Б. К. Кенжембетова сурет салу әдістемелік нұсқау Мектепке дейінгі тәрбие мен оқытудың үлгілік оқу бағдарламасы

Ойынның тәрбиелік  мәні.  Көгөністер  мен  жемістер  жайындағы  балалардың  білімін 

тиянақтау  (жинақтау).  Бейнелеу  оқу  қызметі  барысында  пішін,  көлем,  түсті, 

салыстырмалы  көлемді  қабылдауын  қалыптастыру.  Балалардың  есте  сақтауын  дамыта 

отырып, зейінділікке, ұқыптылыққа, шапшаңдылыққа баулу. 

Қажетті  көрнекіліктер.  Арнайы  қапшықтарға  салынған  ойыншық  ыдыс-аяқтар, 

үлкен-кіші  тостағанның  қиылған  және  тұтас  үлгісі,  фланелограф,  әр  балаға  таратып 

беретін қиындылар. 

Ойын  ережесі.  Әдемі  әшекейлі  тостағандарды  көрсетіп  салыстыру,  көлемі 

жайындағы  түсініктерін  нақтылау.Осындай  қиылған  тостаған  бейнесін  құрап  шығаруға 

тапсырма беріледі. 

Ойынға  басшылық.  Педагог  бірнеше  ыдыстарды  немесе  суреттерді  көрсетеді. 

Осылардың ішінен тостағанды табуларын өтінеді. Тостағанның не үшін керек екендігіне, 

көлемі,  түр-түсіне көңіл бөліп, қазір қиындылардан тостаған құрайтындықтарын  айтады. 

Қиындарды  үстел  үстіне  қояды  да,  өзі  фланелеграфқа  тұтас  тостағанды  қыстырады.  Дәл 

осындай тостағанды кім құрап шығаратынын сұрап, балалардың өз қалауымен орындауын 

талап  етеді.  Үлкенірек,  кішірек,  үлкен,  кіші,  нешеу  –  деген  ұғымдарды  түсінулеріне 

бағыттайды.  Тақтаға  шығып  немесе  үстел  үстіне  құрап  көрсетеді.  Ою-өрнек  түстері, 

қайсысы  үлкен,  қайсысы  кіші  екені  талданады.  Үлкен  тостаған  неше  бөліктен,  кіші 

«наркөз»  неше  бөліктен  тұратынын  санайды.  Дұрыс  құралып  дайын  болған  ыдыстарды 

қарап  шығады.  «Біздің  ыдыстарымыз  қандай  тамаша!»,  «Мұндай  ыдыстармен  қымыз, 

айран,  сүт  т.б.  ішкен  қолайлы»  деген  сөйлемдерді  айтуға  балаларды  жетелеп,  педагог 

«Наркөз» шығармасын оқып береді.