды.

Отырыста Қоғамның Директорлар кеңесі Аудит жөніндегі комитетінің мына мүшелері қатысты:

Аудит жөніндегі комитеттің төрағасы:

Комитет төрағасының Т.А.Ә.

-

Негізгі жұмыс орны бойынша лауазымының атауы

Аудит жөніндегі комитет мүшелері:

Аудит жөніндегі комитет мүшесінің Т.А.Ә.	-	Негізгі жұмыс орны бойынша лауазымының атауы
Аудит жөніндегі комитет мүшесінің Т.А.Ә.	-	Негізгі жұмыс орны бойынша лауазымының атауы

Қоғамнан шақырылғандар: (Қоғамнан шақырылған қызметкерлердің тегі, аты, әкесінің аты көрсетіледі).

Қоғамның Директорлар кеңесі Аудит жөніндегі комитетінің отырысын өткізу үшін кворум бар.

Аудит жөніндегі комитеттің өткен отырысы хаттамасына (Хаттама күні мен нөмірі көрсетіледі) қол қойылды, жауапты бөлімшелер тапсырмалармен танысты.

Қоғамның Директорлар кеңесі Аудит жөніндегі комитетінің мүшелеріне Директорлар кеңесі отырысының мынадай күн тәртібін қарау ұсынылды:

1. 
   (күн тәртібі мәселесі көрсетіледі).
   
2. 
   (күн тәртібі мәселесі көрсетіледі).
   

Төраға ұсынылған күн тәртібін дауыс беруге қойды.

Дауыс бергендер:

«Жақ» – (дауыс саны және Аудит жөніндегі комитет мүшелерінің тегі, аты, әкесінің аты көрсетіледі).

«Қарсы» - (дауыс саны және Аудит жөніндегі комитет мүшелерінің тегі, аты, әкесінің аты және Аудит жөніндегі комитет «Қарсы» деп дауыс берген немесе жекелеген ескертулері болған себептер көрсетіледі).

«Қалыс қалды» - (дауыс саны және Аудит жөніндегі комитет мүшелерінің тегі, аты, әкесінің аты және Аудит жөніндегі комитет мүшесі «Қалыс қалды» деп дауыс берген немесе жекелеген ескертулері бар себептер көрсетіледі).

Дауыс бермеді – (дауыс саны және Аудит жөніндегі комитет мүшелерінің тегі, аты, әкесінің аты және Аудит жөніндегі комитет «Қалыс қалды» деп дауыс берген немесе жекелеген ескертулері болған себептер көрсетіледі)

Мына күн тәртібі бекітілсін:

1. (күн тәртібі мәселесі көрсетіледі).

2. (күн тәртібі мәселесі көрсетіледі).

Күн тәртібі мәселесі (мәселе нөмірі) бойынша (сөз сөйлеген адамның лауазымы және тегі, аты, әкесінің есімі көрсетіледі) сөз сөйледі …. ол (сөз сөйлеген адам баяндаған күн тәртібі мәселесінің мәні қысқаша беріледі) туралы баяндады.

Мәселені талқылауға (мәселені талқылауға қатысқан адамның тегі, аты, әкесінің аты және олардың түсіндірмелерінің қысқаша мәні көрсетіледі) қатысты.

Күн тәртібінің мәселесі (мәселе нөмірі) бойынша ұсынылған материалдарды қарай келе, «KEGOC» АҚ Директорлар кеңесінің Аудит жөніндегі комитеті туралы ережеге сәйкес Аудит жөніндегі комитет ШЕШТІ:

«Жақ» – (дауыс саны және Аудит жөніндегі комитет мүшелерінің тегі, аты, әкесінің аты көрсетіледі).

«Қарсы» - (дауыс саны және Аудит жөніндегі комитет мүшелерінің тегі, аты, әкесінің аты және Аудит жөніндегі комитет «Қарсы» деп дауыс берген немесе жекелеген ескертулері болған себептер көрсетіледі).

«Қалыс қалды» - (дауыс саны және Аудит жөніндегі комитет мүшелерінің тегі, аты, әкесінің аты көрсетіледі және Аудит жөніндегі комитет «Қалыс қалды» деп дауыс берген немесе жекелеген ескертулері болған себептер көрсетіледі).

Дауыс берген жоқ – (дауыс саны және Аудит жөніндегі комитет мүшелерінің тегі, аты, әкесінің аты және Аудит жөніндегі комитет «Қалыс қалды» деп дауыс берген немесе жекелеген ескертулері болған себептер көрсетіледі).

1. 
   (Аудит жөніндегі комитеттің шешімі көрсетіледі).
   
2. 
   (Аудит жөніндегі комитеттің шешімі көрсетіледі).
   
3. 
   (Аудит жөніндегі комитеттің шешімі көрсетіледі).
   

Аудит жөніндегі комитеттің отырысы (отырыс жабылатын уақыт көрсетіледі) жабық.

