Б. К. Кенжембетова сурет салу әдістемелік нұсқау Мектепке дейінгі тәрбие мен оқытудың үлгілік оқу бағдарламасы

61 

 

Мысалы:  арба  –  тік  төртбұрыш,  екі  дөңгелектен  тұрады;  көзілдірік  –  екі  дөңгелек 

және жіңішке, қысқа жолақша т.б., балалар тапсырманы орындауға кіріседі, педагог жеке 

нұсқаулар  беріп,  жұмысқа  кірісе  алмай  отырған  балаларға  көмекке  келеді.  Бейнені 

құрастыруға  да,  түстерінің  үйлесім  табуына  да  бағыт  береді.  Тапсырманы  тез,  белсенді 

орындағандарға қосымша ретінде жасағандарын басқа бейнеге өзгертуді ұсынады. Ең көп 

және дұрыс жасай білген балалар мадақталады. 

«Әдемі гүлдер» 

Ойынның  тәрбиелік  мәні.  Әдемі  гүлдердің  суретін  салуды,  жапсыру  кезіндегі 

іскерлік дағдыларды еркін меңгеруді үйрету. Қиылған ұсақ бөлшектерден өздеріне таныс 

гүлді  құрастыру.  Гүлдің  құрылысын  беруде  түстердің  үйлесімділігін  табуға,  кеңістікте 

дұрыс орналастыруға жаттықтыру. 

Қажетті  көрнекіліктер.  Гүл  суреттері,  натюрморт,  ашықхаттар.  Гүлдердің 

құрылысын ашатын ұсақ қиындылар (түстері пішініне сәйкес әртүрлі болуы қажет).  

Тақта, мольберт немесе фланелеграф. 

Ойын ережесі

: 

а) гүл жапырақтарының ерекшелігіне назар аударып, сәйкес пішіндер таңдау; 

ә) түр-түсіне, құрылысына қарай отырып құрылым жасау; 

б) гүлдер жайында білетін өлең-тақпақтар, жұмбақтарын айтып, әсемдікті әсерлеу. 

Ойынға  басшылық.  Бұл  ойында  балалардың  қоршаған  ортадан  әсемдікті 

қабылдауынан туған ойларын оқу қызметі барысында көрсетулері ұсынылады. Гүлдердің 

әдемі  суреттерін,  ашықхаттарды,  шоқ  гүлдерді,  гүлмен  безендірілген  сәндік  суреттерді 

тамашалап,  әңгімелейді.  Педагог  балалардың  қандай  гүлдерді  ұнататынын  сұрап,  түсіне, 

күлте  жапырақшаларының  ерекшелігіне  тоқталады.  Мысалы,  түймедақ  гүлін  (ромашка) 

жасағысы келсе, басы доғал, ұзынша келген жапырақтар, ортасына түсті дөңгелек, жасыл 

жіңішке  жолақтан  сабағы  және  жапырағын  таңдап  алу  керек,  сүйір,  ұзынша 

жапырақтардан  ақ  түсті  болса  бәйшешек,  қызыл  сары  түсті  болса  лилия  гүлдерін  құрап 

жасауға  болады.  Ұсақ  қоңыраушалардан  інжугүл  (ландыш),  ұзынша  үшбұрыштарды 

төңкере  орналастыру  арқылы  қалампыр  (гвоздика),  жалпақтау,  шеті  дөңгеленіп  келген 

жапырақтардан қызғалдақ, жауқазын т.б. гүлдердің түрін құрап, тақтада әсем композиция 

(«Дала  гүлдері»  т.б.)  жасау  балаларды  ұжымдық  жұмысқа  біріктіреді.  Балалар  жұмысын 

қарап, талдау кезінде көркем сөз қолдануға болады. 

жүктеу 0,75 Mb.

Достарыңызбен бөлісу: