109
14.3. Қоғамның жылдық қаржылық есебі Директорлар кеңесінің алдын-ала
бекітуіне акционерлердің жылдық Жалпы жиналысын өткізу күніне дейін отыз күн
бұрын жатады. Қоғамның жылдық қаржылық есебін түпкілікті бекіту
акционерлердің жылдық Жалпы жиналысында жүргізіледі.
14.4. Қоғам жылдық қаржылық есепке аудит жүргізуге міндетті. Қоғамның
аудиті Директорлар кеңесінің, атқарушы органның бастамасы бойынша Қоғамның
есебінен не ірі акционердің талабымен өз есебінен жүргізілуі мүмкін.
14.5. Қоғамның құжаттары, оның ішінде Қоғамның қаржылық есебі Қазақстан
Республикасының заңдарына сəйкес белгіленген мерзім ішінде жəне көлемде
сақталады.Акционердің талабы бойынша Қоғам оған Қазақстан Республикасының
заңдарында көзделген құжаттардың көшірмелерін беруге міндетті, бұл ретте
қызметтік, коммерциялық немесе өзге де заңмен қорғалатын құпия ақпаратты
беруге шектеу қоюға жол беріледі.
15. ҚОҒАМ АКЦИОНЕРЛЕРІНЕ ӨЗ ҚЫЗМЕТІ ТУРАЛЫ АҚПАРАТ БЕРУ ЖƏНЕ
АКЦИОНЕРЛЕРДІҢ ЖƏНЕ ЛАУАЗЫМДЫ ТҰЛҒАЛАРДЫҢ ӨЗДЕРІНІҢ
АФФИЛИИРЛЕНГЕН ТҰЛҒАЛАРЫ ТУРАЛЫ ҚОҒАМҒА АҚПАРАТ БЕРУ ТƏРТІБІ
15.1. Қоғам өз акционерлерінің назарына Қоғам қызметі туралы, Қоғамның
мүддесін қозғайтын ақпаратты ұсынуға міндетті.
15.2. Қоғам акционерлерінің мүдделерін қозғайтын ақпарат деп мыналар
танылады:
1) акционерлердің Жалпы жиналысы жəне Директорлар кеңесі қабылдаған
шешімдер жəне қабылданған шешімдердің орындалуы туралы ақпараттар;
2) Қоғамның акциялар жəне басқа да бағалы қағаздар шығаруы, уəкілетті
органның Қоғамның бағалы қағаздарын орналастыру нəтижесі туралы есептерді
бекітуі, Қоғамның бағалы қағаздарын өтеу қорытындысы туралы есептер, уəкілетті
органның Қоғамның бағалы қағаздарының күшін жоюы;
3) Қоғамның ірі мəмілелер жасауы жəне Қоғамның жасалуына
қызығушылығы бар жасалған мəмілелер;
4) Қоғамның меншік капиталының жиырма бес пайызын жəне одан да
асатын мөлшерде заем алуы;
5) Қоғамның қандай-да бір қызмет түрін жүзеге асыруға лицензия алуы,
Қоғамның қандай-да бір қызмет түрін жүзеге асыруға бұрын алған лицензиясының
тоқтала тұруы немесе қызметін тоқтатуы;
6) Қоғамның заңды тұлғаны құруға қатысуы;
7) Қоғам мүлкінің тұтқындалуы;
8) баланстық құны Қоғам активтерінің жалпы көлемінің он немесе одан
астамын құрайтын Қоғам мүлкінің жойылуына алып келген төтенше сипаттағы
жағдайлардың орын алуы;
9) Қоғамды жəне оның лауазымды тұлғаларын əкімшілік жауапқа тарту;
10) Қоғамды еріксіз тарату туралы шешім.
15.3. Акционерлердің мүдделерін қозғайтын Қоғам қызметі туралы ақпарат
акционерлерге былайша жеткізіледі:
1) заңда көзделген жағдайларда «Юридическая газета» жəне «Заң газетi»
баспасөз басылымдарында жариялау;
2) акционердің жеке жазбаша өтініші бойынша ақпарат ұсыну.
15.4. Акционер ақпарат алу үшін Қоғамның атқарушы органына жазбаша
нысанда хабарласады. Акционердің өтініші Қоғамның келіп түсетін құжаттарды
тіркеу журналына тіркелуі тиіс. Қоғам акционерге талап еткен ақпаратын (талап
етілген құжаттардың көшірмелерін) хабарласқан күннен бастап отыз күнтізбелік
күн ішінде беруге міндетті.
