Тексеріс 2
«__ » ___________ 2017 ж.
СКС 05 АБ
26-тен 3-бет
1. Жалпы ережелер
1.1. Директорлар кеңесінің мәртебесі
Директорлар кеңесі Қоғамды стратегиялық басқаруды және Қоғам Басқармасының
қызметін бақылауды қамтамасыз ететін Жалғыз акционер алдында есеп беретін Қоғамның
басқару органы болып табылады. Директорлар кеңесінің шешімдері Қоғамның Жарғысымен,
Қоғамның Корпоративтік басқару кодексімен және осы Ережемен анықталған тәртіпте
қабылданады.
Директорлар кеңесі Қоғамның Жалғыз акционерінің (бұдан әрі – Жалғыз акционер)
алдында Қоғамның жалпы қызметіне басшылықты жүзеге асыру үшін жауапты болады.
Директорлар кеңесі мен Қоғам Басқармасы ынтымақтастық рухында өзара әрекет
етуге тиіс, Қоғам мүдделерінде жұмыс істеуі қажет және тұрақты даму және Жалғыз
акционерге әділ көзқарас қағидаттарының негізінде шешімдер қабылдауға тиіс.
1.2. Директорлар кеңесі қызметінің қағидаттары
Директорлар кеңесінің қызметі мынадай қағидаттарға негізделеді:
1) кәсібилік;
2) парасаттылық;
3) сақтық;
4) адалдық;
5) шешімдер қабылдау кезіндегі объективтілік;
6) Жалғыз акционер мен Қоғамның мүдделерін барынша сақтау және іске асыру;
7) Жалғыз акционер құқықтарын қорғау.
1.3. Директорлар кеңесінің құзыреттері
Директорлар кеңесінің құзыретіне Қазақстан Республикасының заңнамасында және
Қоғамның Жарғысында көзделген мәселелер жатады.
Директорлар кеңесінің айрықша құзыретіне жатқызылған мәселелер Қоғам
Басқармасына шешу үшін берілмейді.
Директорлар кеңесі Қазақстан Республикасының заңнамасымен және Қоғамның
Жарғысымен Жалғыз акционердің немесе Қоғам Басқармасының айрықша құзыреттеріне
жатқызылған мәселелер бойынша шешімдер қабылдауға, сонымен қатар Жалғыз
акционердің шешіміне қайшы келетін шешімдер қабылдауға құқылы емес.
Жалғыз акционер, егер Қоғамның Жарғысында өзгеше белгіленбесе, Қоғамның ішкі
қызметіне қатысты мәселелер бойынша Директорлар Кеңесінің кез келген шешімінің күшін
жоюға құқылы.
Директорлар кеңесі:
1) ықтимал мүдделер қайшылығын, соның ішінде Қоғам меншігін заңсыз
пайдалануды және жасалуында мүдде бар мәмілелер жасау кезіндегі теріс
пайдаланушылықты қадағалауы және мүмкіндігінше лауазымды адамдар мен акционерлер
(Жалғыз акционер) деңгейінде жоюға тиіс;
2) Қоғамдағы корпоративтік басқару тәжірибесінің тиімділігін бақылауды жүзеге
асыруға тиіс.
Директорлар кеңесі өз функцияларын Қоғамның Жарғысына сәйкес атқарады және
мынадай мәселелерге:
1) даму стратегиясын анықтауға (бағыттары мен нәтижелері);
2) даму жоспары қызметінің негізгі көрсеткіштерін қоюға және мониторингтеуге;
3) тәуекелдерді басқару жүйесінің және ішкі бақылаудың тиімді жұмыс істеуін
ұйымдастыруға және қадағалауға;
4) Директорлар кеңесінің құзыреті шеңберінде ірі инвестициялық жобалардың және
басқа шешуші стратегиялық жобалардың іске асырылуының тиімділігін бекітуге және
мониторингтеуге;
Тексеріс 2
«__ » ___________ 2017 ж.
СКС 05 АБ
26-тен 3-бет
5) Қоғам Басқармасының Төрағасын және мүшелерін сайлауға, оларға сыйақы
төлеуге, қызметтерінің сабақтастығын жоспарлауға және қызметін қадағалауға;
6) корпоративтік басқаруға және этикаға;
7) ұйымда осы Ереженің және «Самұрық-Қазына» ұлттық әл-ауқат қоры» акционерлік
қоғамының (бұдан әрі – Қор) іскерлік этика саласындағы корпоративтік стандарттарының
(Іскерлік этика кодексінің) орындалуына ерекше назар аударады.
2. Директорлар кеңесінің құрылуы
2.1. Директорлар кеңесінің құрамы
2.1.1. Жеке тұлға ғана Директорлар кеңесінің мүшесі бола алады.
2.1.2. Директорлар кеңесінің мүшелері:
1) Директорлар кеңесіне Жалғыз акционердің өкілі ретінде сайлануға ұсынылған
тұлғалар;
2) басқа тұлғалар (Ереженің осы 2.1 тармағының 2.1.3 тармағымен белгіленген
шектеуді ескерумен) арасынан сайланады.
2.1.3 Қоғамның акционері болып табылмайтын және Директорлар кеңесіне Жалғыз
акционердің өкілі ретінде ұсынылмаған жеке тұлға Директорлар кеңесінің мүшесі болып
сайлана алады. Мұндай тұлғалар саны Қоғамның Директорлар кеңесінің елу пайызынан
аспауға тиіс.
2.1.4. Қоғам Басқармасының Төрағасынан басқа Қоғам Басқармасының мүшелері
Директорлар кеңесіне сайлана алмайды. Қоғам Басқармасының Төрағасы Қоғамның
Директорлар кеңесінің Төрағасы болып сайлана алмайды.
2.1.5. Қоғамның Директорлар кеңесінің сандық құрамын анықтау «Акционерлік
қоғамдар туралы» Қазақстан Республикасының Заңына, Корпоративтік басқару кодексіне
және Қордың ішкі құжаттарына сәйкес Жалғыз акционердің айрықша құзыретіне жатады.
Тәуелсіз директор – бұл Директорлар кеңесінің мүшесі, ол Жалғыз акционердің,
атқарушы органның және басқа мүдделі тұлғалардың ықпалынсыз тәуелсіз және объективті
шешімдер қабылдау үшін жеткілікті кәсібилікке және дербестікке ие. Тәуелсіз директорға
қойылатын талаптар «Акционерлік қоғамдар туралы» Қазақстан Республикасының Заңына
сәйкес белгіленеді және Қордың және Қоғамның Жарғысымен бекітіледі.
Директорлар кеңесі қызметінің үздіксіздігін қолдау және құрамын прогрессивті
жаңарту үшін Қоғам Директорлар кеңесі мүшелерінің сабақтастық жоспарларының болуын
қамтамасыз етуі қажет.
2.1.6. Директорлар кеңесінің мүшелігіне кандидаттардың және Директорлар кеңесінің
мүшелерінің өз міндеттерін орындау және Жалғыз акционер мен қоғам мүддесінде
Директорлар кеңесінің тиімді жұмыс істеуін ұйымдастыру үшін қажетті тиісті жұмыс
тәжірибесі, білімі, біліктілігі және іскерлік және (немесе) салалық ортадағы оң жетістіктері
болуға тиіс.
Директорлар кеңесінің мүшесі лауазымына мына тұлғалар сайлана алмайды:
1) заңнамамен белгіленген тәртіпте жойылмаған немесе алынып тасталмаған
сотталғаны бар тұлғалар;
2) жоғары білімі жоқ тұлғалар;
3) заңнамада белгіленген тәртіппен банкрот деп танылған басқа заңды тұлғаны
мәжбүрлеп тарату немесе акцияларды мәжбүрлеп сатып алу немесе консервациялау туралы
шешім қабылданғанға дейін бір жылдан аспайтын кезеңде бұрын басқа заңды тұлғаның
директорлар кеңесінің төрағасы, бірінші басшысы (басқарма төрағасы), басшының
орынбасары, бас бухгалтері болған; аталған талап Қазақстан Республикасының
заңнамасында белгіленген тәртіппен банкрот деп танылған басқа заңды тұлғаны мәжбүрлеп
тарату немесе акцияларын мәжбүрлеп сатып алу немесе консервациялау туралы шешім
қабылданған күннен кейін бес жыл ішінде қолданылады;
