ПоәК 042-18-11 20. 54/03-2014 Баспа №2 29. 08. 2014

Манометрлік термометрлермен -150 дан 600°С-ға дейінгі температураларды өлшеуге болады. Өлшеу диапазоны терможүйедегі толтырылған жұмыстық зат арқылы анықталады.

Сурет 10.3.4.1. Манометрлік термометр.

Аспаптың барлық жүйесі (термобаллон, капиллярлы түтікше, манометрлік серіппе) жұмысшы затымен толтырылған. Термобаллон өлшеу обьектісіне батырылады. Жұмысшы затының температурасы өзгерген кезде, тұйық жүйедегі термобаллондағы қысым өзгереді, ол капилляр түтікше арқылы манометрлік термометрдің өлшегіш аспабы болып табылатын, манометрлік бөлігіне беріледі. Манометрлік термометрлер құрылымы бойынша барлық типтері бірдей. Өлшеу жүйесінің конструкциясына қарай олар көрсеткішті, өзі жазатын, көрсеткішті қашықтан беруге арналған өзіне орналастырылған түрлендіргішімен шкаласыз болып бөлінеді.

Манометрлік термометрлер – көрсеткішті қашықтан беретін және өлшеуді автоматты түрде тіркеуді жүзеге асыратын қарапайым құрылғы. Термометрлер унифицирленген пневматикалы және электрлік сигналдармен шығарылады. Мұндай термометрлердің артықшылығы – жарылысты қауіпті нысандарда (обьект) пайдалануға болатындығында. Кемшілігіне мыналар жатады: жөндеуге күрделі және аспаптың разгерметизацияға ұшырауына байланысты тексеруді (поверка) жйі жасау қажет, сонымен қатар термобаллонның размері үлкен.