110
15.5. Құжаттардың көшірмелерін беру үшін ақы төлеу көлемін Қоғам
белгілейді жəне құжаттардың көшірмелерін дайындауға жəне құжаттарды
акционерге жеткізуге байланысты шығыстар төлемінен аспауы тиіс.
15.6. Қоғамның аффилирленген тұлғалары болып табылатын жеке жəне
заңды тұлғалар Қоғамға аффилирленгендігі туындаған күннен бастап жеті күн
ішінде өздерінің аффилирленген тұлғалары туралы мəліметтер беруге міндетті.
15.7. Қоғамның лауазымды тұлғасы қызметке қабылданған күннен бастап 10
жұмыс күнінен кешіктірмей Қоғамға жазбаша түрде өзінің аффилирленген
тұлғалары туралы ақпаратты ұсынуға міндетті.
15.8. Акционерлер Қоғамға өздерінің аффилирленген тұлғалары туралы
ақпаратты жазбаша түрде Қоғамның акциясына меншік құқығын сатып алған
күннен бастап 10 жұмыс күнінен кешіктірмей ұсынады.
15.9. Қоғамның акционерлері жəне лауазымды тұлғалары өздерінің
аффилирленген тұлғалары туралы ақпаратқа өзгерістер жөнінде өзгеріс енгізілген
күннен бастап 10 жұмыс күнінен кешіктірмей хабарлауға міндетті.
16. ҚОҒАМДЫ ҚАЙТА ҚҰРУ ЖƏНЕ ТАРАТУ
16.1. Қоғамды қайта құру (бірігу, қосылу, бөліну, бөлініп шығу, қайта
ұйымдасу) Қазақстан Республикасының Азаматтық кодексіне сəйкес Қазақстан
Республикасының заң актілерінде белгіленген ерекшеліктер ескеріле отырып,
жүзеге асырылады.
16.2. Қоғам қосылу нысанында қайта құрылуды қоспағанда жаңадан пайда
болған заңды тұлға мемлекеттік тіркеуден өткен сəттен бастап қайта құрылды деп
саналады.
16.3. Қоғамды ерікті түрде тарату туралы шешімді акционерлердің Жалпы
жиналысы қабылдайды, ол Қазақстан Республикасының заң актілеріне сəйкес
кредиторлардың келісімімен жəне олардың бақылауымен тарату рəсімдерін
анықтайды.
16.4. Қазақстан Республикасының заң актілерінде көзделген жағдайларда
Қоғамды мəжбүрлеп тарату жүргізіледі.
16.5. Соттың немесе акционерлердің Жалпы жиналысының Қоғамды тарату
туралы шешімімен тарату комиссиясы тағайындалады. Тарату комиссиясы
Қоғамды тарату кезеңі ішінде басқаруға жəне тізбесі Қазақстан Республикасының
заңдарында белгіленген əрекеттерді жасауға өкілетікке ие болады.
16.6. Тарату комиссиясының құрамына Қоғам кредиторларының өкілдері, ірі
акционерлердің өкілдері, сондай-ақ акционерлердің Жалпы жиналысының
шешіміне сəйкес өзге де тұлғалар кіруі тиіс.
16.7. Қоғамды тарату рəсімдері мен оның кредиторларының талаптарын
қанағаттандыру тəртібі Қазақстан Республикасының қолданыстағы заңдарымен
реттеледі. Қоғамды тарату кезінде оның жарияланған, оның ішінде
орналастырылған
акциялары
Қазақстан
Республикасының
заңдарында
белгіленген тəртіппен жойылуға жатады.
16.8. Қоғам мемлекеттік тізілімге тиісті жазба енгізілгеннен кейін таратылды
деп есептеледі.
17. ҚОҒАМ МЕНШІГІН ҚҰҚЫҚТЫҚ ҚОРҒАУ
17.1. Қоғам мүлкін жəне оған тиісілі құқықты құқықтық қорғау Қазақстан
Республикасының қолданыстағы заңдарына сəйкес жүзеге асырылады.
18. ҚОРЫТЫНДЫ ЕРЕЖЕЛЕР
Достарыңызбен бөлісу: |