Аудит жөніндегі комитет төрағасы	қолы	Аудит жөніндегі комитет төрағасының Т.А.Ә.
Аудит жөніндегі комитет хатшысы	қолы	Аудит жөніндегі комитет хатшысының Т.А.Ә.

«KEGOC» АҚ Директорлар кеңесінің

Аудит жөніндегі комитеті туралы

ережеге 4-қосымша

Аудит жөніндегі комитеттің сырттай отырысы хаттамасының нысаны

Н.Е KEGOC 00-214-05

«Электр желілерін бсқару жөніндегі Қазақстан компаниясы» акционерлік қоғамы Директорлар кеңесі Аудит жөніндегі комитетінің сырттай отырысының хаттамасы
Астана қ. № «__» ______ 20ХХ жыл
«Электр желілерін басқару жөніндегі Қазақстан компаниясы» акционерлік қоғамының (бұдан әрі – «KEGOC» АҚ немесе Қоғам) орналасқан жері: («Электр желілерін бсқару жөніндегі Қазақтан компаниясы» (Kazakhstan Electricity Grid Operating Company) «KEGOC» акционерлік қоғамы (бұдан әрі – «KEGOC» АҚ немесе Қоғам): Астана қ., Алматы ауданы, Тәуелсіздік даңғылы, 59-ғимарат.

Қоғамның Директорлар кеңесі Аудит жөніндегі комитетінің отырысы өткізілетін жер: (отырыс өткізілетін мекенжай көрсетіледі).

Қоғамның Директорлар кеңесі Аудит жөніндегі комитетінің отырысы (отырыс өткізілетін уақыт көрсетіледі) ашылды.
Аудит жөніндегі комитеттің төрағасы:

Аудит жөніндегі комитет төрағасының Т.А.Ә.

-

Негізгі жұмыс орны бойынша лауазымының атауы

Аудит жөніндегі комитет мүшелері:

Аудит жөніндегі комитет мүшесінің Т.А.Ә.	-	Негізгі жұмыс орны бойынша лауазымының атауы
Аудит жөніндегі комитет мүшесінің Т.А.Ә.	-	Негізгі жұмыс орны бойынша лауазымының атауы

Аудит жөніндегі комитет отырысын (бастамашының Т.А.Ә. және лауазымы көрсетіледі) шақырды.

Қол қойылған бюллетеньдер Комитеттің барлық мүшелерінен сырттай дауыс беруге арналған бюллетеньдерде белгіленген мерзімде алынды.

Қоғамның Директорлар кеңесі Аудит жөніндегі комитетінің мүшелеріне Директорлар кеңесі отырысының мынадай күн тәртібі қарауға ұсынылды:

1. 
   (күн тәртібі мәселесі көрсетіледі).
   
2. 
   (күн тәртібі мәселесі көрсетіледі).
   
3. 
   (күн тәртібі мәселесі көрсетіледі).
   

Шешім қабылдау үшін кворум бар.

Күн тәртібінің мәселесі (мәселе нөмірі) бойынша ұсынылған материалдарды қарай келе «KEGOC» АҚ Директорлар кеңесінің Аудит жөніндегі комитеті туралы ережеге сәйкес, Аудит жөніндегі комитет ШЕШТІ:

«Жақ» – (дауыс саны және Директорлар кеңесінің Аудит жөніндегі комитеті мүшелерінің тегі, аты, әкесінің аты көрсетіледі).

«Қарсы» - (дауыс саны және Аудит жөніндегі комитет мүшелерінің тегі, аты, әкесінің аты және Директорлр кеңесінің Аудит жөніндегі комитеті мүшесі «Қарсы» деп дауыс берген немесе жекелеген ескертулері бар себептер көрсетіледі).

«Қалыс қалды» - (дауыс саны және Директорлар кеңесінің Аудит жөніндегі комитеті мүшелерінің тегі, аты, әкесінің аты Директорлр кеңесінің Аудит жөніндегі комитеті мүшесі «Қалыс қалды» деп дауыс берген немесе жекелеген ескертулері бар себептер көрсетіледі көрсетіледі).
Ескертпе³:

1. 
   (Қоғамның Директорлар кеңесі Аудит жөніндегі комитетінің шешімі көрсетіледі).
   
2. 
   (Қоғамның Директорлар кеңесі Аудит жөніндегі комитетінің шешімі көрсетіледі).
   
3. 
   (Қоғамның Директорлар кеңесі Аудит жөніндегі комитетінің шешімі көрсетіледі).
   

Қоғамның Директорлар кеңесі Аудит жөніндегі комитетінің отырысы (отырыс жабылған уақыт көрсетіледі) жабық.

Аудит жөніндегі комитет төрағасы	қолы	Аудит жөніндегі комитет төрағаының Т.А.Ә.
Аудит жөніндегі комитет хатшысы	қолы	Аудит жөніндегі комитет хатшысының Т.А.Ә.

«KEGOC» АҚ Директорлар кеңесінің

Аудит жөніндегі комитеті туралы

ережеге 5-қосымша

жүктеу 272 Kb.

Достарыңызбен бөлісу: